ព័ត៌មានអន្ដរជាតិ
អង់គ្លេស សុំឲ្យប្រជាជន ៣.៦លាននាក់នៅក្នុងតំបន់ផ្ទុះវីរុសបំប្លែងខ្លួនឥណ្ឌាខ្លាំង កុំចេញទៅណា
ប្រជាជនរាប់លាននាក់បន្ថែមទៀតនៅតំបន់ Midlands និងភាគពាយព្យប្រទេសអង់គ្លេស កំពុងត្រូវបានជំរុញ កុំឲ្យធ្វើដំណើរឬជួបមនុស្សនៅកន្លែងបិទជិត ក្នុងគោលបំណងទប់ស្កាត់ការរីករាលដាលនៃវីរុសបំប្លែងខ្លួនឥណ្ឌា។
ក្នុងសេចក្តីណែនាំ ប្រជាជនប្រមាណ ៣.៦លាននាក់នៅទីក្រុង Birmingham, Liverpool, Warrington និងផ្នែកខ្លះនៃតំបន់ Cheshire ត្រូវបានស្នើសុំឲ្យកាត់បន្ថយចលនារបស់ពួកគេ ក្នុងនិងក្រៅតំបន់ដែលរងផលប៉ះពាល់ កម្រិតខ្ពស់ដោយសារវីរុសនេះ។
អាជ្ញាធរតំបន់ចំនួន៦ដែលទទួលបានការណែនាំថ្មីនេះ ក៏កំពុងត្រូវបានគេផ្តល់ជូននូវកញ្ចប់ឧបត្ថម្ភពីរដ្ឋាភិបាលផងដែរ ដែលរួមមានដូចជាការធ្វើតេស្តកាន់តែខ្លាំង, ការតាមដានទំនាក់ទំនងនិងការគាំទ្រផ្នែកហិរញ្ញវត្ថុដល់អ្នកឆ្លងកូវីដ។
ការអំពាវនាវនេះ បានធ្វើឡើងស្របពេលអ្នកវិទ្យាសាស្ត្រកំពូលៗ និងរដ្ឋមន្រ្តីជាន់ខ្ពស់អង់គ្លេសព្រមានថា វីរុសកូរ៉ូណានឹងមិនបាត់ទៅណាឡើយ ហើយយើងនឹងត្រូវរស់នៅជាមួយវីរុសនេះ ដូចគ្នានឹងវីរុសផ្ដាសាយអ៊ីចឹងដែរ។
លោកនាយករដ្ឋមន្ត្រី Boris Johnson និងប្រធានទីប្រឹក្សាមកពីសាកលវិទ្យាល័យធំៗនៅអង់គ្លេសរួមមាន សាស្ត្រាចារ្យ Chris Whitty និងសាស្ត្រាចារ្យ Sir Patrick Vallance បានលើកឡើងថា យើងនឹងត្រូវរស់នៅជាមួយ កូវីដ-១៩ រយៈពេលយូរ មិនថាបច្ចុប្បន្ននិងអនាគតវែងឆ្ងាយទៀត។
សាស្រ្តាចារ្យ Karol Sikora អ្នកជំនាញផ្នែកវេជ្ជសាស្ត្រនៅសាកលវិទ្យាល័យ Buckingham បានប្រាប់ MailOnline ថា ការឆ្លងនិងស្លាប់ដោយសារកូវីដ-១៩ ព្រមទាំងការលេចឡើងនូវវីរុសបំប្លែងខ្លួនថ្មីៗផ្សេងទៀត នឹងក្លាយជារឿងធម្មតានៅក្នុងសង្គម ហើយយើងត្រូវទម្លាប់ជាមួយបរិបទនេះ។ ទោះបីអត្រាឆ្លងថ្មីធ្លាក់ចុះក៏ពិតមែន ប៉ុន្តែ កូវីដ-១៩ នឹងមិនធ្លាក់ដល់ចំណុចសូន្យឡើយ។ មិនខុសអីនឹងវីរុសផ្ដាសាយដែលតែងតែមានមនុស្សឈឺរាល់ថ្ងៃ រាល់ឆ្នាំ មិនបាត់ទៅណា គ្រាន់តែតិចឬច្រើនប៉ុណ្ណោះ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ អ្នកវិទ្យាសាស្ត្រថា កូវីដ-១៩នឹងមិនបាត់ទៅណាទេ ហើយគ្រប់គ្នាត្រូវរៀនរស់ជាមួយវាដូចជំងឺផ្តាសាយ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)