រថយន្តដឹកសាំងជួបគ្រោះថ្នាក់ នាំគ្នាទៅប្រមូលសាំងធ្លាយ ស្រាប់តែផ្ទុះឆេះស្លាប់មនុស្ស ១០០នាក់នៅ នីហ្សេរីយ៉ា

ហេតុការណ៍ដ៏រន្ធត់មួយបានកើតឡើងនៅប្រទេសនីហ្សេរីយ៉ា ដោយរថយន្តដឹកសាំងមួយគ្រឿងបានជួបគ្រោះថ្នាក់ចរាចរណ៍ ហើយប្រជាពលរដ្ឋក៏នាំគ្នាទៅប្រមូលសាំងមកទុក តែរថយន្តក៏ផ្ទុះបង្កជាអគ្គិភ័យឆាបឆេះសម្លាប់មនុស្សចំនួន ១០០នាក់ និង៥០នាក់ទៀតរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ RT, សោកនាដកម្មនេះ កើតឡើងនៅតំបន់ Majiya នៃរដ្ឋ Jigawa កាលពីថ្ងៃអង្គារទី១៥ ខែតុលាឆ្នាំ២០២៤។

លោក Shi’isu Adam អ្នកនាំពាក្យប៉ូលិសរដ្ឋ Jigawa បានប្រាប់អ្នកសារព័ត៌មានថា «រថយន្តនេះកំពុងធ្វើដំណើរចេញពីទីក្រុង Kano ក្នុងទិសដៅឆ្ពោះទៅទីក្រុង Nguru នៃរដ្ឋ Yobe នៅពេលជួបគ្រោះថ្នាក់ចរាចរណ៍ក្បែរសកលវិទ្យាល័យ Khadija»។

លោកបន្តថា មន្ត្រីក៏ព្រមានដល់ពលរដ្ឋឲ្យនៅឆ្ងាយពីរថយន្តដែរ ប៉ុន្តែពួកគេមិនស្តាប់ឡើយ ដោយនាំគ្នាទៅប្រមូលសាំងមកទុក ទើបបណ្តាលឲ្យមានមនុស្សស្លាប់ច្រើនបែបនេះ។

ទោះបីជាយ៉ាងណាក៏ដោយ តាមការបញ្ជាក់ពីមន្ត្រី, តួលេខមនុស្សស្លាប់អាចកើនឡើងបន្ថែមទៀតព្រោះថា មានមនុស្សមួយចំនួនកំពុងរងរបួសធ្ងន់៕

អត្ថបទ៖ សុខ សុវណ្ណ

ចុចអាន៖ ស្លាប់កើនដល់១៣១នាក់ ក្នុងហេតុការណ៍ផ្ទុះរថយន្តដឹកប្រេង នៅ សៀរ៉ាឡេអូន ថ្ងៃមុន