សុខភាព

ផ្កាខាត់ណាខៀវនិងស សំបូរទៅដោយសារជាតិចិញ្ចឹមជាច្រើនប្រភេទ ជួយដល់រាងកាយទទួលបានជីវជាតិគ្រប់គ្រាន់

បានផុស

២ years មុន

នៅ

ថ្ងៃអង្គារ ២២ មិថុនា ២០២១

ដោយ

ផ្កាខាត់ណាខៀវនិងសគឺជាបន្លែដែលងាយស្រួលទទួលទាន និងជាមុខម្ហូបសាមញ្ញមួយអាចធ្វើអាហារបានច្រើនប្រភេទ។ ក្រៅពីនេះ ផ្កាខាត់ណាសំបូរទៅដោយសារធាតុចិញ្ចឹមជាច្រើនមុខ ជួយក្នុងការសម្រកទំងន់សម្រាប់មនុស្សស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ សំបូរទៅដោយសារធាតិចិញ្ចឹម

វាមានកាឡូរីទាប ហើយសំបូរទៅដោយវីតាមីន ជាតិសរសៃនិងសមាសធាតុផ្សេងទៀតដែលល្អសម្រាប់រាងកាយ។ ផ្កាខាត់ណាបង្កើតសមាសធាតុរាងកាយឲ្យមានតុល្យភាពល្អ និងសំបូរទៅដោយសារជាតិចិញ្ចឹមដូចជាវីតាមីន C វីតាមីន K វីតាមីន B ៦ ហ្វូឡាត។ អាស៊ីដ pantothenic ប៉ូតាស្យូម ម៉ង់ហ្គាណែស ម៉ាញ៉េស្យូម ផូស្វ័រ ដែលបំពេញនូវសារធាតុចិញ្ចឹមដែលត្រូវការដោយខ្លួនឯង។

២ សម្បូរទៅដោយជាតិសរសៃ

បន្លែនេះមានជាតិសរសៃ ដែលធ្វើឲ្យសុខភាពប្រព័ន្ធរំលាយអាហារល្អប្រសើរ។ ដោយសារតែសមាសធាតុសរសៃនេះវាជួយកាត់បន្ថយកត្តាហានិភ័យនៃរាងកាយ ដែលទទួលរងពីជំងឺរ៉ាំរ៉ៃដូចជា ជំងឺទឹកនោមផ្អែម ជំងឺលើសឈាមនិងដំបៅ។

២ សារធាតុប្រឆាំងអុកស៊ីតកម្ម

ចង់ប្រឆាំងនឹងរ៉ាឌីកាល់ដែលបង្កគ្រោះថ្នាក់ឬសារពាង្គកាយដែលបង្កគ្រោះថ្នាក់នៅក្នុងខ្លួន គឺគ្មានអ្វីប្រសើរជាងការញ៉ាំអាហារដែលមានសារធាតុប្រឆាំងអុកស៊ីតកម្មឡើយ។ តួយ៉ាងផ្កាខាត់ណា គឺល្អប្រសើរជាខ្លាំងសម្រាប់ប្រឆាំងអុកស៊ីតកម្ម ។

៣ ល្អក្នុងការសម្រកទម្ងន់

ផ្កាខាត់ណានឹងជួយឲ្យរាងកាយយើងទទួលបានសារធាតុចិញ្ចឹមគ្រប់គ្រាន់ ហើយដំណើរការបានល្អដោយមិនចាំបាច់បារម្ភអំពីកាឡូរីឬខ្លាញ់ដែលអាចកកកុញនៅក្នុងខ្លួនទេ។

៤ សំបូរទៅដោយសារធាតុ Choline

សមាសធាតុដែលគេហៅថា choline ត្រូវបានរកឃើញនៅក្នុងផ្កាខាត់ណា ភាគច្រើនជាសមាសធាតុមួយនៃរាងកាយមនុស្សជាច្រើនខ្វះ។ នេះពិតជាជួយក្នុងការថែរក្សាភ្នាសកោសិកា ជួយបំប្លែងសារជាតិឲ្យបានត្រឹមត្រូវ ជួយដល់ប្រព័ន្ធសរសៃប្រសាទនិងជួយអភិវឌ្ឍខួរក្បាល។

៥ កាត់បន្ថយហានិភ័យនៃជំងឺមហារីក

បន្លែនេះក៏សំបូរទៅដោយសារធាតុ sulforaphane ដែលជាសមាសធាតុចំបងធ្លាប់ជាប្រធានបទនៃការសិក្សាអស់មួយរយៈ ដោយសារឥទ្ធិពលវិជ្ជមានរបស់វាក្នុងការកាត់បន្ថយហានិភ័យនៃជំងឺមហារីក។ វាជួយកាត់បន្ថយការលូតលាស់ឬគុណនៃកោសិកាមហារីកនៅក្នុងខ្លួន ហើយក៏ជួយកាត់បន្ថយការលូតលាស់នៃដុំសាច់ណាមួយដែលមាននៅក្នុងខ្លួនផងដែរ។

៦ ជំនួសគ្រាប់ធញ្ញជាតិនិងរុក្ខជាតិ

នេះជាហេតុផលដ៏អស្ចារ្យមួយទៀតជាពិសេសសម្រាប់អ្នកដែលចង់រក្សារបបអាហារដែលមានសុខភាពល្អ និងមានតុល្យភាព បូករួមនឹងការសម្រកទម្ងន់បន្ថែម ឬស្ថានភាពមានទម្ងន់ល្អ។

ស្រមៃមើល ជំនួសឲ្យការទទួលយកគ្រាប់ធញ្ញជាតិដែលមានជាតិកាបូអ៊ីដ្រាតខ្ពស់ ហេតុអ្វីមិនមានផ្កាខាត់ណា? នេះអាចជាហេតុផលមួយដែលអ្នកជំនាញខាងចំណីអាហារជាច្រើន តែងតែងាកទៅរកផ្កាខាត់ណាជំនួស ដោយការទទួលទានអាហារដែលមានជាតិកាបូអ៊ីដ្រាតខ្ពស់៕

ប្រែសម្រួល៖ សាង ស្រីល័ក្ខ

ប្រភព៖practicalheal

ចុចអាន៖ផ្លែឈើនិងបន្លែពណ៌ក្រហមស្រស់ ហូបជាទៀងទាត់ ដូចនៅឆ្ងាយពីគ្រូពេទ្យ

ចុចអាន៖ម្រះមានរសជាតិល្វីង! តែជាឱសថជួយដល់សុខភាពបានយ៉ាងសក្ដិសិទ្ធិ ជាពិសេសបង្កើតភាពស៊ាំក្នុងសម័យកាលកូវីដ