ព័ត៌មានអន្ដរជាតិ

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

បានផុស

២ years មុន

នៅ

ថ្ងៃពុធ ២៤ មករា ២០២៤

ដោយ

គេហទំព័រ ladbible បានបង្ហាញពីរូបថតបុរាណមួយសន្លឹកលើបណ្ដាញអ៊ីនធឺណិត ដែលថតនៅលើឆ្នេរ Cornwall ក្នុងឆ្នាំ ១៩៤៣ ហើយលេចចេញនៅមនុស្សប្រុសម្នាក់ ក្នុងដៃរបស់គាត់ដូចជាកាន់នូវទូរស័ព្ធដៃមួយគ្រឿង ក្នុងកម្មសកម្មភាពកំពុងផ្ញើរសារទៅកាន់នរណាម្នាក់។

តាមរយៈរូបភាពមួយនេះ តាមពិតវាបានចែកចាយលើកដំបូងក្នុងឆ្នាំ២០១៨ ដែលបុរសម្នាក់ឈ្មោះ Stuart Humphryes បានចែករំលែកវាទៅក្នុង Twitter ដោយដាក់ខេបសិនថា នោះគឺជារូបថតរបស់ “កម្មករសង្គ្រាមអង់គ្លេស រត់គេចខ្លួនទៅមាត់សមុទ្រ”។ ប៉ុន្តែ ប្រសិនបើអ្នកពង្រីកខ្លួនបុរសក្នុងឈុតពណ៌ត្នោតឈរអោនមុខកណ្តាលរូបថត អ្នកអាចនឹងឃើញអ្វីដែលមិនធម្មតា។ វាហាក់ដូចជាបុរសម្នាក់នេះកំពុងសម្លឹងមើលអ្វីមួយនៅក្នុងដៃរបស់គាត់ ហើយមនុស្សជាច្រើនគិតថាគឺជាទូរស័ព្ទ។ ប៉ុន្តែចំណុចគឺ ទូរសព្ទត្រូវបានបង្កើតឡើងក្នុងទសវត្សរ៍ឆ្នាំ ១៩៨០ ជិត ៤០ ឆ្នាំបើគិតមកដល់សព្វថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីរូបភាពនេះត្រូវបានផ្សព្វផ្សាយយ៉ាងទូលំទូលាយ អ្នកលេងអ៊ីនធឺណិតបានវិភាគលើអ្វីដែលបុរសម្នាក់នេះកាន់ក្នុងដៃ ហើយរូបភាពនេះគឺជាព័ស្តុតាងបញ្ចាក់ថា ការធ្វើដំណើរពេលវេលាពិតជាអាចមានមែន។ ក្នុងនោះមានមតិមួយចំនួនរបស់មហាជនក្នុងបណ្ដាញអ៊ិនធើណេតបានបញ្ចេញមតិថា “បុរសនេះហាក់ដូចជាកំពុងផ្ញើសារ តើគាត់ជាអ្នកធ្វើដំណើរតាមពេលវេលា មកកាន់ទីកន្លែងនេះមែនទេ?”

ទោះយ៉ាងណាក៏ដោយ មានមតិខ្លះបាននិយាយបែបកំប្លែងថា ចាប់បានជ្រុងល្អណាស់! វាច្បាស់ណាស់ថាបុរសនៅក្នុងរូបភាព គឺជាពេលដែលអ្នកទេសចរកំពុងធ្វើដំណើរពិនិត្យមើលឧបករណ៍ចល័តរបស់គាត់តែប៉ុណ្ណោះ ខណៈដែលអ្នកផ្សេងទៀតទៀតថា ប្រហែលជាគាត់កំពុងតែបង្វិលនាឡិកា។ ប៉ុន្តែក៏នៅមានមនុស្សមួយចំនួនទៀត ផ្ដោតសំខាន់ទៅលើលទ្ធភាពនៃទូរស័ព្ទចល័តដែលត្រូវបានប្រើប្រាស់ក្នុងទសវត្សរ៍ឆ្នាំ ១៩៤០ ហើយនឹងសំលៀកបំពាក់របស់អ្នកធ្វើដំណើរតាមពេលវេលា។

យ៉ាងណាមិញ មិនមែនជារឿងចម្លែកភ្នែកនោះទេ នៅពេលដែលជារឿយៗតែលេចចេញនូវរូបភាព Time Traveler ឬអ្នកធ្វើដំណើរតាមពេលវេលាលើបណ្ដាញអ៉ិនធើណេត រហូតកើតជាការសង្ស័យថា ពិតជាមានរឿងរ៉ាវនៃការឆ្លងភពពិតមែនឬទេ។ ថ្វីបើគ្មានព័ស្តុតាងបញ្ចាក់ច្បាស់លាស់មែនពិត ប៉ុន្តែនៅតែមានមនុស្សជាច្រើនថាលើលោកនេះប្រាកដជាមានរឿងចម្លែកៗបែបនេះកើតឡើងពិតមែន៕

អត្ថបទ៖ សាង ស្រីល័ក្ខ

ចុចអាន៖បុរស ប្រេស៊ីល ម្នាក់ត្រូវគ្រាប់កាំភ្លើងបៀមក្នុងខួរក្បាល ៤ ថ្ងៃតែមិនស្លាប់