សុខភាព
ប្រទេសនៅអាស៊ីអាគ្នេយ៍ ក៏មានកុមារច្រើននាក់ស្លាប់ដែរ ក្រោយផឹកថ្នាំសេរ៉ូផ្តាសាយ (មានវីដេអូ)
អាជ្ញាធរសុខាភិបាលឥណ្ឌូណេស៊ីបាននិយាយកាលពីថ្ងៃពុធទី១២ខែតុលាថា ប្រទេសនេះនឹងបើកការស៊ើបអង្កេតករណីលើការរងរបួសក្រលៀនស្រួចស្រាវ ដែលបណ្តាលឲ្យកុមារជាង២០នាក់បាត់បង់ជីវិត ក្នុងរដ្ឋធានីហ្សាការតា នៅឆ្នាំនេះ។
ការស៊ើបអង្កេតធ្វើឡើង ស្របពេលអាជ្ញាធរនៅប្រទេសហ្គាំប៊ីបាននិយាយថា កុមារជិត ៧០ នាក់ក៏បានស្លាប់ផងដែរ ដោយសាររបួសក្រលៀនស្រួចស្រាវ បន្ទាប់ពីផឹកថ្នាំសេរ៉ូផ្តាសាយ។
ប្រទេសឥណ្ឌូណេស៊ី នឹងសម្របសម្រួលជាមួយក្រុមអ្នកស៊ើបអង្កេត មកពីអង្គការសុខភាពពិភពលោក (WHO) ដែលបានរកឃើញសារធាតុ diethylene glycol និង ethylene glycol ក្នុងកម្រិតមិនអាចទទួលយកបាន នៅក្នុងផលិតផលចំនួន៤ ដែលផលិតដោយក្រុមហ៊ុន Maiden Pharmaceuticals Ltd មានមូលដ្ឋាននៅទីក្រុងញូវដែលី ប្រទេសឥណ្ឌា។
និយតករគ្រឿងញៀនរបស់ប្រទេសឥណ្ឌូណេស៊ី (BPOM) បាននិយាយនៅក្នុងសេចក្តីថ្លែងការណ៍មួយថា ថ្នាំសេរ៉ូទាំងនេះ មិនត្រូវបានចុះបញ្ជីនៅក្នុងប្រទេសទេ។
ដោយដកស្រង់ទិន្នន័យពីសមាគមគ្រូពេទ្យកុមារឥណ្ឌូណេស៊ី (IDAI), លោក Mohammad Syahril អ្នកនាំពាក្យក្រសួងសុខាភិបាល បានប្រាប់រ៉យទ័រថា ការរងរបួសក្រលៀនស្រួចស្រាវចំនួន ១៣១ ករណី ត្រូវបានរកឃើញទូទាំងប្រទេសចាប់តាំងពីខែមករាមក។ លោកបន្តថា ចំនួនអ្នកស្លាប់សរុបនៅទូទាំងប្រទេស កំពុងកំណត់។
ទោះបីជាយ៉ាងណាក៏ដោយ លោក Syahril បន្ថែមថា ករណីនៅប្រទេស ហ្គាំប៊ី គឺមិនពាក់ព័ន្ធនឹងករណីនៅឥណ្ឌូណេស៊ីឡើយ។
ដោយឡែក ទីភ្នាក់ងារសុខភាពទីក្រុងហ្សាការតា បាននិយាយថា មានករណីសរុបចំនួន ៣១ ត្រូវបានរាយការណ៍នៅក្នុងទីក្រុងចាប់តាំងពីខែមករាមក ដែលក្នុងនោះ ៦៨% បានបាត់បង់ជីវិត៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Tuoi Tre
ចុចអាន៖ ក្រុមហ៊ុនឥណ្ឌាត្រូវផ្អាកផលិតកម្ម ក្រោយសេរ៉ូក្អក៤ប្រភេទ ជាប់ពាក់ព័ន្ធការស្លាប់កុមារច្រើននាក់
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ