Connect with us

សុខភាព

ដំឡូងជ្វាពណ៌ស្វាយ ល្អសម្រាប់អ្នកជំងឺទឹកនោមផ្អែម និងពន្យឺតភាពចាស់

បានផុស

នៅ

ដំឡូងជ្វាពណ៌ស្វាយ មិនមែនជារុក្ខជាតិមើម ដែលផ្តល់តែរសជាតិផ្អែម និងឆ្ងាញ់តែមួយមុខ​នោះ​ទេ។ តែក៏ជាអាហារផ្ដល់ថាមពល និងជីវជាតិគ្រប់គ្រាន់ ដល់អ្នកជំងឺទឹកនោមផ្អែមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ កាត់បន្ថយផលវិបាក​ ចំពោះអ្នកជំងឺទឹកនោមផ្អែម

ដោយសារតែដំឡូងពណ៌ស្វាយ សម្បូរទៅដោយសារធាតុប្រឆាំងអុកស៊ីតកម្មដូចជា anthocyanins ដែលជា​សារធាតុដែលមានលក្ខណៈសម្បត្តិប្រឆាំងនឹង glycation រវាងជាតិស្ករ និងប្រូតេអ៊ីន​នៅក្នុងរាងកាយ ។ នៅពេលដែលរាងកាយរបស់យើង ទទួលបានសារធាតុប្រឆាំង​អុកស៊ីតកម្ម​ប្រភេទនេះ។ វា​នឹង​ជួយ​រារាំង​ការ​ចង​ស្ករ​និង​ប្រូតេអ៊ីន​នៅ​កម្រិត​កោសិកា។ ជាលទ្ធផល កោសិកាក្នុងរាងកាយ និងសរសៃឈាម​កាន់តែយ៉ាប់យ៉ឺនតិច។ នេះ​កាត់​បន្ថយ​ឱកាស​នៃ​ផលវិបាក​ចំពោះ​អ្នកជំងឺ​ទឹកនោមផ្អែម​ផងដែរ។

២ កាត់បន្ថយកម្រិតកូឡេស្តេរ៉ុលក្នុងឈាម

ដំឡូងផ្អែម​មានផ្ទុកសារធាតុ anthocyanin ជា​សារធាតុ​ដែល​មាន​លក្ខណៈ​សម្បត្តិ​ប្រឆាំង​អុកស៊ីតកម្ម​ នៃ​ជាតិ​ខ្លាញ់ សារធាតុនេះដើរតួនាទីរារាំងការប្រមូលផ្តុំរវាងអុកស៊ីសែន និង​កូលេស្តេរ៉ុល LDL ពី​ដំណើរការ​អុកស៊ីតកម្ម។ មាន​ន័យ​ថា​ការ​ញ៉ាំ​ដំឡូងជ្វា ​អាច​ជួយ​កាត់​បន្ថយ​កម្រិត​កូឡេស្តេរ៉ុល​ក្នុង​ឈាម ក៏ដូចជាជួយកាត់បន្ថយហានិភ័យនៃជំងឺបេះដូង និង​ជំងឺ​សរសៃឈាម។

៣ ចិញ្ចឹម​សក់ និង​ស្បែក

Anthocyanins និង flavonoids ដែលជាសារធាតុប្រឆាំងអុកស៊ីតកម្មនៅក្នុងដំឡូងពណ៌ស្វាយ មានលក្ខណៈសម្បត្តិជួយស្រូបយករ៉ាឌីកាល់សេរី។ វាត្រៀមខ្លួនជាស្រេច ដើម្បីជួយពន្យឺតការខ្សោះជីវជាតិនៃកោសិកាក្នុងរាងកាយ សារធាតុប្រឆាំងអុកស៊ីតកម្ម ក៏មានប្រសិទ្ធភាពប្រឆាំងនឹងកាំរស្មីយូវី ដែលជួយ​ឲ្យ​ស្បែកមិនងាយខូចដោយសារវិទ្យុសកម្ម។ លើសពីនេះទៀត សារធាតុចិញ្ចឹមជាច្រើននៅក្នុង​ដំឡូងពណ៌ស្វាយ ​ក៏រួមចំណែកដល់ការភ្ញោចសក់ខ្មៅ និងភ្លឺចាំងរបស់នារីៗ ក៏ដូចជាពន្យឺតការកើត​ឡើងនៃ​សក់ស្កូវផងដែរ។

៤ ពន្យឺត​ភាព​ចាស់

សារធាតុ​ប្រឆាំង​អុកស៊ីតកម្មនៅក្នុងដំឡូងផ្អែម មាន​លក្ខណៈសម្បត្តិ​ប្រឆាំងនឹង glycation ដែល​ជា​ប្រតិកម្ម​រវាង​ជាតិ​ស្ករ និង​ប្រូតេអ៊ីន វាគឺជាកត្តាដែលបញ្ចុះបញ្ចូល​កោសិកា ​ឲ្យ​កាន់តែ​យ៉ាប់យ៉ឺន​យ៉ាងឆាប់រហ័ស។ ស្ថានភាព​នេះច្រើនកើតមានចំពោះមនុស្សចាស់ ឬអ្នក​ដែល​មាន​ជំងឺ​ទឹក​នោម​ផ្អែម។

៥ ប្រឆាំងមហារីក

សារធាតុ​ប្រឆាំង​អុកស៊ីតកម្ម​ដូចជា anthocyanins មានក្នុង​ដំឡូង​ពណ៌ស្វាយ។ វា​មាន​លក្ខណៈសម្បត្តិ​ជួយ​ប្រឆាំង​មហារីក​ពោះវៀនធំ។ វាក៏មានជាតិសរសៃ ដែលជួយ​ជំរុញ​ប្រព័ន្ធ​រំលាយ​អាហារ​ផង​ដែរ។ ជាលទ្ធផលប្រព័ន្ធ excretory ដំណើរការ​យ៉ាង​រលូន។ ដោយហេតុ​នេះ​ កាត់បន្ថយ​ហានិភ័យ​នៃ​ជំងឺ​មហារីក​ក្រពះ​ពោះវៀន​៕

ប្រែសម្រួល៖ សាង ស្រីល័ក្ខ

ចុចអាន៖និយមហូបសាលម៉ុន គួរដឹងថា រវាងត្រីចិញ្ចឹម និងធម្មជាតិ មួយណាល្អចំពោះសុខភាពច្រើនជាង

ចុចអាន៖ឧស្សាហ៍ឈឺអញ្ចាញធ្មេញ អាចពាក់ព័ន្ធបញ្ហា សុខភាពទាំងនេះ



Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

សម្តេច​តេជោ​ ហ៊ុន សែន​ រង​​ការ​វាយ​ប្រហារ​ផ្លូវ​​ចិត្ត​ខ្លាំង​ ក្រោយ​បង​ប្រុស​​លើក​ដៃ​ចង្អុល​ទៅ​រក​រូប​ថត​​បងប្អូន​​​៦នាក់ ​ការ​ពិត​នៅ​សល់​តែ​៥នាក់​​

សន្តិសុខសង្គម៣៥ នាទី មុន

តុលាការខេត្ត​កណ្តាល​ឃុំ​ខ្លួន​ចាងហ្វាង​ផ្សាយ គេហទំព័រ ម្នាក់

ជីវិតកម្សាន្ដ៤៤ នាទី មុន

មិត្តស្រី Ronaldo ធ្វើរឿងមួយពេលចូលរួមកម្មវិធី Cannes ថ្ងៃមុន មហាជនចំហមាត់ធ្លុង

ព័ត៌មានជាតិ៤៤ នាទី មុន

លោក ហ៊ុន ម៉ា​ណែ​ត​ ៖ ចាំបាច់​ណាស់​ដែល​យើង​ត្រូវ​បោះឆ្នោត​ដើម្បី​ខ្លួនឯង ដើម្បី​គ្រួសារ និង​ដើម្បី​សង្គមជាតិ​យើង

នយោបាយ១ ម៉ោង មុន

មន្ត្រីជាន់ខ្ពស់ គ​.​ជ​.​ប ថា បណ្តឹង​តិច ឬ​ច្រើន មិន​ធ្វើ​ឲ្យ​រអាក់រអួល​ដំណើរការ​រៀបចំ​ការបោះឆ្នោត​ទេ

Sokha Hotels

ព័ត៌មានពេញនិយម