ព័ត៌មានអន្ដរជាតិ

អូស្ត្រាលីដើរតាមសម្ព័ន្ធមិត្ត ប្រកាសដាក់ទណ្ឌកម្មជនជាតិអ៊ីស្រាអែលដែលប្រព្រឹត្តអំពើពាធា

បានផុស

២ years មុន

នៅ

ថ្ងៃសុក្រ ២៦ កក្កដា ២០២៤

ដោយ

បន្ទាប់ពីជប៉ុន និងប្រទេសមួយចំនួនទៀតបានប្រកាសដាក់ទណ្ឌកម្មលើជនជាតិអ៊ីស្រាអែលដែលប្រើអំពើហិង្សាលើជនជាតិប៉ាឡេស្ទីន អូស្ត្រាលីក៏ចេញមុខបានប្រកាសដាក់ទណ្ឌកម្មដូចគ្នានិងហាមការធ្វើដំណើររបស់ជនជាតិអ៊ីស្រាអែលទាំងនោះចូលទឹកដីអូស្រាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចេញផ្សាយរបស់សារព័ត៌មាន Al Jazeera នៅថ្ងៃទី ២៤ ខែ កក្កដា រដ្ឋមន្ត្រីការបរទេសអូស្រ្តាលីលោកស្រី Penny Wong បានប្រកាសពីការដាក់ទណ្ឌកម្មលើជនជាតិអ៊ីស្រាអែល៧នាក់នៅថ្ងៃព្រហស្បតិ៍ និងក្រុមអ្នកតាំងលំនៅខុសច្បាប់ថ្មី ខណៈដែលអ្នកទាំងនោះបានប្រព្រឹត្តអំពើហិង្សាប្រឆាំងនឹងជនជាតិប៉ាឡេស្ទីន ដូចជាការវាយដំ ការរំលោភផ្លូវភេទ និងការធ្វើទារុណកម្ម។

ក្នុងសេចក្តីថ្លែងការណ៍មួយ លោកស្រីរដ្ឋមន្ត្រីការបរទេស Wong បានលើកឡើងថា៖«យើងអំពាវនាវឱ្យអ៊ីស្រាអែលចាប់ជនល្មើសដែលប្រព្រឹត្តអំពើហិង្សា និងបញ្ឈប់សកម្មភាពធ្វើឱ្យមានភាពតានតឹង និងធ្វើឱ្យប៉ះពាល់ដល់ស្ថិរភាព និងស្វែងរកការរំពឹងទុកបន្ថែមទៀតសម្រាប់ដំណោះស្រាយរដ្ឋពីរ»។

ចំណាត់ការរបស់រដ្ឋាភិបាលអូស្ត្រាលីធ្វើឡើងតាមសកម្មភាពស្រដៀងគ្នានេះតាមសម្ព័ន្ធមិត្តរបស់ខ្លួនគឺចក្រភពអង់គ្លេស សហរដ្ឋអាមេរិក កាណាដា និងជប៉ុន។ កាលពីថ្ងៃទី១១ខែមិថុនា សហរដ្ឋអាមេរិក បានប្រកាសដាក់ទណ្ឌកម្មថ្មីប្រឆាំងជនជាតិអ៊ីស្រាអែលរស់នៅលើទឹកដីប៉ាឡេស្ទីនជាច្រើននាក់ និងក្រុមជាតិនិយមអ៊ីស្រាអែលមួយក្រុម។

អំពើហឹង្សារបស់ជនជាតិអ៊ីស្រាអែលរស់នៅលើទឹកដីប៉ាឡេស្ទីន និងការវាយឆ្មក់យោធានៅតំបន់ West Bank ដែលអ៊ីស្រាអែលកាន់កាប់បានផ្ទុះឡើងក្នុងអំឡុងពេលសង្រ្គាមរបស់អ៊ីស្រាអែលលើតំបន់ហ្គាហ្សា ដោយបានសម្លាប់ជនជាតិប៉ាឡេស្ទីនយ៉ាងតិច ៥៨៩នាក់ចាប់តាំងពីថ្ងៃទី៧ខែតុលា។ នេះបើយោងតាមមន្ត្រីប៉ាឡេស្ទីន។

ក្រោយការប្រកាសរបស់អូស្ត្រាលី ស្ថានទូតអ៊ីស្រាអែលប្រចាំទីក្រុងកង់បេរ៉ា បានថ្កោលទោសអំពើហិង្សាប្រឆាំងសហគមន៍ប៉ាឡេស្ទីនទាំងនោះ ហើយអូស្ត្រាលីចាត់ទុកការតាំងទីលំនៅរបស់អ៊ីស្រាអែលនៅក្នុងទឹកដីប៉ាឡេស្ទីនគឺជាកាន់កាប់ខុសច្បាប់ និងជាឧបសគ្គដល់សន្តិភាព៕