សុខភាព

បើខោអាវជាប់សំណាកអ្នកផ្ទុកកូវីដ-១៩ ហើយយកទៅហាលថ្ងៃ មេរោគងាប់អត់?

បានផុស

៣ years មុន

នៅ

ថ្ងៃសៅរ៍ ៣ កក្កដា ២០២១

ដោយ

កន្លងមកមានមតិមួយចំនួនលើកឡើងថា ប្រទេសដែលមានអាកាសធាតុក្ដៅ COVID-19 មិនអាចឆ្លងបានទេ។ តែអង្គការសុខភាពពិភពលោកបានប្រកាសច្រានចោល ហើយថាប្រទេសដែលមានកម្ដៅក្ដៅខ្លាំង ឬក្ដៅសើមបែបណា ក៏វីរុស COVID-19 នៅតែរីករាលដាលឆ្លងដដែល។ តែបើទឹកសម្បោរ ឬកំហាកទឹកមាត់របស់អ្នកផ្ទុក COVID-19 ខ្ទាតទំលើសម្លៀកបំពាក់ ហើយយើងយកសម្លៀកបំពាក់នោះ ទៅហាលថ្ងៃ វាងាប់ឬអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានបកស្រាយថា ពេលមេរោគនោះទំលើខោអាវយើង ហើយយើងមិនបានប៉ះពាល់កន្លែងនោះ យើងអាចចៀសផុតពីការឆ្លង COVID-19 តែត្រូវយកសម្លៀកបំពាក់នោះទៅបោកសម្អាតជាមួយសាប៊ូ ដើម្បីកម្ចាត់មេរោគ រួចចាំយកទៅហាលថ្ងៃ។ ប៉ុន្តែ បើដោះសម្លៀកបំបាក់នោះ ហើយយកទៅហាលថ្ងៃតែម្ដង ដោយមិនបានបោកសម្អាត វាក៏អាចងាប់ កម្ដៅថ្ងៃកាត់បន្ថយសមត្ថភាពនៃការរីកលូតលាស់កោសិការបស់វីរុសបានពាក់កណ្ដាល ជីវិតវីរុសអាចរស់នៅបានក្រោមពន្លឺថ្ងៃត្រឹមតែពី ២ ទៅ ៥ នាទីប៉ុណ្ណោះ។

30 Ide Bisnis Online dan Rumahan [Modal dari Rp 100 Ribu]

ទោះជាកម្ដៅថ្ងៃមានសមត្ថភាពសម្លាប់វីរុស COVID-19 បានក៏ពិតមែន តែលោកវេជ្ជបណ្ឌិត មិនណែនាំឲ្យយើងយកសម្លៀកបំពាក់ដែលទើបស្លៀកពាក់ពេលចេញទៅក្រៅ មកដល់ផ្ទះវិញហាលថ្ងៃនោះទេ គឺត្រូវបោកសម្អាត ហើយវិធីរក្សាអនាម័យបែបនេះ ទើបយើងអាចចៀសផុតពី COVID-19។

わきが対策マニュアル】強力で効果の高い方法を知りたい方はこちら！ - 神戸150

វេជ្ជបណ្ឌិតរូបនោះបានបន្ថែមទៀតពេលចេញក្រៅ ហើយត្រឡប់មកផ្ទះវិញមិនគួរប៉ះពាល់សមាជិកក្នុងក្រុមគ្រួសារភ្លាមទេ ត្រូវងូតទឹកលាងសម្អាតខ្លួន ឬផ្លាស់ប្ដូរសម្លៀកបំពាក់ លាងសម្អាតដៃជើង មុខឲ្យបានស្អាតសិន ចាំចូលទៅជិតអ្នកក្នុងផ្ទះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការសិក្សាថ្មី៖ វីរុសកូវីដ-១៩ អាចរស់នៅលើសម្លៀកបំពាក់រហូតដល់៧២ម៉ោង

ចុចអាន៖ ម៉ាស៊ីនសម្ងួត និងក្រដាសជូតដៃ មួយណាអាចកម្ចាស់មេរោគបានល្អជាង?