១០កន្លែង មានសុវត្ថិភាពបំផុត បើផ្ទុះសង្គ្រាមលោកលើកទី៣ មែន

ពិភពលោកបច្ចុប្បន្នកំពុងកើតមានសង្គ្រាមច្រើនកន្លែងនិងការប្រឈមមុខដាក់គ្នាផ្នែកយោធានៅតំបន់មួយចំនួន។ ជាក់ស្តែងក្រៅពីសង្គ្រាមរុស្ស៊ី-អ៊ុយក្រែន, ជម្លោះយោធាក៏បានផ្ទុះឡើងនៅមជ្ឈិមបូព៌ារវាងខ្លាក្នុងតំបន់ទាំងពីរគឺអ៊ីស្រាអែលនិងអ៊ីរ៉ង់ ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មកដល់ចំនុចមួយដែលឈានដល់ការលូកដៃរបស់មហាអំណាចផុតលេខអាមេរិក តាមរយៈការទម្លាក់គ្រាប់បែកលើរោងចក្រនុយក្លេអ៊ែរអ៊ីរ៉ង់ បានទាញសញ្ញាព្រមានអំពីអន្តរាគមន៍ពីសំណាក់សម្ព័ន្ធមិត្តអ៊ីរ៉ង់ ធ្វើឲ្យគេបារម្ភខ្លាំងអំពីលទ្ធភាពផ្ទុះសង្គ្រាមលោកលើកទី៣ ហើយបើផ្ទុះសង្គ្រាមមែន ច្បាស់ណាស់គេជឿជាក់ថា ប្រាកដជាមានការបាញ់នុយក្លេអ៊ែរ ជាក់ជាមិនខានឡើយ។

ដូច្នេះហើយទើបសារព័ត៌មាន Economic Times បានដកស្រង់និងពិនិត្យព្រមទាំងវិភាគយ៉ាងល្អិតល្អន់ រកឃើញកន្លែងចំនួន១០ ដែលមានសុវត្ថិភាពបំផុតក្នុងករណីផ្ទុះសង្គ្រាមលោកលើកទី៣៖

1. ប្រទេសនូវែលសេឡង់
2. ប្រទេសស្វីស
3. ប្រទេសអ៊ីស្លង់
4. ប្រទេសប៊ូតង់
5. កោះហ្វីជី
6. តំបន់អង់តាក់ទិក
7. កោះទូវ៉ាលូ
8. ប្រទេសម៉ុងហ្គោលី
9. ប្រទេសអៀរឡង់
10.  ភ្នំ Patagonia នៃប្រទេសឈីលី

សម្រាប់ហេតុផលដែលគេហ៊ានអះអាងថា ទីកន្លែងខាងលើសុទ្ធតែមានសុវត្ថិភាពក្នុងករណីផ្ទុះសង្គ្រាមលោកលើកទី៣ គឺព្រោះតែ កន្លែងទាំងនោះគ្មានអាវុធនុយក្លេអ៊ែរឬមូលដ្ឋានយោធាសំខាន់ៗ, អព្យាក្រឹតនយោបាយឬមិនចូលបក្សសម្ព័ន្ធ, មានភូមិសាស្ត្រដាច់ឆ្ងាយ, មិន​មែន​ជា​ផ្នែក​នៃ​សម្ព័ន្ធភាព​ធំៗ​ដូច​ជា NATO ឬ CSTO និងមិនសូវមានផលប្រយោជន៍យុទ្ធសាស្ត្រឬសេដ្ឋកិច្ច សម្រាប់ប្រទេសមហាអំណាច៕

អត្ថបទ៖ សុខ សុវណ្ណ

ចុចអាន៖ អ្នកវិភាគអន្តរជាតិបារម្ភថា ការលូកដៃកាន់តែជ្រៅរបស់អាល្លឺម៉ង់ អាចបញ្ឆេះសង្គ្រាមលោកលើកទី៣