Connect with us

ព័ត៌មានអន្ដរជាតិ

UNICEF ថា ឆ្នាំមុនជនរងគ្រោះ ដោយសារគ្រាប់មីននៅ មីយ៉ាន់ម៉ា កើនឡើង​មួយគុណនឹងពីរ

បានផុស

នៅ

ទីភ្នាក់ងារកុមាររបស់អង្គការសហប្រជាជាតិ (UNICEF) បាននិយាយកាលពីថ្ងៃព្រហស្បតិ៍ថា ចំនួនជនស៊ីវិលដែលស្លាប់បាត់បង់ជីវិត និងរងរបួស ដោយសារគ្រាប់មីន និងអាវុធជាតិផ្ទុះផ្សេងៗនៅមីយ៉ាន់ម៉ាបានកើនឡើងមួយគុណនឹងពីរដល់ ១,០៥២ នាក់កាលពីឆ្នាំមុន ស្របពេលដែលប្រទេសក៏កំពុងស្ថិតក្នុងភ្នក់ភ្លើងសង្គ្រាមស៊ីវិល ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី៤ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

UNICEF បាននិយាយទៀតថា កាលពីឆ្នាំ ២០២៣ កន្លងទៅ គ្រាប់មីន និងសំណល់ជាតិផ្ទុះសល់ពីភ្លើងសង្គ្រាមស៊ីវិលក្នុងប្រទេសមីយ៉ាន់ម៉ាបានឆក់យកជីវិតមនុស្ស និងបណ្ដាលឲ្យមានអ្នករងរបួសកើនឡើងដល់ ២៧០ ភាគរយ ក្នុងនោះកុមារមានជាង ២០ ភាគរយ ។ ចំណែកតួលេខផ្លូវការវិញមានអ្នកស្លាប់បាត់បង់ជីវិតចំនួន ១៨៨ នាក់ និង ៨៦៤ នាក់រងរបួស ខណៈកាលពីឆ្នាំ ២០២២ ជនរងគ្រោះសរុបមានត្រឹម ៣៩០ នាក់ប៉ុណ្ណោះ ។

ពាក់ព័ន្ធនឹងបញ្ហានេះដែរ លោកស្រី Debora Comini នាយកប្រចាំតំបន់អាស៊ីបូព៌ា និងប៉ាស៊ីហ្វិករបស់អង្គការ UNICEF បានលើកឡើងថា “ការប្រើប្រាស់គ្រាប់មីនមិនត្រឹមតែត្រូវដាក់ការស្ដីបន្ទោសប៉ុណ្ណោះទេ ប៉ុន្តែវាក៏ខុសច្បាប់មនុស្សធម៌អន្តរជាតិផងដែរ ស្របពេលដែលអាវុធយុទ្ធភណ្ឌទាំងនោះកំពុងត្រូវបានប្រើប្រាស់ដោយមិនរើសមុខសម្រាប់គ្រប់ភាគីទាំងអស់នៅក្នុងប្រទេសដែលកំពុងហែកហួរដោយសង្គ្រាមមួយនេះ ។

ប្រទេសមីយ៉ាន់ម៉ាបានធ្លាក់ក្នុងភាពចលាចលជាង ៣ ឆ្នាំមកហើយ ចាប់តាំងពីយោធាបានធ្វើរដ្ឋប្រហារដណ្ដើមអំណាចពីរដ្ឋាភិបាលជាប់ឆ្នោតតាមបែបប្រជាធិបតេយ្យកាលពីឆ្នាំ ២០២១ កន្លងទៅ ខណៈជម្លោះ​នេះទៀតសោត​បាន​ប្រែមុខមាត់​មី​យ៉ាន់​ម៉ាឲ្យក្លាយ​ទៅ​ជា​ប្រទេស​មួយ​ក្នុង​ចំណោម​ប្រទេស​ដែល​មាន​មីន​ច្រើន​បំផុត​ក្នុង​ពិភពលោក ​។

គួរបញ្ជាក់ថា យោងតាមរបាយការណ៍ពី UN មនុស្សជាង ១,៥០០ នាក់ស្លាប់បាត់បង់ជីវិត ចាប់តាំងពីរដ្ឋប្រហារយោធា និងការបង្ក្រាបដោយហិង្សាលើអ្នកគាំទ្រលទ្ធិប្រជាធិបតេយ្យក្នុងរយៈពេល ៣ ឆ្នាំមកនេះ ។ ក្នុងនោះពលរដ្ឋជាង ២.៣ លាននាក់ត្រូវបង្ខំចិត្តចាកចេញពីផ្ទះសម្បែង ខណៈជិត ២៦,000 នាក់ត្រូវចាប់ឃុំខ្លួនដោយហេតុផលនយោបាយ និងជិត ២០,០០០ នាក់រងការធ្វើទារុណកម្ម និងការរំលោភបំពាននៅក្នុងមន្ទីរឃុំឃាំង ៕

ដោយ ៖ សុខ ជីវ័ន្ត

ចុចអាន ៖ ធ្លាយព័ត៌មាន UN ត្រៀមតែងតាំងលោកស្រី យីងឡាក់ ជាបេសកជនពិសេស ទទួលបន្ទុកនៅ មីយ៉ាន់ម៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៧ នាទី មុន

កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ

ព័ត៌មានអន្ដរជាតិ២១ នាទី មុន

ហេតុអ្វី រញ្ជួយដីខ្លាំងប៉ុណ្ណឹងហើយ អគារខ្ពស់បំផុតរបស់តៃវ៉ាន់ នៅតែអាចស៊ូទ្រាំមិនបាក់រលំបាន?

ព័ត៌មានជាតិ២៣ នាទី មុន

ប្រធានយុវជនសង្គមស៊ីវិល ថា វត្តមានសម្ដេចតេជោ ជាប្រធានព្រឹទ្ធសភា នឹងបន្តនាំកម្ពុជាកាន់តែរីកចម្រើន

ព័ត៌មានអន្ដរជាតិ៤១ នាទី មុន

UNICEF ថា ឆ្នាំមុនជនរងគ្រោះ ដោយសារគ្រាប់មីននៅ មីយ៉ាន់ម៉ា កើនឡើង​មួយគុណនឹងពីរ

ព័ត៌មានជាតិ១ ម៉ោង មុន

​អ្នក​ត្រូវការ​ខ្ចីលុយ​​ពី​ធនាគារ​ ត្រូវ​ស្គាល់ស្ថាប័ន​ដ៏​សំខាន់មួយនេះ

Sokha Hotels

ព័ត៌មានពេញនិយម