៧ ចំណុចសំខាន់ខ្លាំង ឪពុកម្ដាយត្រូវដឹង មុននាំកូនអាយុ ៦- ១២ ឆ្នាំ ទៅចាក់វ៉ាក់សាំង Sinovac ស្អែកនេះ
Connect with us
Helistar Cambodia - Helicopter Charter Services

សុខភាព

៧ ចំណុចសំខាន់ខ្លាំង ឪពុកម្ដាយត្រូវដឹង មុននាំកូនអាយុ ៦- ១២ ឆ្នាំ ទៅចាក់វ៉ាក់សាំង Sinovac ស្អែកនេះ

បានផុស

នៅ

ការបើកយុទ្ធនាការចាក់វ៉ាក់សាំងកុមារតូចៗ អាយុពី ៦ ទៅ ១២ ឆ្នាំ គឺត្រូវធ្វើនៅក្របខណ្ឌទូទាំងប្រទេស ចាប់ផ្តើមពីថ្ងៃទី១៧ ខែកញ្ញា ដល់ ថ្ងៃទី០៣ ខែតុលា ឆ្នាំ២០២១ ដែលសម្ដេចតេជោ ហ៊ុន សែន នឹងចូលរួមបើកនៅឯវិមានសន្តិភាព នាស្អែកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះ ចំពោះកុមារដែលមានអាយុចាប់ពី ០៦ ឆ្នាំ ដល់ក្រោម ១២ ឆ្នាំ ដែល​មកទទួល​ចាក់វ៉ាក់សាំង បង្ការ​ជំងឺកូវីដ-១៩ សូមមាតាបិតា-អាណាព្យាបាល ចាំបាច់ត្រូវដឹងនិងស្វែងយល់ឲ្យច្បាស់​ មុននាំកូនៗទៅចាក់វ៉ាក់សាំង។

ត្រូវដឹងថា វ៉ាក់សាំងដែលក្មេងអាយុពី ៦ ទៅ ១២ ឆ្នាំចាក់ គឺជាវ៉ាក់សាំងរបស់ប្រទេសចិន ប្រភេទ Sinovac។

 រយៈពេលត្រូវ​ចាក់​ បន្ទាប់​ពី​ចាក់​ដូស​ទី​មួយ ត្រូវ​រង់ចាំ​រយៈ​ពេល ២១ ថ្ងៃ​ ទើប​អាច​ចាក់​ដូស​ទី​ពីរ​បាន នៅ​ថ្ងៃទី ០៨ ដល់ ខែតុលា ឆ្នាំ ២០២១ ដូចដែលបានកំណត់រួច។

ភ្ជាប់​ជាមួយ​នឹង​សំបុត្រកំណើត ឬ សំបុត្របញ្ជាក់កំណើត ឬលិខិតឆ្លងដែន ឬសៀវភៅស្នាក់នៅ ឬសៀវភៅគ្រួសារ

ចំពោះកុមារ ដែលរស់នៅជាមួយមាតាបិតា-អាណាព្យាបាល ត្រូវមានលិខិតព្រមព្រៀងអនុញ្ញាត​ឲ្យ​ចាក់ វ៉ាក់សាំង ជាលាយលក្ខណ៍អក្សរពីសំណាក់មាតាបិតា-អាណាព្យាបាល ។

ចំពោះកុមារ ដែលស្នាក់នៅឆ្ងាយពីមាតាបិតា-អាណាព្យាបាល តម្រូវឲ្យមាតាបិតា-អាណាព្យាបាល បំពេញ នូវលិខិតព្រមព្រៀងអនុញ្ញាត​ឲ្យ​ចាក់វ៉ាក់សាំងជាលាយលក្ខណ៍អក្សរ ហើយផ្ញើតាមប្រព័ន្ធអនឡាញមក បុត្រធីតាឬសាច់ញាតិ ដើម្បីផ្ដល់​ឲ្យ​គ្រូពេទ្យនៅទីតាំង​ចាក់វ៉ាក់សាំង​ផ្ទាល់។

ចំពោះកុមារកំព្រាដែលរស់នៅតាមមណ្ឌលនានា ត្រូវមានលិខិតព្រមព្រៀងអនុញ្ញាត​ឲ្យ​ចាក់វ៉ាក់សាំងជាលាយលក្ខណ៍អក្សរ ពីសំណាក់អ្នកគ្រប់គ្រងមណ្ឌលថែទាំកុមារ

ចំពោះកុមារដែលជាជនអនាថា មិនអាចកំណត់អត្តសញ្ញាណមាតាបិតា គ្មានអាណាព្យាបាល និងមិនមាន ទីតាំងស្នាក់នៅ​ពិតប្រាកដ អាជ្ញាធរមូលដ្ឋាន ត្រូវសហការជាមួយមន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ ដើម្បីចេញលិខិត​បញ្ជាក់ និងនាំយក​ពួកគេមកទទួលវ៉ាក់សាំង​ឲ្យ​បានគ្រប់ៗគ្នា៕

អត្ថបទ៖ សាង ស្រីល័ក្ខ

ចុចអាន៖ចំណុចសំខាន់ៗ ឪពុកម្ដាយត្រូវដឹង មុននាំកូនអាយុ ៦-១២ ឆ្នាំ ទៅចាក់វ៉ាក់សាំង Sinovac 

ចុចអាន៖នេះ ផលរំខានពីវ៉ាក់សាំង Sinovac លើក្មេងអាយុ ៦ ទៅ ១២ ឆ្នាំ ពុកម៉ែត្រូវដឹង និងត្រៀមខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services