សុខភាព

ប្រុងប្រយ័ត្ន! អាហារពេលល្ងាចមានសាច់ខ្លាញ់ច្រើនរាល់ថ្ងៃ ប្រឈមហានិភ័យខ្ពស់នៃជំងឺបេះដូងមិនដឹងខ្លួន

បានផុស

៥ years មុន

នៅ

ថ្ងៃសុក្រ ២៨ ឧសភា ២០២១

ដោយ

យោងតាមការសិក្សាដែលបានចុះផ្សាយនៅក្នុងទស្សនាវដ្ដីគ្លីនិកព្យាបាលរោគ endocrinology និងការរំលាយអាហារ Endocrine បាននិយាយថា អ្នកដែលទទួលទានសាច់ខ្លាញ់និងជាតិខ្លាញ់នៅអាហារពេលល្ងាច គឺមានហានិភ័យខ្ពស់នៃជំងឺបេះដូងជាងអ្នកដែលមានរបបអាហារស្រដៀងគ្នាសម្រាប់អាហារពេលព្រឹក។

មនុស្សប្រហែល ១៧.៩ លាននាក់ជារៀងរាល់ឆ្នាំ ធ្លាក់ខ្លួនឈឺដោយសារជំងឺសរសៃឈាមបេះដូង ដូចជាការគាំងបេះដូង ជំងឺដាច់សរសៃឈាមខួរក្បាលឬជំងឺខ្សោយបេះដូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការញ៉ាំខ្លាញ់ឆ្អែត អាហារជាតិស្ករ និងសាច់កែច្នៃក្នុងបរិមាណខ្ពស់ អាចបង្កើនកូលេស្តេរ៉ុលនិងជំងឺបេះដូង។ ចំណែកឯការញ៉ាំអាហារដែលផ្ដល់នូវសុខភាពល្អជាមួយនឹងជាតិកាបូអ៊ីដ្រាតទាំងមូលដូចជាបន្លែនិងធញ្ញជាតិ ខ្លាញ់រុក្ខជាតិអាចជួយកាត់បន្ថយហានិភ័យនៃជំងឺសរសៃឈាមបេះដូង។

អ្នកស្រាវជ្រាវបានពិនិត្យទិន្នន័យពីការស្ទង់មតិពិនិត្យសុខភាព និងអាហាររូបត្ថម្ភជាតិ (NHANES) លើមនុស្សពេញវ័យអាមេរិកចំនួន ២៧,៩១១ នាក់និងបានវាយតម្លៃលើព័ត៌មានអំពីរបបអាហារដែលត្រូវបានប្រមូលអំឡុងពេលសម្ភាសន៍ ក្នុងរយៈពេលពីរថ្ងៃជាប់គ្នា។

ការសិក្សាបានរកឃើញថា អ្នកដែលបរិភោគអាហារពេលល្ងាចដោយដែលផ្អែកលើមានជាតិខ្លាញ់រុក្ខជាតិនិងខ្លាញ់មិនឆ្អែត បានកាត់បន្ថយហានិភ័យនៃជំងឺបេះដូងបាន ១០ ភាគរយ។

លោកស្រី Ying Li មកពីសាកលវិទ្យាល័យវេជ្ជសាស្ត្រ Harbin ក្នុងទីក្រុង Harbin ប្រទេសចិនបានមានប្រសាសន៍ថា ” វាតែងតែត្រូវបានគេណែនាំឲ្យញ៉ាំអាហារដែលផ្ដល់នូវសុខភាព ជាពិសេសសម្រាប់អ្នកដែលមានហានិភ័យខ្ពស់នៃជំងឺបេះដូង ប៉ុន្តែយើងបានរកឃើញថា ការញ៉ាំសាច់និងការ៉ុតដែលមានជាតិចម្រាញ់សម្រាប់អាហារពេលព្រឹក ជំនួសអាហារពេលល្ងាច ត្រូវបានផ្សារភ្ជាប់ជាមួយនឹងការថយចុះហានិភ័យ ” ៕

ប្រែសម្រួល៖ សាង ស្រីល័ក្ខ

ចុចអាន៖តែក្រូចឆ្មារជាឱសថទិព្វការពារទាំងរាងកាយពីរោគរាតត្បាត និងជាភេសជ្ជៈពង្រឹងប្រព័ន្ធភាពស៊ាំបានល្អ

ចុចអាន៖សាច់ខ្នុរមិនត្រឹមផ្អែមឆ្ងាញ់មួយមុខ តែគ្រាប់ក៏ជាអាហារបំប៉នមួយទៀតសម្រាប់ពង្រឹងប្រព័ន្ធភាពស៊ាំក្នុងសម័យកូវីដ