ព័ត៌មានអន្ដរជាតិ
ប្រទេសមួយចំនួនដាក់កំហិតប្រើប្រាស់វ៉ាក់សាំង AstraZeneca ក្រោយមានករណីកកឈាមដ៏កម្រ
ប្រទេសមួយចំនួនបានដាក់កំហិតការប្រើប្រាស់វ៉ាក់សាំង AstraZeneca បន្ទាប់ពីនិយតករឱសថរបស់សហភាពអឺរ៉ុបបានចង្អុលបង្ហាញពីតំណភ្ជាប់ដែលអាចកើតមានចំពោះករណីការកកឈាមដ៏កម្រ ។
គណៈកម្មាធិការចម្រុះស្ដីពីការចាក់វ៉ាក់សាំងរបស់ចក្រភពអង់គ្លេសបាននិយាយថា ជម្រើសមួយផ្សេងទៀតនៃវ៉ាក់សាំងនេះគួរតែត្រូវបានផ្តល់ជូនសម្រាប់មនុស្សដែលមានអាយុក្រោម ៣០ ឆ្នាំ ប្រសិនបើអាច ។
ទន្ទឹមនោះប្រទេសអ៊ីតាលីបានណែនាំឲ្យប្រើវ៉ាក់សាំងនេះសម្រាប់តែមនុស្សដែលមានអាយុលើសពី ៦០ ឆ្នាំប៉ុណ្ណោះ ប៉ុន្តែអ្នកដែលបានចាក់ដូសទី ១ ហើយអាចទទួលដូសទី ២ បាន ទោះបីពួកគេមានអាយុក្រោម ៦០ ឆ្នាំក៏ដោយ ។
ចំណែកប្រទេសអេស្ប៉ាញកំពុងចាក់វ៉ាក់សាំងនេះសម្រាប់តែមនុស្សដែលមានអាយុចន្លោះពី ៦០ ទៅ ៦៥ ឆ្នាំ ។
រីឯប្រទេសអូស្រ្តាលីបានណែនាំឲ្យប្រើវ៉ាក់សាំង Pfizer ជំនួសវ៉ាក់សាំង AstraZeneca សម្រាប់ការចាក់ដូសទី ២ ដល់មនុស្សពេញវ័យអាយុក្រោម ៥០ ឆ្នាំដែលចាក់ដូសទី ១ រួច ប៉ុន្តែអ្នកមានអាយុក្រោម ៥០ ឆ្នាំដែលមិនមានផលប៉ះពាល់ធ្ងន់ធ្ងរ បន្ទាប់ពីការចាក់វ៉ាក់សាំង AstraZeneca ដូសទី ១ អាចត្រូវបានចាក់ដូសទី ២ ។
ទីភ្នាក់ងារឱសថអឺរ៉ុបបាននិយាយកាលពីថ្ងៃពុធថា “ការកកឈាមមិនធម្មតាដែលមានប្លាកែតឈាមទាបគួរតែត្រូវបានចុះបញ្ជីជាផលប៉ះពាល់ដ៏កម្រនៃវ៉ាក់សាំងនេះ” ។ ប៉ុន្តែទីភ្នាក់ងារក៏ដូចជាអាជ្ញាធរអង់គ្លេសនិយាយថា គុណប្រយោជន៍នៃវ៉ាក់សាំងនេះនៅតែបន្តមានច្រើនជាងហានិភ័យសម្រាប់អ្នកដែលបានទទួលវ៉ាក់សាំងនេះ ។
គួរបញ្ជាក់ថា វ៉ាក់សាំងនេះត្រូវបានបង្កើតឡើងរួមគ្នាដោយក្រុមហ៊ុនឱសថស៊ុយអែត AstraZeneca និងសាកលវិទ្យាល័យ Oxford របស់អង់គ្លេស ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ Oxford ផ្អាកការធ្វើតេស្តវ៉ាក់សាំង AstraZeneca លើកុមារ ដោយសារក្តីបារម្ភអំពីបញ្ហាកំណកឈាម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ