សុខភាព

អាហារ ៥ ប្រភេទ ដុកទ័រហាមផ្ដាច់ កុំហូបពេលពោះទទេឲ្យសោះ

បានផុស

៤ years មុន

នៅ

ថ្ងៃចន្ទ ៧ មីនា ២០២២

ដោយ

យើងញ៉ាំអាហារ ឬសម្រន់ពេលឃ្លាន ប៉ុន្តែមានអាហារមួយចំនួន ដែលមិនគួរទទួលទានមុនគេបង្អស់ នៅពេលពោះទទេ ព្រោះអាចមានផលប៉ះពាល់ដល់រាងកាយដោយមិនដឹងខ្លួន។

ក្នុងនោះមានដូចជា៖

១ ផ្លែក្រូច មានវីតាមីន C ខ្ពស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលទទួលទានវីតាមីនញឹកញាប់ ប្រហែលជាធ្លាប់ឮថា ថ្នាំគ្រាប់វីតាមីន C គួរត្រូវផឹកក្រោយអាហារ។ វាជាហេតុផលដូចគ្នាសម្រាប់ផ្លែឈើដូចជា ក្រូច ក្រូចឆ្មា ម្នាស់ ផ្លែល្ហុង និងប្រភេទសំបូរដោយវីតាមីន C ផ្សេងទៀត រួមទាំង persimmons រសជាតិជូរ អាចធ្វើឲ្យរលាកក្រពះ។ ជាពិសេសចំពោះអ្នកជំងឺដែលមានជំងឺក្រពះ និងពោះវៀន/ប្រព័ន្ធរំលាយអាហារ។

២ អាហារហឹរ

ការញ៉ាំអាហារហឹរដំបូង ពេលពោះទទេ អាចរំខានដល់ប្រព័ន្ធរំលាយអាហារ។ បំផ្លាញទឹករំអិលដែលគ្របក្រពះ និងអាចនាំឲ្យមានការឈឺពោះ ឬរាករូសជាដើម។

៣ ទឹកដោះគោជូរ

ទឹកដោះគោយ៉ាអួមាន probiotics ដែលជាបាក់តេរីល្អ ជួយរក្សាពោះវៀនឲ្យមានសុខភាពល្អ។ ប៉ុន្តែប្រសិនបើអ្នកញ៉ាំពេលពោះទទេ អាស៊ីត Hydrochloric ដែលក្រពះលាក់កំបាំង អាចបង្កគ្រោះថ្នាក់ដល់បាក់តេរី។ ដូច្នេះ យកល្អគួរតែញ៉ាំទឹកដោះគោជូរក្រោយអាហាររួច។

៤ អាហារដែលមានម្សៅ និងស្ករច្រើន

សម្រាប់អាហារពេលព្រឹក អាហារដំបូងនៃថ្ងៃបន្ទាប់ពីភ្ញាក់ពីគេង បន្ទាប់ពីជាច្រើនម៉ោងនៅលើពោះទទេ ការទទួលទានអាហារដែលមានជាតិម្សៅ និងជាតិស្ករខ្ពស់ ដូចជាធញ្ញជាតិ នំប៉័ងពណ៌ស ផ្សេងៗ អាចធ្វើឲ្យរាងកាយមានភាពធន់នឹងអាំងស៊ុយលីន ក្នុងរយៈពេលវែង វាអាចបង្កើនហានិភ័យជំងឺទឹកនោមផ្អែម រួមទាំងជំងឺតម្រងនោម។

៥ តែ កាហ្វេ ភេសជ្ជៈ

នៅពេលពោះទទេ រាងកាយបញ្ចេញអាស៊ីដ hydrochloric ដែលធ្វើឲ្យក្រពះមានជាតិអាស៊ីដ ហើយជាតិកាហ្វេអ៊ីននៅក្នុងតែ កាហ្វេ និងភេសជ្ជៈជំរុញឲ្យមានការបញ្ចេញអាស៊ីដកាន់តែច្រើន។ ជាពិសេសប្រសិនបើមិនមានអាហារនៅក្នុងក្រពះ អាស៊ីដនេះបំផ្លាញជញ្ជាំងក្រពះ បណ្ដាលឲ្យដំបៅក្រពះ និងនាំឲ្យមានការចាល់ជាតិអាស៊ីត ដើម្បីការពារជាតិអាស៊ីតក្រពះ គួរតែរកអាហារពេលព្រឹក។ ជាការប្រសើរក្នុងការទទួលទានអាហារសម្រន់ អមដោយកាហ្វេមួយពែងក៏បាន៕

ប្រែសម្រួល៖ សាង ស្រីល័ក្ខ

ចុចអាន៖ដឹងអត់ ហេតុអ្វីញ៉ាំមីញឹក ធ្វើឲ្យស្អិតក្រពះ-ពោះវៀន វិវត្តជាមហារីក

ចុចអាន៖ជឿអត់ ស៊ុតពិតជាមានអត្ថប្រយោជន៍ច្រើន ចំពោះសុខភាព?