ភាសាជិត ២,៥០០ ប្រឈមការផុតរលត់ពីពិភពលោក

មន្ត្រីទួរគីនៅអង្គការ UNESCO បាននិយាយកាលពីថ្ងៃអាទិត្យថា ភាសាជិត ២,៥០០ ភាសានៅទូទាំងពិភពលោកកំពុងប្រឈមនឹងការផុតរលត់ ។

នៅក្នុងបទសម្ភាសន៍ផ្តាច់មុខជាមួយទីភ្នាក់ងារ Anadolu លោក Ocal Oguz ប្រធានគណៈកម្មាធិការជាតិទួរគីសម្រាប់អង្គការ UNESCO បាននិយាយថា “ភាសាជិត ៧,០០០ ភាសាត្រូវបាននិយាយទូទាំងពិភពលោក” ។

លោកបាននិយាយថា “ក្នុងចំណោមភាសាទាំងនេះជិត ២,៥០០ ភាសាប្រឈមមុខនឹងការបាត់បង់ ពីព្រោះចំនួនអ្នកនិយាយភាសាទាំងនោះគឺទាបណាស់ ។ យោងតាមស្ថិតិ និងការចងក្រងទិន្នន័យ ភាសាមួយក្នុងចំណោមភាសាទាំងនេះត្រូវបាត់រាល់ ១៥ ថ្ងៃម្តង” ។

លោកបន្តថា “គ្រោះថ្នាក់ និងការបាត់ខ្លួននៃភាសាបានកើនឡើងនៅក្នុងទសវត្សថ្មីៗនេះដោយសារតែការផ្លាស់ប្តូរសង្គម នយោបាយ និងសេដ្ឋកិច្ចនៅលើពិភពលោក” ។

ទន្ទឹមនោះលោក Oguz ក៏បានបញ្ជាក់ផងដែរថា ជាង ២៥០ ភាសាបានបាត់ខ្លួនចាប់តាំងពីឆ្នាំ ១៩៥០ ។ លោកបានបន្ថែមទៀតថា យោងទៅតាមអង្គការ UNESCO ភាសាគួរតែត្រូវបាននិយាយដោយមនុស្សយ៉ាងតិច ១០,០០០ នាក់ដើម្បីធានាបាននូវទំនាក់ទំនងរបស់ក្រុមមនុស្ស ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មានប្រទេស និងដែនដីប៉ុន្មានហើយទទួលការចាក់វ៉ាក់សាំងកូវីដ

ចុចអាន ៖ ពិភពលោកកំពុងប្រឈមនឹងមហន្តរាយសីតុណ្ហភាពកើនឡើងនៅសតវត្សរ៍នេះ