សុខភាព

បញ្ឈប់ទម្លាប់ហូបអាហារទាំងនេះភ្លាម បើមិនចង់កើតជំងឺលើសឈាមទាំងក្មេងវ័យ

បានផុស

៥ years មុន

នៅ

ថ្ងៃអង្គារ ១១ ឧសភា ២០២១

ដោយ

ជំងឺលើសឈាមគឺជាកត្តាឈានមុខគេចំពោះបញ្ហាសុខភាពធ្ងន់ធ្ងររួមមាន ការគាំងបេះដូងនិងជំងឺដាច់សរសៃឈាមខួរក្បាល។ ទម្លាប់នៃរបបអាហាររបស់អ្នក ដើរតួយ៉ាងសំខាន់ក្នុងការវិវត្តទៅជាជំងឺលើសឈាម។

១ បរិភោគអាហារចៀនឬបំពងរាល់ថ្ងៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិតNicole Weinberg, MD គ្រូពេទ្យឯកទេសជំងឺបេះដូងនៅមជ្ឈមណ្ឌលសុខភាព Providence Saint John នៅ Santa Santa និយាយថា“ ប្រសិនបើអ្នកកំពុងញ៉ាំអាហារចៀនដូចជា សាច់មាន់បំពងនិងដំឡូងបារាំង អ្នកកំពុងតែបង្កើនហានិភ័យនៃជំងឺបេះដូង ដាច់សរសៃឈាមខួរក្បាលនិងទឹកនោមផ្អែម” ។ លោកបានព្រមានថា ថ្នាំទាំងអស់នៅក្នុងពិភពលោក មិនអាចប្រឆាំងនឹងរបៀបរស់នៅដ៏អាក្រក់បានទេ ។

២ ទទួលទានសូដ្យូមច្រើនពេក

សូដ្យូមអាចមានឥទ្ធិពលលើសម្ពាធឈាមរបស់អ្នក ហើយមនុស្សគ្រប់គ្នាជាទូទៅចូលចិត្តប្រើប្រាស់ដោយឥតដឹងខ្លួន។ ប្រមាណជា ៩០% នៃប្រជាជននៅសហរដ្ឋអាមេរិកប្រើប្រាស់បរិមាណសូដ្យូមច្រើនពេក។ មានបរិមាណដ៏ច្រើននៃសូដ្យូមលាក់ទុកក្នុងអាហារឧទាហរណ៍ដូចជាម្រេចក្រូចឆ្មារ អំបិល ខ្ទឹមសនិងគ្រឿងផ្សំផ្សេងៗទៀត។ ប្រសិនបើអ្នកចង់បន្ថយហានិភ័យនៃជំងឺលើសឈាម កាត់បន្ថយការទទួលទានជាតិសូដ្យូម ដោយមានគោលដៅមិនលើសពី ១៥០០ មិល្លីក្រាមក្នុងមួយថ្ងៃ ។

៣ ផឹកសុរាជាប្រចាំ

ក្នុងចំណោមការសិក្សាលើមនុស្សពេញវ័យចំនួន ១៧,០០០ នាក់នៅសហរដ្ឋអាមេរិកអ្នកដែលទទួលទានភេសជ្ជៈចន្លោះពី ៧ ទៅ ១៣ កែវក្នុងមួយសប្ដាហ៍ មានអត្រាខ្ពស់នៃជំងឺលើសឈាមខ្ពស់។ ការប្រើប្រាស់គ្រឿងស្រវឹងអាចនាំឲ្យមានការថយចុះមុខងារតម្រងនោម ដែលអាចបណ្ដាលឲ្យមានសំពាធឈាមឡើងខ្ពស់ ។

៤ ទទួលទានរបបអាហារដែលមានជាតិស្ករច្រើន

ស្ករគឺជាការរលាកនិងបង្កើនហានិភ័យនៃជំងឺសរសៃឈាមបេះដូង។ ប្រសិនបើអ្នកចង់ឲ្យសំពាធឈាមឈានដល់កម្រិតមួយដែលមានសុខភាពល្អ នោះការកំណត់កម្រិតជាតិស្កររបស់អ្នកគឺជាកន្លែងដែលត្រូវចាប់ផ្ដើម។

៥ បរិភោគសាច់ជាប្រចាំ

បើយោងតាមការស្រាវជ្រាវដែលបានបង្ហាញនៅក្នុងកិច្ចប្រជុំសមាគមបេះដូងអាមេរិកឆ្នាំ ២០១៨ បង្ហាញថា សាច់គឺជាអ្នកចូលរួមចំណែកដ៏សំខាន់ក្នុងបញ្ហាសំពាធឈាម។ ការចម្អិនសាច់នៅសីតុណ្ហភាពខ្ពស់ រួមចំណែកដល់ហានិភ័យនៃជំងឺលើសឈាម៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖យល់ដឹងពីរបៀបទិញអីវ៉ាន់ឆ្លាតវៃដោយពិនិត្យមើលស្លាកសញ្ញាសំគាល់លើទំនិញ

ចុចអាន៖មិនថាចាស់ ឬក្មេងទេ បើមិនខ្វល់រឿងទាំងនេះ ជំងឺលើសឈាមនៅជិតបង្កើយ