សុខភាព
អ្នកចូលចិត្តអាហារបួស មកមើលគុណប្រយោជន៍ដ៏មហាសាលពីមុខម្ហូបគ្មានសាច់សត្វនេះ
អាហារបួសទោះគ្មានសាច់សត្វ មានតែបន្លែនិងតៅហ៊ូ តែអាហារប្រភេទនេះមានសារធាតុចិញ្ចឹមច្រើនមិនចាញ់អាហារមានសាច់ឡើយ។ ជាពិសេសអាហារបួសអាចធ្វើឲ្យសម្រស់ក្មេង មានសុខភាពល្អពីខាងក្នុង កាត់បន្ថយជំងឺដំកាត់ផ្សេងៗ ជាងអាហារមានខ្លាញ់ឬឆ្ងាញ់សឹងគ្រប់ពេលថែមទៀត។
១ ល្អសម្រាប់សុខភាពបេះដូង
អ្នកហូបបួសមួយភាគបី គឺមិនងាយនឹងស្លាប់ឬត្រូវសម្រាកព្យាបាលនៅមន្ទីរពេទ្យដោយសារជំងឺបេះដូង។ អាហារបួសមានជាតិសរសៃជួយរក្សាកម្រិតជាតិស្ករក្នុងឈាមឲ្យមានស្ថិរភាព និងកាត់បន្ថយកូលេស្តេរ៉ុល និងគ្រោះថ្នាក់ទូទៅនៃការគាំងបេះដូង។
២ កាត់បន្ថយហានិភ័យជំងឺមហារីក
ប្រភពពីការស្រាវជ្រាវមួយបានរកឃើញថា ក្នុងចំណោមប្រជាជនដែលមានហានិភ័យទាបគឺមានរបបអាហារបួសដែលជួយកាត់បន្ថយហានិភ័យនៃជំងឺមហារីកជាទូទៅ។ លើសពីនេះទៀតការសិក្សាបានរកឃើញថា ប្រភេទអាហារដែលមិនមានសាច់សត្វបានកាត់បន្ថយហានិភ័យនៃប្រភេទជំងឺមហារីកជាក់លាក់។ អាហារបួសត្រូវបានគេរកឃើញថាអាចកាត់បន្ថយហានិភ័យចំពោះជំងឺមហារីកច្រើន ជាងរបបអាហារដទៃទៀត ។ វាត្រូវបានគេរកឃើញថាផ្ដល់នូវការការពារប្រឆាំងនឹងជំងឺមហារីកចំពោះស្ត្រី របបអាហារបួសដែលមានជាតិ lacto-ovo ត្រូវបានគេរកឃើញថាផ្ដល់ការការពារប្រឆាំងនឹងជំងឺមហារីកនៃក្រពះពោះវៀនផងដែរ។
៣ ការពារពីជំងឺទឹកនោមផ្អែមប្រភេទទី ២
ការទទួលទានអាហារបួសដែលមានសុខភាពល្អ អាចជួយការពារពីប្រភពជំងឺទឹកនោមផ្អែមប្រភេទទី ២ និងជំងឺផ្សេងទៀត។ អាហារដែលមានជាតិ glycemic ទាបធ្វើឲ្យកម្រិតជាតិស្ករក្នុងឈាមមានស្ថិរភាព។ នៅក្នុងការសិក្សាមួយអ្នកបរិភោគបន្លែមានហានិភ័យពាក់កណ្ដាលនៃការវិវត្តទៅជាជំងឺទឹកនោមផ្អែមប្រភេទ ២ បើធៀបនឹងអ្នកដែលមិនហូបសោះ។
៤ បញ្ចុះសម្ពាធឈាម
ជាយូរមកហើយអ្នកស្រាវជ្រាវបានចាប់ផ្ដើមកត់សម្គាល់ថា អ្នកដែលមិនបរិភោគសាច់អាចមានសំពាធឈាមទាប។ ការសិក្សាបានបង្ហាញថា អ្នកហូបបួសជាពិសេសអ្នកតមសាច់មានសំពាធឈាមទាបជាងអ្នកបរិភោគសាច់។ អាហាររុក្ខជាតិមានទំនោរនៃជាតិខ្លាញ់សូដ្យូមនិងកូលេស្តេរ៉ុលទាប ដែលអាចមានឥទ្ធិពលវិជ្ជមានទៅលើសំពាធឈាមរបស់អ្នក។ ផ្លែឈើនិងបន្លែក៏មានកំហាប់ប៉ូតាស្យូមដែលជាជំនួយជួយបន្ថយសំពាធឈាម។
៥ បន្ថយរោគសញ្ញាជំងឺហឺត
ការសិក្សារបស់ស៊ុយអែតបង្ហាញថា របបអាហារបួសជាពិសេសបន្លែអាចបន្ថយរោគសញ្ញាជំងឺហឺត។ អ្នកចូលរួម ២២ នាក់ក្នុងចំណោម ២៤ នាក់ដែលបានបរិភោគរបបអាហារបន្លែរយៈពេលមួយឆ្នាំឃើញថា មានភាពប្រសើរឡើងរួមទាំងការពឹងផ្អែកលើថ្នាំតិចតួច។ វាត្រូវបានគេគិតថាអាហារសត្វមួយចំនួន អាចបង្កើតប្រតិកម្មរលាក ដូច្នេះការដកអាហារទាំងនេះចេញពីអាចកាត់បន្ថយអាការទាំងនេះ។
៦ លើកកម្ពស់សុខភាពឆ្អឹង
អត្រាជំងឺពុកឆ្អឹងគឺទាបជាងនៅតាមបណ្ដាប្រទេសដែលមានមនុស្សញ៉ាំអាហារបួសភាគច្រើន។ ផលិតផលសត្វបានបង្កើនកាល់ស្យូមចេញពីរាងកាយ ហើយបង្កើតបានជាការបាត់បង់ឆ្អឹងនិងជំងឺពុកឆ្អឹង។
៧ ជួយសម្រស់បានក្មេងជាងវ័យ
មិនលេងសើចទេ នេះជាការពិតមែន! អាហារបួសមានតែបន្លែ និងប្រភេទសណ្ដែកសៀងឬតៅហ៊ូសុទ្ធ ដូច្នេះអ្នកហូបអាហារប្រភេទនេះ មិនភ័យខ្លាចមានខ្លាញ់ មានកូលេស្តេរ៉ុលឬធ្វើឲ្យមុខកើតប្រេង ដែលបណ្ដាលឲ្យមុនបានឡើយ៕
ប្រែសម្រួល៖ សាង ស្រីល័ក្ខ
ប្រភព៖healthline
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង