ព័ត៌មានអន្ដរជាតិ
កូរ៉េខាងត្បូង-អាមេរិក ធ្វើសមយុទ្ធយោធាខ្នាតធំដើម្បីប្រុងជើងការប្រឆាំង កូរ៉េខាងជើង
កូរ៉េខាងត្បូង និងសហរដ្ឋអាមេរិកកាលពីដើមសប្ដាហ៍កន្លងទៅបានចាប់ផ្តើមសមយុទ្ធយោធាខ្នាតធំប្រចាំឆ្នាំរួមគ្នាឈ្មោះ Freedom Shield ដើម្បីពង្រឹង និងប្រុងជើងការប្រឆាំងនឹងកូរ៉េខាងជើង ។ នេះបើយោងតាមការចេញផ្សាយរបស់សារពត៌មាន CNN នៅថ្ងៃទី៥ ខែមីនា ។
បើយោងតាមកងកម្លាំងសហរដ្ឋអាមេរិកកូរ៉េ (USFK) និងក្រសួងការពារជាតិកូរ៉េខាងត្បូងបានឲ្យដឹងថា សមយុទ្ធដែលមានរយៈពេល ១១ ថ្ងៃនឹងរួមបញ្ចូលទាំងលំហាត់សមយុទ្ធស្ដែងៗ ខណៈលោក Lee Sung-jun អ្នកនាំពាក្យអគ្គសេនាធិការចម្រុះរបស់ទីក្រុងសេអ៊ូលបាននិយាយកាលពីសប្តាហ៍មុនថា សមយុទ្ធនេះនឹងផ្តោតសំខាន់លើការទប់ស្កាត់ការគំរាមកំហែងនុយក្លេអ៊ែររបស់កូរ៉េខាងជើង ។
USFK បាននិយាយទៀតថា បន្ថែមពីលើសមយុទ្ធ Freedom Shield សម្ព័ន្ធមិត្តទាំងពីរក៏កំពុងធ្វើលំហាត់ហ្វឹកហ្វឺនលើទីតាំងតូចៗមួយចំនួនដើម្បីបង្កើនសកម្មភាពការពារ និងកិច្ចសហប្រតិបត្តិការតាមរយៈអាកាសផ្លូវគោក សមុទ្រ ក្នុងលំហ អ៊ីនធឺណិត និងប្រតិបត្តិការពិសេសៗផ្សេងទៀតជាដើម ។
គួរបញ្ជាក់ថា កន្លងមកកូរ៉េខាងជើងធ្លាប់បានថ្កោលទោសសមយុទ្ធយោធារួមគ្នារបស់អាមេរិក និងកូរ៉េខាងត្បូង ប៉ុន្តែមិនទាន់បានធ្វើអត្ថាធិប្បាយជាផ្លូវការណាមួយ ឬឆ្លើយតបចំពោះសមយុទ្ធនាពេលនេះនៅឡើយទេ ។
ប៉ុន្តែមេដឹកនាំកូរ៉េខាងជើងលោក គីម ជុងអ៊ុន បានដាក់ចេញយុទ្ធសាស្ត្រកាន់តែខ្លាំងក្លាជាងមុនប្រឆាំងនឹងកូរ៉េខាងត្បូងក្នុងរយៈពេលប៉ុន្មានខែថ្មីៗនេះដោយនិយាយថា កូរ៉េខាងជើងនឹងលែងស្វែងរកការផ្សះផ្សា និងការបង្រួបបង្រួមជាមួយកូរ៉េខាងត្បូងទៀតហើយ ហើយបានអភិវឌ្ឍន៍កម្លាំងទ័ពរបស់ខ្លួន បង្កើនឧស្សាហកម្មគ្រាប់បែក អាវុធនុយក្លេអ៊ែរ និងវិស័យការពារជាតិដើម្បីពន្លឿនសមត្ថភាពធ្វើសឹកសង្គ្រាម ៕
អត្ថបទ ៖ ប៊ុន សុភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ