ព័ត៌មានអន្ដរជាតិ
ហ្សេលេនស្គី ស្នើកិច្ចប្រជុំសន្តិភាពកម្រិតខ្ពស់ដែលមានភាគីចំនួន៥ចូលរួម
លោក វ៉ូឡូឌីមៀរ ហ្សេលេនស្គី បានប្រកាសថា ការពិភាក្សាកំពុងដំណើរការដើម្បីរៀបចំកិច្ចប្រជុំកម្រិតខ្ពស់មួយ ដែលមានការចូលរួមពីអ៊ុយក្រែន រុស្ស៊ី សហរដ្ឋអាមេរិក រដ្ឋសមាជិកសហភាពអឺរ៉ុប និងចក្រភពអង់គ្លេស ក្នុងគោលបំណងជំរុញឲ្យមានការបញ្ចប់សង្គ្រាមនៅអ៊ុយក្រែន។
ថ្លែងនៅក្នុងសន្និសីទសារព័ត៌មានក្នុងទីក្រុងកៀវបន្ទាប់ពីការសន្ទនាតាមទូរសព្ទចំនួន២លើកជាមួយប្រធានាធិបតីអាមេរិក ដូណាល់ ត្រាំ កាលពីថ្ងៃចន្ទទី១៩ឧសភា ប្រធានាធិបតីអ៊ុយក្រែនបានសង្កត់ធ្ងន់លើភាពបន្ទាន់នៃការរៀបចំកិច្ចប្រជុំកំពូល និងបានស្នើទីតាំងធ្វើឡើងនៅក្នុងប្រទេសតួកគី បុរីវ៉ាទីកង់ ឬក៏ស្វីស។ មេដឹកនាំអ៊ុយក្រែន បាននិយាយថា «យើងកំពុងពិចារណាលើការប្រជុំនៃក្រុមទាំងអស់ក្នុងកម្រិតខ្ពស់»។
លោក ហ្សេលេនស្គី បានគូសបញ្ជាក់អំពីភាពចាំបាច់នៃការដាក់បញ្ចូលអ៊ុយក្រែននៅក្នុងកិច្ចព្រមព្រៀងអន្តរជាតិណាមួយ ដែលទាក់ទងនឹងជម្លោះ។ លោកបន្ថែមថា ទីក្រុងកៀវនឹងមិនទទួលយកលក្ខខណ្ឌដែលតម្រូវឲ្យដកកងទ័ពអ៊ុយក្រែនចេញពីទឹកដីរបស់ខ្លួនឡើយ។
លោក ហ្សេលេនស្គី ក៏បានប្រាប់ដែរថា លោកជជែកមួយទល់មួយជាមួយលោក ត្រាំ កាលពីថ្ងៃចន្ទ មុនពេលមេដឹកនាំអាមេរិកបានហៅទូរសព្ទទៅប្រធានាធិបតីរុស្ស៊ីលោក វ៉្លាឌីមៀរ ពូទីន។ បន្ទាប់មក លោក ហ្សេលេនស្គី និងលោក ត្រាំ បានហៅទូរសព្ទម្តងទៀត ដែលមានការចូលរួមពីមេដឹកនាំនៃប្រទេសបារាំង ហ្វាំងឡង់ អាល្លឺម៉ង់ អ៊ីតាលី និងសហភាពអឺរ៉ុប។
លោក ហ្សេលេនស្គី បានលើកឡើងថា ក្នុងអំឡុងពេលការនិយាយទូរសព្ទដំបូងជាមួយលោក ត្រាំ លោកបានគូសបញ្ជាក់អំពីតម្រូវការសម្រាប់បទឈប់បាញ់ និងការដាក់ទណ្ឌកម្មលើប្រទេសរុស្ស៊ី ក៏ដូចជាសារៈសំខាន់នៃវត្តមានរបស់ទីក្រុងកៀវនៅក្នុងកិច្ចព្រមព្រៀងណាមួយរបស់សម្ព័ន្ធមិត្តជាមួយរុស្ស៊ី។
ក្រោយចប់កិច្ចសន្ទនាជាមួយទាំងភាគីរុស្ស៊ីនិងអ៊ុយក្រែន លោក ត្រាំ បានប្រកាសថា ក្រុងមូស្គូ និងក្រុងកៀវនឹងចាប់ផ្តើមការចរចាបទឈប់បាញ់ភ្លាមៗ ហើយលោកស្នើបុរីវ៉ាទីកង់ជាកន្លែងដ៏សក្ដិសមសម្រាប់ការចរចា ដោយមានសម្តេចប៉ាប Leo XIV ស្ម័គ្រចូលរួមសម្រួលដល់កិច្ចពិភាក្សា។
មេដឹកនាំរុស្ស៊ី បានបង្ហាញពីឆន្ទៈក្នុងការចូលរួមក្នុងកិច្ចសន្ទនា ប៉ុន្តែបានសង្កត់ធ្ងន់ថា បទឈប់បាញ់ណាមួយនឹងត្រូវជាប់ទាក់ទងនឹងការដោះស្រាយ«បញ្ហាឫសគល់» នៃជម្លោះ។ លោក ពូទីន បានគូសបញ្ជាក់ពីលក្ខខណ្ឌជាច្រើនសម្រាប់សន្តិភាពយូរអង្វែង រួមទាំងការរារាំងជាដាច់ខាតមិនឲ្យអ៊ុយក្រែនចូលជាសមាជិកអង្គការណាតូ ការដកកងទ័ពអ៊ុយក្រែនចេញពីតំបន់ដែលកំពុងមានជម្លោះ ការស្តារឡើងវិញនូវការអប់រំជាភាសារុស្ស៊ីលើទឹកដីអ៊ុយក្រែន និងការដកទណ្ឌកម្មរបស់លោកខាងលិច៕
ដោយ៖ ឈាង
ចុចអាន៖ ត្រាំ បដិសេធដាក់ទណ្ឌកម្មថ្មីលើរុស្ស៊ី ដោយផ្តល់អាទិភាពដល់កិច្ចចរចាបទឈប់បាញ់មុនសិន
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ