សុខភាព

តិចនិកងាយៗ ជួយស្រីៗស្គមៗឲ្យឡើងគីឡូ រាងស្អាត

បានផុស

៣ years មុន

នៅ

ថ្ងៃពុធ ២៦ ឧសភា ២០២១

ដោយ

រូបរាងកាយសមសួនពោរពេញទៅដោយមន្តស្នេហ៍គឺជាបំណងប្រាថ្នារបស់ស្រីៗគ្រប់រូប។ ប៉ុន្តែបើយើងមានរូបរាងស្គម ស្លេកស្លាំង គ្មានកម្លាំងកំហែងបែបនេះ ធ្វើម៉េចនឹងអាចបញ្ចេញសម្រស់ពិតរបស់ខ្លួនបានទៅ?

Tuyệt phẩm mỹ nhân Thái Lan gây thương nhớ là ai

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតណាស់ មនុស្សយើងធាត់ពេកក៏ពិបាក ស្គមពេកក៏មិនស្រួលដែរ ពីព្រោះថានៅពេលដែលយើងស្គមជ្រុល ផ្ទៃមុខរបស់យើងក៏មានសភាពផត និងឆាប់ចាស់ជាងវ័យផងដែរ។ មួយវិញទៀត ការស្គមជ្រុលក៏អាចប្រឈមមុខនឹងកត្តាសុខភាពផ្សេងៗ ដូចជាជំងឺពុកឆ្អឹង ការឆ្លងមេរោគ ការពិបាកមានកូន ព្រមទាំងកត្តាឆាប់ស្លាប់ថែមទៀតផង។

យ៉ាងណាមិញ បើយើងចង់ដឹងថា យើងមានរាងកាយស្គមជ្រុលឬអត់នោះ យើងអាចធ្វើការគណនាបានតាមសន្ទស្សន៍ម៉ាសរាងកាយ (BMI)។ អ្នកស្គមជ្រុលគឺមានសន្ទស្សន៍ម៉ាសរាងកាយទាបជាង១៨,៥។ រីឯអ្នកធាត់ជ្រុលគឺមានសន្ទស្សន៍ម៉ាសរាងកាយលើស២៥ឡើងទៅ។

ធ្វើម៉េចទើបអាចឡើងទម្ងន់ដោយមានសុវត្ថិភាពទៅ?

Premium Photo | Standing woman drinking milk in living room at home, young asian woman lifestyle.

ពិតណាស់ បើទោះបីជាយើងចង់ឡើងគីឡូក៏ដោយ ក៏មិនគួរជ្រើសរើសអាហារណាដែលផ្ដល់ផលអាក្រក់ដល់សុខភាពដែរ។ ការញ៉ាំអាហារល្អៗ និងបែបបទនៃការរស់នៅត្រឹមត្រូវ គឺពិតជាមានសារសំខាន់ខ្លាំងណាស់។

ដូចនេះ ដើម្បីទទួលបានរាងកាយដ៏ទាក់ទាញ ស្រីៗយើងគួរតែអនុវត្តវិធីសាស្ត្រខាងក្រោមនេះ។

១. ញ៉ាំកាឡូរីច្រើនជាងអ្វីដែលរាងកាយត្រូវការ

Happy Asian Woman Eating Healthy Food And Green Vegetables Stock Photo - Download Image Now - iStock

រឿងដែលសំខាន់បំផុតដែលយើងត្រូវធ្វើដើម្បីឲ្យឡើងគីឡូនោះ គឺញ៉ាំកាឡូរីច្រើនជាងកាឡូរីដែលរាងកាយយើងដុតបំផ្លាញ។ ប្រសិនបើយើងចង់ឡើងទម្ងន់យឺតៗ គួរញ៉ាំកាឡូរីឲ្យបាន៣០០ទៅ៥០០ច្រើនជាងកាឡូរីដែលរាងកាយដុតបំផ្លាញប្រចាំថ្ងៃ ឬចំនួន៧០០ទៅ១០០០ បើយើងចង់ឆាប់ឡើងទម្ងន់លឿន។

២. ញ៉ាំជាតិប្រូតេអ៊ីនឲ្យបានច្រើន

ជាមួយគ្នានេះដែរ អាហារូបត្ថម្ភដែលរាងកាយត្រូវការជាចាំបាច់ដើម្បីឲ្យឡើងទម្ងន់នោះ គឺប្រូតេអ៊ីន។ សាច់ដុំរបស់យើងម្នាក់ៗ កើតចេញពីជាតិប្រូតេអ៊ីននេះឯង បើគ្មានវាទេនោះ កាឡូរីដែលលើស ប្រាកដជាបម្លែងខ្លួនទៅជាខ្លាញ់នៃរាងកាយមិនខាន ហើយអាហារដែលមានជាតិប្រូតេអ៊ីនខ្ពស់់ មានដូចជាត្រី សាច់ ស៊ុត និងទឹកដោះគោជាដើម។

៣. ញ៉ាំកាបូនអ៊ីដ្រាត និងខ្លាញ់ ព្រមទាំងអាហារ៣ពេល

Premium Photo | Asian woman drink milk in the kitchen

ប្រសិនបើយើងចង់ឡើងគីឡូលឿន អាហារដែលមានកាបូនអ៊ីដ្រាត និងជាតិខ្លាញ់ខ្ពស់ គឺពិតជាមិនអាចខ្វះបានឡើយនៅក្នុងអាហារទាំងបីពេល។ លើសពីនេះ យើងក៏អាចញ៉ាំអាហារសម្រន់បន្ថែមដើម្បីបង្កើនថាមពលរាងកាយ ផងដែរ។

៤. លើកទម្ងន់ និងបង្កើនកម្លាំង

ដើម្បីឲ្យប្រាកដថា កាឡូរីដែលលើសនៅក្នុងខ្លួនរបស់យើង បានបញ្ជូនទៅក្នុងសាច់ដុំ ជំនួសឲ្យកោសិកាខ្លាញ់របស់យើងនោះ ការហាត់ប្រាណដោយលើកទម្ងន់គឺជាជម្រើសដ៏ល្អបំផុត។

ចូរព្យាយាមទៅក្លឹបហាត់ប្រាណ និងលើកទម្ងន់ ឲ្យបានចាប់ពី២ទៅ៤ដងក្នុងមួយសប្ដាហ៍ ដើម្បីទទួលបានរូបរាងកាយដ៏សមសួន និងពោរពេញទៅដោយថាមពល៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ រវល់ពេកគ្មានពេលហាត់ប្រាណថែរាង អាចសាកវិធីហាត់ត្រឹម ២០ នាទីនេះក៏បាន

ចុចអាន៖ អ្នកដែលសំបូរមុនពេញមុខ ទទួលទានអាហារទាំងនេះ ធានាថាមុខរលោងស្អាតមិនខាន