Connect with us

សុខភាព

ចូល​ដល់​វ័យ​៣០​ឆ្នាំ​ គប្បី​​ដឹង​ពី​អាហារ​​​គួរ​ញ៉ាំ​ និង​មិន​គួរ​ញ៉ាំ​​​​​​​​​​​​​​

បានផុស

នៅ

នៅ​ពេល​ដែល​យើង​ឈាន​ចូល​វ័យ​កាន់​តែ​ច្រើន​ រាងកាយ​របស់​យើង​​ច្បាស់​ជា​​​ប្រឈម​នឹង​​ការ​ប្រែប្រួល​​មួយ​ចំនួន​។​ នៅ​វ័យ​៣០​ឆ្នាំ​​ ​គឺ​ជា​ដំណាក់កាល​ដ៏​សំខាន់​ ជា​ពិសេស​សម្រាប់​ស្រី​ៗ​យើង​​ ពីព្រោះ​វា​គឺ​​ជា​វ័យ​​ដែល​យើង​ត្រូវ​ចំណាយ​ពេល​វេលា​ច្រើន​ និង​យក​ចិត្ត​ទុក​ដាក់​ចំពោះ​មុខ​របរ​ គ្រួសារ​ និង​សុខភាព​ជា​ចាំបាច់​។​ ដើម្បី​ចំណាយ​ពេល​លើ​កិច្ចការ​ទាំង​នេះ​ប្រកប​ដោយ​ប្រសិទ្ធភាព​​ គ្នា​យើង​ចាំបាច់​ត្រូវ​មាន​ថាមពល​គ្រប់គ្រាន់​ ដែល​ទាមទារ​ឲ្យ​យើង​ត្រូវ​ញ៉ាំ​អាហារ​​ត្រឹមត្រូវ និង​មាន​តុល្យភាព​​។​

Premium Photo | Asian woman eating a salad
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារ​ដែល​យើង​ត្រូវ​ញ៉ាំ​នៅ​ក្នុង​វ័យ​៣០​ឆ្នាំ​​​ មាន​ដូច​ខាង​ក្រោម​៖

១. អាហារ​ជួយ​ពង្រឹង​ម៉ាស់​ឆ្អឹង​

​សុខភាព​ឆ្អឹង​គឺ​ជា​កង្វល់​ដ៏​ធំ​​មួយ​សម្រាប់​ស្ត្រី​នៅ​វ័យ​៣០​ឆ្នាំ​។​ ប្រសិនបើ​យើង​ចាប់ផ្ដើម​ញ៉ាំ​អាហារ​ត្រឹមត្រូវ​ចាប់​ពី​ពេល​ឥឡូវ​នេះ​ទៅ​​ យើង​អាច​គ្រប់គ្រង​បញ្ហា​មួយ​ចំនួន​ដូចជា​ជំងឺ​ពុក​ឆ្អឹង ឬ​ជំងឺ​រលាក​សន្លាក់​នៅ​​ថ្ងៃ​​អនាគត​​បាន​យ៉ាង​ល្អ​ប្រសើរ​។

Asian consumers and healthy eating - ELEVATE

អាហារ​ដែល​ល្អ​បំផុត​សម្រាប់​ពង្រឹង​ម៉ាស​ឆ្អឹង​៖

  • កាល់ស្យូម​ និង​វីតាមីន​D មាន​សារសំខាន់​ក្នុង​ការ​​ជួយ​ពង្រឹង​ឆ្អឹង​ ដែល​មាន​នៅ​ក្នុង​ទឹក​ដោះ​គោ​ និង​ទឹក​ដោះ​គោ​ជូរ​
  • បន្លែ​បៃតង​មាន​ផ្ទុក​ជាតិ​ដែក​ និង​វីតាមីន​ដទៃ​ទៀត​ដែល​ល្អ​ចំពោះ​សុខភាព
  • ​​សាច់​ត្រី ដូចជា​ត្រី​សាល់​ម៉ុន​ជាដើម​
  • ផ្លែ​អាល់ម៉ុន

២. អាហារ​ដែល​មាន​សារធាតុ​ប្រឆាំង​នឹង​អុកស៊ីតកម្ម​

​រ៉ាឌីកាល់​សេរី​ជួយ​ជំរុញ​ភាព​ចាស់​នៃ​ជាលិកា​ ហើយ​ដើម្បី​ប្រឆាំង​នឹង​រ៉ាឌីកាល់​សេរី​ ​ស្រីៗ​យើង​ចាំបាច់​ជ្រើសរើស​អាហារ​ដែល​សំបូរ​ទៅ​ដោយ​សារធាតុ​ប្រឆាំង​នឹង​អុកស៊ីតកម្ម​។

Does Green Tea Reduce the Risk of Cancer? - NFCR
  • ញ៉ាំ​តែ និង​កាហ្វេ​នៅ​ក្នុង​បរិមាណ​សម​ល្មម​ ពីព្រោះ​ភេសជ្ជៈ​ទាំង​នេះ​សុទ្ធ​តែ​មាន​សារធាតុ​ប្រឆាំង​នឹង​អុកស៊ីតកម្ម​
  • ផ្លែ​ប៊ឺរី ជា​ពិសេស​គឺ​ផ្លែ​ប្លូប៊ឺរី​ដែល​មាន​សារធាតុ​ប្រឆាំង​នឹង​ការ​រលាក​ខ្លាំង​ ហើយ​វា​ក៏​សំបូរ​ទៅ​ដោយ​សារធាតុ​ប្រឆាំង​នឹង​អុកស៊ីតកម្ម​ផង​ដែរ
  • ​អង្ករ​ដំណើប​ខ្មៅ​។

៣. អាហារ​​ជួយ​ឲ្យ​យើង​គេង​លក់​ស្រួល​

Boosting Milk Yield with Digestarom® Dairy - Biomin.net

​ការ​គេង​មាន​សារសំខាន់​ណាស់​ សម្រាប់​ជួយ​ឲ្យ​មុខងារ​រាងកាយ​ដំណើរការ​បាន​ត្រឹមត្រូវ​។

  • ទឹក​ដោះ​គោ​មួយ​កែវ​នៅ​ពេល​យប់​
  • អាល់ម៉ុន​ និង​ត្រី​ដែល​មាន​ខ្លាញ់​

៤. អាហារ​​ជួយ​គ្រប់គ្រង​សម្ពាធ​ឈាម​បាន​ល្អ​

​ដើម្បី​ជៀសវាង​បញ្ហា​ផ្សេង​ៗ​ដែល​បណ្ដាល​មក​ពី​​ជំងឺ​លើស​សម្ពាធ​ឈាម ស្រីៗ​យើង​គប្បី​បញ្ចូល​អាហារ​ទាំង​នេះ​នៅ​ក្នុង​របប​អាហារ​។

  • អាហារ​ដែល​សំបូរ​ដោយ​ជាតិ​ប៉ូតាស្យូម​ ដែល​អាច​គ្រប់គ្រង​សម្ពាធ​ឈាម​បាន​ល្អ​ រួម​មាន​ដំឡូង​ សណ្ដែក​ និង​ប៉េងប៉ោះ​។

​អាហារ​ដែល​​មិន​​គួរញ៉ាំ​ច្រើន​នៅ​ក្នុង​វ័យ​៣០​ឆ្នាំ

No evidence drinking alcohol interferes with Covid vaccines, regulator says  | Evening Standard
  • ​អាហារ​ដែល​​បន្ថែម​ជាតិ​ស្ករ​
  • ភេសជ្ជៈ​ដែល​មាន​ជាតិ​ហ្គាស​
  • សូកូឡា​
  • គ្រឿង​ស្រវឹង​ និង​ការ​ជក់​បារី
  • ទឹក​ស៊ីអ៊ីវ​
  • សាច់​ជាប់​ខ្លាញ់​
  • អាហារ​ដែល​មាន​ជាតិ​ប្រៃ​ខ្លាំង​​ ដូចជា​ដំឡូង​បារាំង​បំពង ឬ​អាហារ​ចៀន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ហូប​អាហារ​ប៉ុន្មាន​មុខ​នេះ​សម័យ​កូវីដ អ្នក​កាន់​តែ​មាន​ខែល​ការពារ​ប្រតិកម្ម​អាឡ័កស៊ី​ធ្ងន់ធ្ងរ ក៏​ដូចជា​ពង្រឹង​ប្រព័ន្ធ​ភាព​ស៊ាំ

ចុចអាន៖ រវាងខ្លាញ់ជ្រូក និងប្រេងឆាមួយណាល្អក្នុងការចម្អិនអាហារ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម