ព័ត៌មានអន្ដរជាតិ
ប៉ាគីស្ថានចោទឥណ្ឌាថាបាញ់មីស៊ីលលើមូលដ្ឋានទ័ពអាកាសរបស់ខ្លួនចំនួនបីកន្លែង
ប៉ាគីស្ថានបានចោទប្រកាន់ឥណ្ឌាថាបានបើកការវាយប្រហារដោយមីស៊ីលទៅលើមូលដ្ឋានទ័ពអាកាសចំនួនបីរបស់ខ្លួននៅព្រឹកថ្ងៃសៅរ៍ទី១០ឧសភានេះ ដែលជាការប្រឈមមុខដាក់គ្នាយ៉ាងធ្ងន់ធ្ងរបំផុតមួយរវាងប្រទេសជិតខាងប្រដាប់អាវុធនុយក្លេអ៊ែរទាំងពីរក្នុងរយៈពេលជាច្រើនទសវត្សរ៍។
យោងតាមយោធាប៉ាគីស្ថាន មូលដ្ឋានទ័ពអាកាសដែលជាគោលដៅរបស់ឥណ្ឌា មានមូលដ្ឋានអាកាស Nur Khan នៅជិតទីក្រុង Islamabad មូលដ្ឋានអាកាស Murid នៅទីក្រុង Chakwal និងមូលដ្ឋានអាកាស Rafiqui នៅស្រុក Jhang នៃខេត្ត Punjab ភាគខាងកើត។ យោធាប៉ាគីស្ថានបាននិយាយថា មីស៊ីលភាគច្រើនត្រូវបានស្ទាក់ចាប់ដោយប្រព័ន្ធការពារដែនអាកាស ប៉ុន្តែខ្លះបានបង្កការខូចខាត ដែលនាំឲ្យមានភាពតានតឹងកាន់តែខ្លាំងនៅក្នុងតំបន់។
ជាការឆ្លើយតបទៅនឹងការវាយប្រហារដោយមីស៊ីលនេះ ប៉ាគីស្ថានបានបើកការវាយប្រតិបត្តិការសងសឹកវិញភ្លាមៗនៅទីតាំងជាច្រើនកន្លែងរបស់ឥណ្ឌា រួមទាំងអាកាសយានដ្ឋាន Pathankot ស្ថានីយ៍ទ័ពអាកាស Udhampur និងទីតាំងមីស៊ីល BrahMos។
សូមបញ្ជាក់ថា កាលពីថ្ងៃទី៧ខែឧសភា ឥណ្ឌាបានចាប់ផ្តើមប្រតិបត្តិការ «Sindoor» ដោយផ្តោតលើអ្វីដែលខ្លួនបានពិពណ៌នាថាជាហេដ្ឋារចនាសម្ព័ន្ធភេរវករនៅក្នុងប្រទេសប៉ាគីស្ថាន បន្ទាប់ពីភាពតានតឹងត្រូវបានបង្កឡើងដោយការវាយប្រហារភេរវកម្មនៅតំបន់កាស្មៀរគ្រប់គ្រងដោយឥណ្ឌាកាលពីថ្ងៃទី២២ខែមេសា ដែលបានសម្លាប់មនុស្ស ២៦នាក់។ ឥណ្ឌាអះអាងថា ការវាយប្រហារនោះបានសម្លាប់ពួកសកម្មប្រយុទ្ធយ៉ាងហោចណាស់១០០នាក់ ខណៈប៉ាគីស្ថានបានបញ្ជាក់តែពីរបាយការណ៍ស្លាប់របស់ជនស៊ីវិលប៉ុណ្ណោះ និងបានប្រកាសសងសឹកវិញ។
សហគមន៍អន្តរជាតិបានសម្តែងការព្រួយបារម្ភយ៉ាងខ្លាំងចំពោះជម្លោះដែលកំពុងកើនឡើង។ សហរដ្ឋអាមេរិកបានអំពាវនាវឲ្យមានការអត់ធ្មត់ដោយលោកប្រធានាធិបតី ដូណាល់ ត្រាំ បានថ្លែងថាស្ថានភាពនេះជា«ការអាម៉ាស់» និងបង្ហាញក្តីសង្ឃឹមសម្រាប់ដំណោះស្រាយដ៏ឆាប់រហ័ស។ យ៉ាងណាមិញ អនុប្រធានាធិបតី JD Vance បានសង្កត់ធ្ងន់លើជំហរមិនលូកដៃធ្វើអន្តរាគមន៍ ដោយបញ្ជាក់ថាជម្លោះគឺមិនមែនជាបញ្ហារបស់អាមេរិកឡើយ តែបានជំរុញឲ្យប្រទេសទាំងពីរបន្ថយភាពតានតឹង៕
ដោយ៖ ឈាង
ចុចអាន៖ មេទ័ពអ៊ីរ៉ង់ គំរាមបើក «ទ្វារនរក» ចាំដាក់អាមេរិកនិងអ៊ីស្រាអែល បើហ៊ានវាយប្រហារខ្លួនមែន
AFC ថា នឹងមានមនុស្ស៦ម៉ឺននាក់លើកទឹកចិត្ត ព្រះខ័នរាជស្វាយរៀង យប់នេះ
ផ្លូវបេតុងថ្មី ១ ខ្សែ ប្រវែងជិត ២ ពាន់ម៉ែត្រ លេចរូបរាងឡើងនៅក្រុងសែនមនោរម្យ ស្ថាបនាបានជាង ៨០% ហើយ
គួច ខេវិន ជូនប៉ុន្មានប្រយោគទៅ មាស សុខសោភា ព្រោះសោកស្តាយ ដែលនាងជ្រើសបញ្ចប់ជីវិតគូ ភ្ជាប់ខ្លួនទៅនឹងជំនឿ
ប៉ាគីស្ថានចោទឥណ្ឌាថាបាញ់មីស៊ីលលើមូលដ្ឋានទ័ពអាកាសរបស់ខ្លួនចំនួនបីកន្លែង
លោក Munoz ថា Arkadag ជាក្រុមលេងដាក់សម្ពាធខ្លាំង
ខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
សម្ដេចធិបតី៖ កុំរៀន៤ ឆ្នាំ មានតែសញ្ញាបត្រ អ្វីក៏មិនចេះ ធ្វើការមិនកើត មិនចេះទាំងប្រើ Microsoft Wordទៀត
វេជ្ជបណ្ឌិត គួច ម៉េងលី ប្រាប់ពីវិធីសាស្រ្តរករោគសញ្ញា និងវិធីការពារជំងឺមហារីក
វិធីសាស្ត្រតែមួយគត់! អាចបង្ការខ្លួនពីដំណាក់កាលមហារីកធ្ងន់ធ្ងរមិនអាចព្យាបាលជាសះស្បើយ
អ៊ុយក្រែន៖ រុស្ស៊ីបំពានបទឈប់បាញ់ខ្លួនឯង ដោយវាយប្រហារ២២០លើកក្នុងរយៈពេល២៤ម៉ោង
-
ព័ត៌មានជាតិ៧ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ៣ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៦ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ព័ត៌មានអន្ដរជាតិ៤ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ២ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ១ សប្តាហ៍ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ២ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៤ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា