សុខភាព

ពុកម៉ែគួរដឹង កុមារតូចៗ បើឆ្លង Omicron នឹងចេញរោគសញ្ញាប្រភេទនេះមុនគេ

បានផុស

២ years មុន

នៅ

ថ្ងៃសៅរ៍ ១៩ កុម្ភៈ ២០២២

ដោយ

បើទោះបីជា Omicron បានវិវត្តយ៉ាងឆាប់រហ័ស និងឆ្លងជាងប្រភេទវីរុសបំប្លែងខ្លួនផ្សេងទៀតដល់ទៅ ៣ ទៅ ៤ ដងក្ដីប៉ុន្តែអត្រានៃការឆ្លងក្នុងចំណោមកុមារ បានកើនឡើង សមាមាត្រទៅនឹងការកើនឡើងនៃចំនួនអ្នកឆ្លងជារៀងរាល់ថ្ងៃ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Passorn Bunyahotra គ្រូពេទ្យកុមារផ្នែកជំងឺឆ្លង មន្ទីរពេទ្យ Samitivej Sukhumvit នៅប្រទេសថៃ បញ្ជាក់ថា បើប្រៀបធៀបអាការរបស់កុមារ ជាមួយមនុស្សធំ ដែលបានចាក់ថ្នាំបង្ការ វាហាក់ដូចជាមនុស្សពេញវ័យមានរោគសញ្ញាតិចជាង។ ដោយសារតែភាពធ្ងន់ធ្ងរនៃជំងឺនេះ ត្រូវបានកាត់បន្ថយនៅពេលចាក់វ៉ាក់សាំង។ ប៉ុន្តែការពិត ភាពធ្ងន់ធ្ងរនៃ omicron របស់កុមារ គឺកម្រណាស់។ ការសិក្សាបានរកឃើញថា ទំនោរនៃការឆ្លង omicron ចំពោះកុមារគឺស្រាល។

ប៉ុន្តែវ៉ាក់សាំងកូវីដ នៅតែមានតម្រូវការសម្រាប់កុមារជាខ្លាំង ព្រោះកុមារត្រូវទៅសាលា។ ប្រសិនបើកុមារត្រូវបានឆ្លងដោយមិនដឹងខ្លួន នោះមេរោគនឹងរីករាលដាលយ៉ាងឆាប់រហ័ស ដូច្នេះការចាក់វ៉ាក់សាំងនឹងកាត់បន្ថយការរីករាលដាលនៃជំងឺ ហើយការផ្ទុះឡើងអាចគ្រប់គ្រងបាន។ លើសពីនេះទៀត ចំពោះកុមារដែលមានជំងឺពីកំណើតដូចជាជំងឺធាត់ ជំងឺបេះដូង ជំងឺផ្លូវដង្ហើម ត្រូវការវ៉ាក់សាំងបន្ថែមទៀត ព្រោះបើមានការឆ្លងមេរោគ អាចបង្កជារោគសញ្ញាធ្ងន់ធ្ងរ។

ដោយឡែក ចំពោះរោគសញ្ញា MIS-C ដែលកើតឡើងបន្ទាប់ពីកុមារបានឆ្លង omicron និងបង្កឲ្យមានការរលាកដល់សរីរាង្គ និងប្រព័ន្ធនានាពាសពេញរាងកាយ ដោយសារប្រព័ន្ធភាពស៊ាំខ្ពស់ខុសប្រក្រតី។ អាចបណ្ដាលឲ្យមានរោគសញ្ញាមួយប្រភេទលេចចេញមុនគេ ស្រដៀងនឹងជំងឺ Kawasaki ដូចជា ក្តៅខ្លួនខ្លាំង ឡើងកន្ទួល ភ្នែកក្រហម បបូរមាត់ក្រហម ប្រសិនបើរោគសញ្ញាកាន់តែធ្ងន់ធ្ងរ ប្រហែលជាត្រូវបញ្ចូនកុមារ ចូលបន្ទប់សង្គ្រោះបន្ទាន់ (ICU )ក៏មាន ។

ដូច្នេះសូមពុកម៉ែដែលមានកូនតូចៗ ត្រូវយកកូនទៅចាក់វ៉ាក់សាំង នៅតាមទីតាំងជិតៗផ្ទះ ដើម្បីឲ្យកុមារមានភាពស៉ាំពីក្នុងខ្លួន ជួយការពារទាំងកូវីដផង និង វីរុសបំប្លែងខ្លួនផ្សេងទៀត ជាពិសេស omicron ដែលកំពុងរីករាលដាលពេញប្រទេស កម្ពុជា ៕

ប្រែសម្រួល៖ សាង ស្រីល័ក្ខ

ចុចអាន៖រោគសញ្ញា អូមីក្រុង ២ អាចលេចចេញ សូម្បីកំពុងញ៉ាំអាហារ ក៏អាចមើលដឹង