ស្រ្តីថៃ ជួញដូរកញ្ឆាជាង ៤០គីឡូក្រាមចូលតៃវ៉ាន់ ត្រូវប៉ូលិសក្របួចជាប់ 

ស្រ្តីជាជនជាតិថៃម្នាក់ដែលក្លែងខ្លួនធ្វើជាទេសចរ ត្រូវបានប៉ូលិសថៃក្របួចជាប់ដោយសារតែរត់ពន្ធកញ្ឆាទម្ងន់ជាង៤០គីឡូក្រាម ចូលដែនកោះមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Taiwan News, ប៉ូលិសបានចាប់ខ្លួនស្រ្តីរូបនេះនៅឯអាកាសយានដ្ឋានអន្តរជាតិ Taoyuan ជាមួយនឹងវ៉ាលិសដ៏ធំចំនួន២ ក្រោយហោះចេញពីទីក្រុងបាងកក កាលពីថ្ងៃព្រហស្បតិ៍ទី១០ខែកក្កដាឆ្នាំ២០២៥។

នៅក្នុងវ៉ាលិសនោះ ប៉ូលិសបានរកឃើញកញ្ឆាជាង ៦០កញ្ចប់ ទម្ងន់សរុប ៤០.៥៩គីឡូក្រាម តម្លៃ ២ ០៥៣ ៨២៤ ដុល្លារអាមេរិក។

តាមចម្លើយសារភាព ស្រ្តីជនជាតិថៃប្រាប់ថា នាងត្រូវបានគេជួលតម្លៃ ៣ ៣៥៤ដុល្លារអាមេរិកនិងផ្តល់ជូនកន្លែងស្នាក់នៅដោយឥតគិតថ្លៃ សម្រាប់ការរត់ពន្ធនេះ។

ពាក់ព័ន្ធរឿងនេះ នាយកការិយាល័យប៉ូលិសអាកាសចរណ៍តៃវ៉ាន់ លោក ឈិន ប៉ូចួន ថ្លែងថា ការស៊ើបអង្កេតបន្ថែមកំពុងធ្វើឡើងដើម្បីតាមដានរកប្រភពនៃបណ្តាញជួញដូរគ្រឿងញៀន ខណៈស្រ្តីថៃត្រូវប្រឈមមុខនឹងផ្លូវច្បាប់៕

អត្ថបទ៖ សុខ សុវណ្ណ

ចុចអាន៖ អសន្តិសុខនៅថៃ! ចោរក្លែងធ្វើប៉ូលិស ចាប់ជម្រិតនិងប្លន់ទេសចរបរទេស