មីយ៉ាន់ម៉ា ឃុំខ្លួនអ្នកកាសែតបរទេសដំបូងបំផុតចាប់តាំងពីរដ្ឋប្រហារ

ប៉ូលិសមីយ៉ាន់ម៉ាបានឃុំខ្លួនអ្នកកាសែតជនជាតិជប៉ុនម្នាក់ អំឡុងការតវ៉ាមួយនៅក្នុងរដ្ឋធានីពាណិជ្ជកម្ម យ៉ាំងហ្គោន ដែលនេះជាការឃុំខ្លួនអ្នកកាសែតបរទេសលើកដំបូងបង្អស់ចាប់តាំងពីការធ្វើរដ្ឋប្រហារយោធាថ្ងៃទី១ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទំព័រ Facebook របស់គាត់បានឲ្យដឹងថា លោក Yuki Kitazumi ដែលបើកក្រុមហ៊ុនប្រព័ន្ធផ្សព្វផ្សាយនិងធ្លាប់ជាអ្នកសារព័ត៌មានឲ្យកាសែតជប៉ុន Nikkei ត្រូវបានចាប់ខ្លួននៅព្រឹកថ្ងៃសុក្រនេះ។

លោក Linn Nyan Htun សហសេវិកមីយ៉ាន់ម៉ារបស់លោក Kitazumi បាននិយាយថា “យោងតាមសាក្សីបានឲ្យដឹងថា គាត់ត្រូវបានគេវាយចំក្បាល ប៉ុន្តែគាត់មានពាក់មួកសុវត្ថិភាព ដូច្នេះវាមិនបង្កគ្រោះថ្នាក់ដល់គាត់ទេ។ ខ្ញុំបានទាក់ទងស្ថានទូតប៉ុន្តែមិនទទួលបានព័ត៌មានច្រើនឡើយ នាពេលនេះ”។

ស្របពេលជាមួយគ្នានោះ ប្រធានខុទ្ទកាល័យគណៈរដ្ឋមន្រ្តីជប៉ុនលោក Katsunobu Kato បា​នប្រាប់សន្និសីទសារព័ត៌មានមួយថា ប្រទេសជប៉ុននៅតែព្យាយាមបញ្ជាក់អំពីការពិត។

ប៉ូលិសមីយ៉ាន់ម៉ា មិនបានឆ្លើយតបការហៅទូរស័ព្ទសុំការអត្ថាធិប្បាយទេ៕

ប្រែសម្រួលដោយ៖ Vann Vann

ប្រភព៖ Straits Times

ចុចអាន៖ ក្រុមប្រឆាំង និងគាំទ្ររដ្ឋប្រហារមីយ៉ាន់ម៉ា ប៉ះទង្គិចគ្នាមួយប្រាវ ខណៈការតវ៉ាកាន់តែខ្លាំងឡើង

ចុចអាន៖ រដ្ឋមន្ត្រីមីយ៉ាន់ម៉ា ទៅដល់ថៃ រកវិធីគេចចេញពីវិបត្តិក្រោយរដ្ឋប្រហារ