ដំណឹងល្អ! ការចាក់វ៉ាក់សាំងកូវីដលើស្ត្រីមានផ្ទៃពោះនៅ អាមេរិក មិនមានផលប៉ះពាល់អាក្រក់ឡើយ

ការចាក់វ៉ាក់សាំងការពារជំងឺកូវីដ ១៩ ចំពោះស្ត្រីមានផ្ទៃពោះកំពុងដំណើរការនៅសហរដ្ឋអាមេរិក ហើយមន្ត្រីសុខាភិបាលសាធារណៈនិយាយថា ពួកគេមិនបានទទួលរបាយការណ៍អំពីផលប៉ះពាល់អាក្រក់ណាមួយនោះទេ ។

មជ្ឍមណ្ឌលត្រួតពិនិត្យ និងបង្ការជំងឺ (CDC) បាននិយាយថា ស្ត្រីជាង ៥១,០០០ នាក់បានទទួលការចាក់វ៉ាក់សាំងគិតត្រឹមថ្ងៃទី ១៥ ខែមីនា ។

CDC និយាយថា “ស្ត្រីមានផ្ទៃពោះមានហានិភ័យខ្ពស់នៃជំងឺកូវីដ ១៩ ធ្ងន់ធ្ងរ បើប្រៀបធៀបនឹងមនុស្សដែលមិនមានផ្ទៃពោះ” ។

CDC ក៏និយាយផងដែរថា ទោះបីជាទិន្នន័យមានកំណត់ស្តីពីសុវត្ថិភាព និងប្រសិទ្ធភាពនៃវ៉ាក់សាំងចំពោះស្ត្រីមានផ្ទៃពោះក៏ដោយ អ្នកជំនាញជឿជាក់ថា វ៉ាក់សាំងទាំងនេះទំនងជាមិនបង្កហានិភ័យជាក់លាក់សម្រាប់មនុស្សមានផ្ទៃពោះនោះទេ ។

ការសិក្សាលើស្ត្រីមានផ្ទៃពោះប្រហែល ១,៨០០ នាក់បានបង្ហាញថា ហានិភ័យនៃអ្នកមានផ្ទៃពោះគឺដូចគ្នារវាងអ្នកដែលបានចាក់វ៉ាក់សាំង និងអ្នកដែលមិនបានចាក់វ៉ាក់សាំង ។

អ្នកអភិវឌ្ឍន៍វ៉ាក់សាំងបានចាប់ផ្តើមធ្វើការពិសោធន៍លើសុវត្ថិភាពនៃវ៉ាក់សាំងសម្រាប់ស្ត្រីមានផ្ទៃពោះ ខណៈមន្ទីរពិសោធន៍ស្រាវជ្រាវក៏សិក្សាពីសុវត្ថិភាពរបស់វ៉ាក់សាំងផងដែរ ។

ការសាកល្បងត្រូវបានគេរំពឹងថានឹងផលិតទិន្នន័យដែលនឹងជួយអ្នកជំនាញផ្នែកសុខភាពក្នុងការសម្រេចចិត្តនៅពេលរំពឹងថាម្តាយគួរតែចាក់វ៉ាក់សាំង ហើយចំនួនអង្គទីគ័រត្រូវបានផ្ទេរទៅទារកក្នុងស្បូន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ វ៉ាក់សាំង AstraZeneca មានប្រសិទ្ធភាពការពារកូវីដ ៧៩ ភាគរយក្នុងការសាកល្បងនៅ អាមេរិក

ចុចអាន ៖ មិនធម្មតា! ថ្លៃចំណាយសម្រាប់ការព្យាបាលអ្នកជំងឺកូវីដ ១៩ ក្នុងម្នាក់នៅអាមេរិក