ព័ត៌មានអន្ដរជាតិ
មនុស្សរាប់លាននាក់ ទទួលបានទស្សនីយភាពដ៏មហស្ចារ្យ នៃសូរ្យគ្រាសកម្របំផុត ក្នុងឆាកជីវិត
តាមការចុះផ្សាយរបស់សារព័ត៌មាន AP, មនុស្សរាប់លាននាក់ នៅទូទាំងតំបន់អាមេរិកខាងជើង បានទស្សនាទស្សនីយភាពដ៏មហស្ចារ្យ នៃសូរ្យគ្រាសមហាកម្រកាលពីថ្ងៃចន្ទទី៨ខែមេសា។
ដំបូងបំផុត សូរ្យគ្រាសនេះបាននាំភាពងងឹតស្លុបដល់ទីក្រុង Mazatlán នៃប្រទេសម៉ិកស៊ិក រួចបន្តទៅទីក្រុង Newfoundland ដោយឆ្លងកាត់រដ្ឋចំនួន១៥របស់សហរដ្ឋអាមេរិក ហើយត្បិតតែតំបន់មួយចំនួនមិនបានឃើញសូរ្យគ្រាសទាំងស្រុងក៏ពិតមែន ប៉ុន្តែពួកគេក៏អាចមើលឃើញសូរ្យមួយចំណិតបានដែរ។
សូរ្យគ្រាសគឺកើតឡើងនៅជុំវិញពិភពលោករៀងរាល់១១ទៅ១៨ខែម្តង ប៉ុន្តែវាមិនញឹកញាប់ពេកទេ ដែលមានផ្លូវត្រូវឆ្លងកាត់តំបន់មានមនុស្សរាប់លាននាក់បែបនេះ។
មិនត្រឹមតែជាចំណីភ្នែក សូរ្យគ្រាសថ្ងៃ៨មេសា ក៏បានក្លាយជាឱកាសមាសសម្រាប់អង្គការណាសា ដើម្បីធ្វើពិសោធន៍វិទ្យាសាស្រ្តនានា ហើយផ្តល់ឱកាសដ៏កម្រដល់វិស័យពាណិជ្ជកម្មនិងការរៀបចំកម្មវិធីកម្សាន្តផ្សេងៗផងដែរ។
ជាសំណាងល្អដែរ ដែលអាកាសធាតុអំណោយផល ធ្វើឲ្យមនុស្សអាចមើលសូរ្យគ្រាសនេះឃើញយ៉ាងច្បាស់ ហើយអ្វីដែលកាន់តែរំភើបគឺថា មានព្រឹត្តិការណ៍លើដីដ៏រំភើបជាច្រើនត្រូវបានរៀបចំឡើងដូចជាគូស្នេហ៍ខ្លះសុំគ្នារៀបការ កម្មវិធីរៀបអាពាហ៍ពិពាហ៍ទ្រង់ទ្រាយធំ និងពិធីជប់លៀងនានាជាដើម។
នៅទីក្រុង Russellville នៃរដ្ឋ Arkansas, គូស្នេហ៍រាប់រយគូ បានចូលរួមក្នុងការរៀបអាពាហ៍ពិពាហ៍ទ្រង់ទ្រាយធំ ក្នុងកម្មវិធីដែលគេឲ្យឈ្មោះ “សូរ្យគ្រាសបេះដូង”។
លើសពីនេះ តាមការបញ្ជាក់ពីអង្គការណាសា, សូរ្យគ្រាសនេះ ក៏ផ្តល់ឱកាសមាសដើម្បីសិក្សាអំពី Corona របស់ព្រះអាទិត្យ ដែលជាស្រទាប់ខាងក្រៅនៃបរិយាកាសរបស់វាផងដែរ ដែលជាធម្មតាជះឥទ្ធិពលខ្លាំងលើអ្វីៗទាំងអស់ចាប់ពីផ្កាយរណប រហូតដល់បណ្តាញថាមពល។
សូមបញ្ជាក់ថា លើកចុងក្រោយដែលសហរដ្ឋអាមេរិក ទទួលបានរសជាតិសូរ្យគ្រាសបែបនេះគឺនៅក្នុងឆ្នាំ២០១៧ ហើយពួកគេនឹងមិនបានឃើញទស្សនីយភាពបែបនេះទៀតឡើយ ពោលគឺត្រូវចាំរហូតដល់ឆ្នាំ២០៤៥ឯណោះ៕
អត្ថបទ៖ សុខ សុវណ្ណ
ចុចអាន៖ ក្រៅពីសូរ្យគ្រាសមហាកម្រ នៅមានព្រឹត្តិការណ៍តារាសាស្រ្ត ៣ទៀត កើតឡើងក្នុងខែមេសានេះ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ