ព័ត៌មានអន្ដរជាតិ
ឥណ្ឌាទិញយន្តហោះចម្បាំង២៦គ្រឿង ចំពេលសភាពការណ៍ជាមួយ ប៉ាគីស្ថាន កាន់តែមិនស្រួលខ្លាំង
ចំពេលសភាពការណ៍ជាមួយប៉ាគីស្ថានកាន់តែមិនស្រួលខ្លាំងនោះ ប្រទេសឥណ្ឌា ស្រាប់តែចុះហត្ថលេខាទិញយន្តហោះចម្បាំង Rafale ចំនួន២៦គ្រឿងពីបារាំង ក្នុងកិច្ចព្រមព្រៀងមានទំហំទឹកប្រាក់៧.៤១ពាន់លានដុល្លារអាមេរិក។ នេះបើតាមការចុះផ្សាយរបស់ RT។
អ្នកជិតខាងទាំងពីរ កំពុងប្រឈមមុខដាក់គ្នាខ្លាំងបំផុត ជុំវិញការវាយប្រហារថ្មីៗដែលខ្មាន់កាំភ្លើងបាញ់សម្លាប់ទេសចរ២៦នាក់ ពេលកំពុងធ្វើដំណើរកម្សាន្តនៅតំបន់កាស្មៀរខាងឥណ្ឌា។
ក្រោយមក ប្រទេសទាំងពីរក៏ចោទប្រកាន់ដាក់គ្នា និងចាត់វិធានការក្តៅរៀងខ្លួន ឈានដល់ការបិទច្រកព្រំដែន ឥណ្ឌាផ្អាកជាឯកតោភាគីនូវសន្ធិសញ្ញាចែករំលែកទឹកដ៏សំខាន់ជាមួយប៉ាគីស្ថាន និងបណ្តេញមន្ត្រីទូតទៅវិញទៅមកទៀតផង។
ជុំវិញស្ថានការណ៍កំពុងពុះកញ្ជ្រោលនេះ កាលពីថ្ងៃចន្ទទី២៨ខែមេសាឆ្នាំ២០២៥ ឥណ្ឌាបានចុះហត្ថលេខាជាមួយបារាំង ទិញយន្តហោះមួយកៅអីចំនួន២២គ្រឿងនិងយន្តហោះកៅអីភ្លោះចំនួន៤គ្រឿង ដើម្បីយកមកពង្រឹងកម្លាំងរបស់ខ្លួន។
ទោះបីជាយ៉ាងណាក៏ដោយ ដ្បិតការដឹកជញ្ជូននឹងរួចរាល់ទាំងស្រុងរហូតដល់ឆ្នាំ២០៣១ឯណោះក៏ពិតមែន ប៉ុន្តែយន្តហោះ Rafale ផលិតដោយក្រុមហ៊ុនបារាំង Dassault Aviation កំពុងត្រូវបាននាំចូលខ្លះៗជាបណ្ដោះអាសន្ន ដើម្បីបំពេញតម្រូវការចាំបាច់របស់កងទ័ពជើងទឹកឥណ្ឌា។
មិនត្រឹមតែទិញយន្តហោះចម្បាំងទេ កងទ័ពជើងទឹកឥណ្ឌា ក៏ធ្វើសមយុទ្ធបាញ់គ្រាប់ពិតក្នុងសមុទ្រអារ៉ាប់ផងដែរ ដោយមានការចូលរួមពីសំណាក់នាវាចម្បាំងជាច្រើនគ្រឿង ព្រមទាំងមីស៊ីលប្រឆាំងនាវានិងជាមីស៊ីលប្រឆាំងដែនអាកាស BrahMos។
សូមជម្រាបថា កាស្មៀរដែលស្ថិតនៅតំបន់ភ្នំហិមាល័យ ត្រូវបែងចែកជាពីរក្រោយការប្រកាសឯករាជ្យរបស់ឥណ្ឌាពីចក្រភពអង់គ្លេសនិងការបង្កើតប្រទេសប៉ាគីស្ថាន នៅឆ្នាំ១៩៤៧។ យ៉ាងណា ប្រទេសប្រដាប់ដោយនុយក្លេអ៊ែរទាំងពីរនេះ សុទ្ធតែទាមទារគ្រប់គ្រងតំបន់នោះទាំងមូលផ្តាច់មុខ ហើយក៏ធ្លាប់ប្រយុទ្ធគ្នាក្នុងសង្គ្រាមពីរលើករួចមកហើយដែរ។
មិនត្រឹមប៉ុណ្ណឹង ទីនោះក៏កើតមានអំពើបះបោរជាយូរមកហើយដែរ ចាប់តាំងពីឆ្នាំ១៩៨៩មក នៅក្នុងតំបន់ដែលមានជនមូស្លីមភាគច្រើន។
ការវាយប្រហារទ្រង់ទ្រាយធំលើជនស៊ីវិលលើកចុងក្រោយបំផុត គឺកើតឡើងក្នុងខែមិថុនាឆ្នាំ២០២៤ នៅពេលមនុស្ស៩នាក់ ត្រូវបានសម្លាប់និង៣៣នាក់រងរបួស បន្ទាប់ពីក្រុមសកម្មប្រយុទ្ធបាញ់ស្រោចលើរថយន្តក្រុងដឹកអ្នកធ្វើធម្មយាត្រា៕
អត្ថបទ៖ សុខ សុវណ្ណ
ចុចអាន៖ កាន់តែក្តៅ! រដ្ឋមន្ត្រីប៉ាគីស្ថាន គំរាមបាញ់នុយក្លេអ៊ែរ លើ ឥណ្ឌា
សម្ដេចតេជោ ព្រមានថា កម្ពុជាបានរៀបចំសំណាញ់មេឃរួចរាល់ សម្រាប់បាញ់យន្តហោះចម្បាំងដែលឈ្លានពាន
លោក ត្រាំ ប្រាប់អ៊ីស្រាអែលកុំទាន់វាយអ៊ីរ៉ង់ ព្រោះកិច្ចព្រមព្រៀងជិតសម្រេចហើយ
តុលាការអាមេរិកបិទផ្លូវដាក់ពន្ធរបស់ ត្រាំ ដោយថា លោកធ្វើហួសអំណាចរបស់ខ្លួន
ជាថ្មីម្តងទៀត សម្តេចតេជោ អំពាវនាវឱ្យភាគីកម្ពុជា-ថៃ ស្វែងរករូបមន្តនៃការដោះស្រាយដោយសន្តិវិធី
អាកាសធាតុអំណោយផល កសិករក្នុងខេត្តសៀមរាប ចាប់ផ្តើមភ្ជួររាស់ដីបង្កបង្កើនផលស្រូវវស្សាលឿនជាងឆ្នាំមុន
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ៖ ខ្ញុំមិនអស់ចិត្តថាហេតុអីទាហានយើងស្លាប់នៅកន្លែងហ្នឹង
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
អ៊ីស្រាអែល បន្តទម្លាក់គ្រាប់បែកនៅហ្គាហ្សា លើកនេះចំផ្ទះអ្នកកាសែត ស្លាប់មនុស្ស៨នាក់
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានជាតិ១៦ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច