អង្គការសិទ្ធិមនុស្សបញ្ចេញតួលេខអ្នកស្លាប់ និងឃុំឃាំងចាប់តាំងពីរដ្ឋប្រហារយោធាមីយ៉ាន់ម៉ា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អង្គការសិទ្ធិមនុស្សបញ្ចេញតួលេខអ្នកស្លាប់ និងឃុំឃាំងចាប់តាំងពីរដ្ឋប្រហារយោធាមីយ៉ាន់ម៉ា

Published

on

យោងតាមអង្គការសិទិ្ធមនុស្សបានឲ្យដឹងថា មនុស្សចំនួន ៣០ នាក់ត្រូវបានសម្លាប់ និងច្រើនជាង ១,២០០ នាក់ត្រូវបានចាប់ខ្លួនដោយប៉ូលិស និងកងកម្លាំងសន្តិសុខចាប់តាំងពីមានរដ្ឋប្រហារយោធានៅក្នុងប្រទេសមីយ៉ាន់ម៉ា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមសិទ្ធិមនុស្សដែលមានមូលដ្ឋាននៅប្រទេសមីយ៉ាន់ម៉ា និងសមាគមជំនួយសម្រាប់អ្នកទោសនយោបាយ (AAPP) បានបង្ហើបឲ្យដឹងកាលពីថ្ងៃអង្គារថា ប៉ូលិស និងកងសន្តិសុខបាននាំខ្លួនមនុស្ស ១,២១៣ នាក់ទៅឃុំឃាំង ដោយចោទប្រកាន់ ឬផ្តន្ទាទោសពាក់ព័ន្ធនឹងរដ្ឋប្រហារយោធាថ្ងៃទី ១ ខែកុម្ភៈ ។

AAPP បានរាយការណ៍ថា មនុស្សសរុបចំនួន ៩១៣ នាក់ត្រូវបានឃុំខ្លួន ឬចោទប្រកាន់ ខណៈមនុស្ស ៤ នាក់ក្នុងចំណោមពួកគេត្រូវបានផ្តន្ទាទោសដោយតុលាការ ។

នៅក្នុងសេចក្តីថ្លែងការណ៍មួយអង្គការក្រៅរដ្ឋាភិបាល (NGO) បាននិយាយថា “លើសពីនេះទៅទៀតយ៉ាងហោចណាស់មនុស្ស ៣០ នាក់ត្រូវបានសម្លាប់ដោយសារតែការបង្ក្រាបដោយហិង្សា និងតាមអំពើចិត្តចាប់តាំងពីរដ្ឋប្រហារយោធាប្រឆាំងនឹងរដ្ឋាភិបាលរបស់លោកស្រី អ៊ុងសាន ស៊ូជី កាលពីខែមុន” ។

ពួកគេបន្ថែមថា “យើងគោរពដល់វីរបុរសដែលបានលះបង់ជីវិត និងសេរីភាពក្នុងការប្រយុទ្ធដើម្បីលទ្ធិប្រជាធិបតេយ្យ និងសិទ្ធិមនុស្ស” ។

យោងទៅតាម AAPP បានឲ្យដឹងថា ក្រុមបាតុករ និងអ្នកសារព័ត៌មាននៅទីក្រុងយ៉ាំងហ្គោនត្រូវបានជួបប្រទះជាមួយនឹងការបាញ់គ្រាប់កាំភ្លើងជ័រ និងឧស្ម័នបង្ហូរទឹកភ្នែក អំឡុងពេលបាតុកម្មប្រឆាំងរដ្ឋប្រហារកាលពីថ្ងៃចន្ទ ។

ទន្ទឹមនឹងនេះមនុស្សប្រហែល ១០០ នាក់ត្រូវបានចាប់ខ្លួននៅទូទាំងប្រទេស បន្ទាប់ពីកងកម្លាំងសន្តិសុខបានបិទផ្លូវធំៗដូចជាផ្លូវ Anawrahtra និងផ្លូវ Bogyoke Aung San នៅកណ្តាលទីក្រុងយ៉ាំងហ្គោន ។

បន្ថែមពីនេះអង្គការមិនមែនរដ្ឋាភិបាលបានចោទប្រកាន់ថា កងកម្លាំងសន្តិសុខបានវាយឆ្មក់ចូលផ្ទះជាច្រើននៅក្នុងតំបន់ Myeik ហើយវាយធ្វើបាបអ្នកស្រុកយ៉ាងសាហាវ និងបានប្លន់យកប្រាក់របស់ពួកគេផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ របបយោធាមីយ៉ាន់ម៉ាស្នើកងកម្លាំងកុំឲ្យប្រើគ្រាប់ពិតទៅលើក្រុមអ្នកតវ៉ា

ចុចអាន ៖ លោកស្រី អ៊ុងសាន ស៊ូជី រងការចោទប្រកាន់មួយករណីទៀតហើយ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ50 mins ago

រដ្ឋបាល​ខេត្តកណ្តាល​សម្រេច​ផ្អាក​ការលក់​គ្រឿង​ស្រវឹង​គ្រប់​ប្រភេទ​ជា​បណ្ដោះអាសន្ន​

ព័ត៌មានជាតិ2 hours ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ2 hours ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ2 hours ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ3 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

Sokha Hotels

ព័ត៌មានពេញនិយម

Helistar Cambodia - Helicopter Charter Services