Connect with us

ព័ត៌មានអន្ដរជាតិ

លោក បៃដិន ដាច់​ខាត​មិន​ធ្វើ​តេស្ត​​​ប្រាជ្ញា ឬ​សរសៃ​ប្រសាទ បន្ទាប់​ពី​ជជែក​ដេញ​ដោល​ចាញ់​លោក ត្រាំ

បានផុស

នៅ

ប្រធានាធិបតី​អាមេរិក លោក ចូ បៃដិន បាន​ប្រកាស​​កាលពីថ្ងៃទី​៦ ខែ​កក្កដា ឆ្នាំ​២០២៤​ ថា លោកមិនត្រូវការការធ្វើតេស្តការយល់ដឹង ឬប្រព័ន្ធសរសៃប្រសាទទេ ហើយលោក​បាន​ច្រានចោលរបាយការណ៍ដែលថាលោកមាន​​បញ្ហា​វង្វេង​ស្មារតី។

(រូបភាព៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន ទទួល​ស្គាល់​ថា​ លោក​ធ្វើ​មិន​​បាន​ល្អ​នៅ​ក្នុង​ការ​ជជែក​ដេញ​ដោល​​កាល​ពី​ពេល​​ថ្មីៗ​ជាមួយ​លោក ដូណាល់ ត្រាំ ប៉ុន្តែ​លោក​បាន​ទទូច​ថា​ លោក​នៅ​តែ​មាន​ទម្រង់​ប្រយុទ្ធ​សម្រាប់​ការ​បោះឆ្នោត​ប្រធានាធិបតី​ក្នុង​ខែ​វិច្ឆិកា​ខាង​មុខ។ ប្រធានាធិបតី​អាមេរិក​រូប​នេះ បាន​ច្រាន​ចោល​ម្តងហើយម្តងទៀត​ចំពោះ​ការលើកឡើងនៃការវាយតម្លៃផ្នែកវេជ្ជសាស្រ្តឯករាជ្យ ពាក់ព័ន្ធ​នឹង​​កម្រិត​ស្មារតី​របស់​លោក។

ទន្ទឹម​នោះ លោក បៃដិន បាន​លើក​ឡើង​ថា លោកមិនមានភាពទន់ខ្សោយជាងមុននៅក្នុងអាណត្តិប្រធានាធិបតីរបស់លោកឡើយ ហើយ​លោក​បាននិយាយថា លោកបានឆ្លងកាត់ដំណើរការវាយតម្លៃ​ផ្នែក​​ប្រាជ្ញា​សា្មរតី​ជា​រៀងរាល់​ថ្ងៃ ដោយវេជ្ជបណ្ឌិតផ្ទាល់ខ្លួន​របស់​លោក​​រួច​មក​ហើយ។

គួរ​បញ្ជាក់​ថា កាល​ពី​ថ្ងៃ​ទី​៤ ខែ​កក្កដា​កន្លង​ទៅ លោក ចូ បៃដិន ប្រធានាធិបតី​អាមេរិក បាន​ប្រាប់​​ទៅ​ក្រុម​អភិបាល​រដ្ឋ​បក្ស​ប្រជាធិបតេយ្យ​​​​ក្នុង​​កិច្ច​ប្រជុំ​មួយ​នៅ​​​សេតវិមាន​ ថា គម្រោង​បន្ទាប់​របស់​លោក​គឺ​បញ្ឈប់​នូវ​​​ការ​ចូលរួម​ក្នុង​​​​កម្មវិធី​ទាំង​ឡាយ​​ណា​ដល់​​​ពេល​យប់​​ជ្រៅ​ពេក ពោល​គឺ​ហាម​​​រៀបចំ​កម្មវិធី​ក្រោយ​ពី​យប់​​ម៉ោង​៨ ដើម្បី​​​ឲ្យ​លោក​អាច​​​សម្រាក​បាន​​យូរជាង​មុន។ ការ​លើក​ឡើង​នេះ ត្រូវ​គេ​ដឹង​ថា ធ្វើ​​ឡើង​នៅ​ស្រប​ពេល​ដែល​​ប្រធានាធិបតី​វ័យ​៨១​ឆ្នាំ​របស់​អាមេរិក​រូប​នេះ កំពុង​​កៀរគរ​រក​សម្លេង​គាំទ្រ​ពី​សមាជិក​​ដឹក​នាំ​ជាង​២០​រូប​​ក្នុង​បក្ស​ប្រជាធិបតេយ្យ​​​​ឡើង​វិញ ក្រោយ​លោក បៃដិន ធ្វើ​មិន​បាន​ល្អ ហើយ​ត្រូវ​បាន​លោក ដូណាល់ ត្រាំ ដែល​ជា​គូ​ប្រជែង​មក​ពី​​បក្ស​សាធារណរដ្ឋ បំបាក់​មុខ​ក្នុង​​ការ​ជជែក​ដេញ​ដោល​គ្នា​យ៉ាង​បែក​ផ្សែង​រយៈពេល​៩០​នាទី សម្របសម្រួល​ដោយ CNN នៅ​ទីក្រុង Atlanta នៃ​រដ្ឋ Georgia កាល​ពី​សប្ដាហ៍​មុន។

លោក បៃដិន បាន​សន្យា​ថា លោកថានឹងធ្វើឲ្យល្អជាងនេះ ក្នុងការជជែកដេញដោលលើកក្រោយ ដែល​នឹងប្រព្រឹត្តទៅនៅថ្ងៃទី១០ខែកញ្ញា ដោយមានការសម្របសម្រួលពីសំណាក់ទូរទស្សន៍ ABC៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

អនុប្រធាន​រដ្ឋសភា​ឡាវ​សរសើរ​ការ​រីក​ចម្រើន​ខេត្ត​ព្រះសីហនុ និង​ណែនាំ​ពលរដ្ឋ​ខ្លួន​ឱ្យ​មក លេង កម្សាន្ត​ឱ្យ​បាន​ច្រើន

ព័ត៌មានជាតិ១១ ម៉ោង មុន

លោក ហេង សួរ គាំទ្រ​និង​លើកទឹកចិត្ត​ឱ្យ​យុវ​សិស្ស​កម្ពុជា​បន្ត​ចេញទៅ​ចូលរួម​ប្រកួត​នៅ​កម្រិត​អន្តរជាតិ​ដើម្បី​កិត្យានុភាព​ជាតិ

ព័ត៌មានជាតិ១១ ម៉ោង មុន

រថយន្ត​ដឹកទំនិញ​មួយគ្រឿងឡើង​ចំណោទ​មិន​រួច​ រអិល​ថយក្រោយ​បុក​រះ​ចូល​ផ្ទះ​ប្រជាពលរដ្ឋបង្កការខូចខាត

ព័ត៌មានជាតិ១២ ម៉ោង មុន

ខេត្ត​កំពង់ចាម​មាន​សិស្ស​ជិត​១០០​នាក់​ ហើ​យ​ដែល​មក​ចុះឈ្មោះ​រៀន​ជំនាញ​វិជ្ជាជីវៈ​និង​បច្ចេកទេស​នៅ​វគ្គ​សិក្សា​ថ្មី​ខាងមុខនេះ

ព័ត៌មានជាតិ១២ ម៉ោង មុន

ខេត្តជាប់សមុទ្រចំនួន ៤​ ដាក់តំបន់ឆ្នេរ​ប្រកួតប្រជែង គម្រោងរចនាប្លង់នគរូបនីយកម្មតំបន់ឆ្នេរសមុទ្រនៅកម្ពុជា

Sokha Hotels

ព័ត៌មានពេញនិយម