សុខភាព
សភាពស្បែកទាំង៨ នេះ បញ្ជាក់ថាសុខភាពកំពុងមានបញ្ហា
ក្នុងករណីយើងមានសញ្ញាមិនប្រក្រតីលើស្បែក ការទៅជួបគ្រូពេទ្យជំនាញខាងជំងឺសើស្បែកគឺជារឿងសំខាន់ ព្រោះថាគ្រូពេទ្យជំនាញនេះអាចមានលទ្ធភាពសម្គាល់ពីភាពមិនប្រក្រតីមាននៅលើស្បែកយើងថាអាចទាក់ទងទៅនឹងជំងឺណាមួយ។ ការទៅជួបគ្រូពេទ្យជំនាញខាងសើស្បែកអាចថាត្រូវចំណាយថ្លៃខ្ពស់បន្តិច តែក្រោយពីបានជួយប្រឹក្សារួចហើយនិងដឹងពីសញ្ញាដូចខាងក្រោមនេះគឺរឹតតែសំខាន់ទៅទៀត។
១- ប៉ោងហើមក្រោមភ្នែក
ការញ៉ាំអាហារមានជាតិប្រៃច្រើនពេកអាចបណ្តាលឲ្យរាងកាយយើងប្រមូលផ្តុំនូវជាតិទឹកទៅក្រោមភ្នែករបស់យើង ដែលបណ្តាលឲ្យក្រោមភ្នែកមានសភាពប៉ោងហើម។ មូលហេតុមួយទៀតនៃការប៉ោងនៅក្រោមភ្នែកគឺប្រតិកម្មអាលែកហ្សី។ ប្រតិកម្មអាលែកហ្សីអាចធ្វើឲ្យសរសៃឈាមនៅក្រោមស្បែករីកធំ និងងាយធ្វើឲ្យចេញឈាមតិចតួចនៅជុំវិញភ្នែកយើងដែលបណ្តាលឲ្យឡើងខ្មៅនៅក្រោមភ្នែក។
២- ស្បែកពណ៌ប្រផេះ
ស្បែកពណ៌ប្រផេះអាចជាសញ្ញាព្រមាននៃបញ្ហាសុខភាពជាច្រើន។ ភាគច្រើននៃអ្នកមានស្បែកពណ៌ប្រផេះគឺបណ្តាលមកពីកង្វះអុកស៊ីសែននៅក្នុងឈាម ដែលអាចបណ្តាលឲ្យមានការគាំងបេះដូង ជំងឺរលាកសួត ជំងឺរបេងសួត និងមហារីកមួយចំនួនទៀតផងដែរ។
៣- ការប្រែពណ៌ និងបាត់ពណ៌សម្បុរលើស្បែក
ការប៉ះពាល់នឹងពន្លឺព្រះអាទិត្យមិនមែនជារឿងតែមួយគត់ដែលអាចផ្លាស់ប្តូរពណ៌ស្បែករបស់យើងនោះទេ។ ស្នាមពណ៌ត្នោត និងពណ៌ប្រផេះនៅក្លៀក ឬក្រលៀនអាចជាសញ្ញានៃការមានជំងឺទឹកនោមផ្អែម។
៤- ស្បែកស្ងួត
ស្បែកស្ងួតដែលអមជាមួយនឹងសក់ស្ងួត និងក្រចកផុយអាចបង្ហាញថាយើងមានបញ្ហាជាមួយនឹងក្រពេញទីរ៉ូអ៊ីត។ ជាធម្មតាស្បែករបស់យើងមានសភាពទន់ និងមានសំណើម។ ស្បែកដែលមានសភាពស្ងួតធ្ងន់ធ្ងរអាចបណ្តាលមកពីកង្វះនៃវីតាមីនA និង អាស៊ីតខ្លាញ់សំខាន់ៗដូចជាអូមេហ្គា ៣ ឬស័ង្កសី។
៥- ការរលាកដោយពន្លឺព្រះអាទិត្យ
មនុស្សគ្រប់គ្នាសុទ្ធតែមានការប៉ះពាល់ដោយកាំរស្មីពន្លឺព្រះអាទិត្យ ប៉ុន្តែការប៉ះពាក់នេះអាចមានបញ្ហាដល់សុខភាពប្រសិនបើស្បែករបស់យើងងាយនឹងរលាកដោយពន្លឺព្រះអាទិត្យពេក។ Photosensitivity ឬការមានប្រតិកម្មខ្លាំងដោយពន្លឺព្រះអាទិត្យពីកាំរស្មីយូវីអាចមានលើអ្នកដែលមានជំងឺនៃប្រព័ន្ធភាពស៊ាំ lupus erythematosus ។
៦- កន្ទួលរមាស់
ស្នាមកន្ទួលដែលធ្វើឲ្យយើងរមាស់ និងមានពងបែកអាចជាទម្រង់មួយនៃជំងឺ dermatitis herpetiformis ដែលជាជំងឺស្បែកបណ្តាលមកពីជំងឺពោះវៀនធំ (celiac disease)។ ជំងឺនេះច្រើនកើតមានលើអ្នកដែលមានប្រតិកម្មជាមួយសារជាតិ gluten (gluten intolerant) ដែលជាប្រូតេអ៊ីនម្យ៉ាងមាននៅក្នុងស្រូវសាឡី។ ការរមាស់អាចកើតមានពេញរាងកាយ ប៉ុន្តែច្រើនកើតលើជង្គង់ កែងដៃ ស្បែកក្បាល ខ្នង និងគូទ។ កន្ទួលដែលបណ្តាលមកពីជំងឺពោះវៀនធំ ច្រើនកើតមានបន្ទាប់ពីយើងមានអារម្មណ៍ថាក្តៅនៅត្រង់តំបន់ដែលរមាស់។
៧- ស្បែកពណ៌ទឹកក្រូច
សំរាប់គ្នាយើងដែលចូលចិត្តបរិភោគការ៉ុត ឬអាហារណាដែលមានជាតិខារ៉ូទីន (carotene)ច្រើនអាចនឹងធ្វើឲ្យស្បែកប្រែទៅជាពណ៌ទឹកក្រូច។ ដើម្បីឲ្យស្បែកយើងប្រែមកសភាពដើមវិញយើងគ្រាន់តែបន្ថយការបរិភោគអាហារមានជាតិ carotene ទៅបានហើយ។
៨- ស្បែកពណ៌ត្នោត
គ្នាយើងដែលមានស្បែកឡើងពណ៌ត្នោតដោយមិនទាំងបានអាំងថ្ងៃផងនោះ អាចជាសញ្ញានៃជំងឺតំណពូជដែលហៅថាជំងឺ hemochromatosis ជាប្រភេទជំងឺម្យ៉ាងទាក់ទងនឹងការចាល់ជាតិដែក អាចធ្វើឲ្យខូចថ្លើម។ ដូច្នេះប្រសិនបើយើងមិនសូវត្រូវពន្លឺព្រះអាទិត្យច្រើន ប៉ុន្តែស្បែករបស់យើងចាប់ផ្តើមប្រែពណ៌ទៅជាពណ៌ត្នោត យើងត្រូវទៅរកជំនួយពីគ្រូពេទ្យឲ្យបានឆាប់បំផុត៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ បើឃើញមនុស្សក្បែរខ្លួនមានសញ្ញាអស់នេះ គួរណែនាំឲ្យទៅជួបពេទ្យចិត្តសាស្ត្រហើយ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ