អត្ថប្រយោជន៍របស់គ្រាប់ឈៀ ៦ យ៉ាង មិនគួររំលង

គ្រាប់ឈៀមានទំហំតូចពិតមែន ប៉ុន្តែវាសម្បូរសារជាតិចិញ្ចឹមច្រើនណាស់ ណាមួយវាជាអាហារសំខាន់មួយនៅក្នុងរបបអាហារ Aztec និង Maya បុរាណ ខណៈវាត្រូវគេសរសើរអំពីអត្ថប្រយោជន៍ អស់ជាច្រើនសតវត្សមកហើយ។

គ្រាប់ឈៀមានរូបរាងស្រដៀងគ្រាប់ជី វាធ្វើការបានយ៉ាងល្អក្នុងការប្រឆាំងអុកស៊ីតកម្ម ថែមទាំងសម្បូរជាតិរ៉ែ ជាតិកាកសរសៃ និងអាស៊ីតខ្លាញ់អូមេហ្គាបី ដែលអាចជួយពង្រឹងសុខភាពបេះដូង ឆ្អឹង និងរក្សាជាតិស្ករក្នុងរាងកាយផងដែរ។ ទាំងនេះសុទ្ធតែជាអត្ថប្រយោជន៍របស់គ្រាប់ឈៀដែលបញ្ជាក់ដោយវិទ្យាសាស្ត្រ៖

១. មានជីវជាតិខ្ពស់

គ្រាន់តែគ្រាប់ឈៀ២ស្លាបព្រាផ្ទុកសារធាតុចិញ្ចឹមដូចជា៖

ថាមពល ១៣៨កាឡូរី

ប្រូតេអ៊ីន ៤,៧ក្រាម

ខ្លាញ់ ៨,៧ក្រាម

alpha-linolenic acid (ALA) ៥ក្រាម

កាបូនអ៊ីដ្រាត ១១,៩ក្រាម

ជាតិកាកសរសៃ ៩,៨ក្រាម

កាល់ស្យូម ១៤ភាគរយនៃតម្រូវការប្រចាំថ្ងៃ

ជាតិដែក ១២ភាគរយនៃតម្រូវការប្រចាំថ្ងៃ

ម៉ាញ៉េស្យូម ២៣ភាគរយនៃតម្រូវការប្រចាំថ្ងៃ

ផូស្វ័រ ២០ភាគរយនៃតម្រូវការប្រចាំថ្ងៃ

ស័ង្កសី ១២ភាគរយនៃតម្រូវការប្រចាំថ្ងៃ

វីតាមីន B1 (thiamine): ១៥ភាគរយនៃតម្រូវការប្រចាំថ្ងៃ

វីតាមីន B3 (niacin): ១៦ភាគរយនៃតម្រូវការប្រចាំថ្ងៃ។

២. ផ្ទុកដោយសារធាតុប្រឆាំងអុកស៊ីតកម្ម

សារធាតុប្រឆាំងអុកស៊ីតកម្មនៅក្នុងគ្រាប់ឈៀរួមមានអាស៊ីត chlorogenic, អាស៊ីត caffeic, myricetin, quercetin និង kaempferol ។ ទាំងអស់នេះអាចមានឥទ្ធិពលការពារលើបេះដូង និងថ្លើមរបស់អ្នក ក៏ដូចជាលក្ខណៈសម្បត្តិប្រឆាំងនឹងជំងឺមហារីកទៀតឯណោះ។

៣. ជួយសម្រកទម្ងន់

សារជាតិពីរនៅក្នុងគ្រាប់ឈៀជាតួល្បីក្នុងវិស័យសម្រកទម្ងន់គឺ ប្រូតេអ៊ីន និង ជាតិកាកសរសៃ។

៤. កាត់បន្ថយហានិភ័យជំងឺបេះដូង៤. កាត់បន្ថយហានិភ័យជំងឺបេះដូង

វាមានសមត្ថភាពកាត់បន្ថយហានិភ័យជំងឺបេះដូងដោយសារតែជាតិកាកសរសៃនិង ALA ដែលវាផ្ទុក។

៥. ផ្ទុកនូវសារធាតុល្អៗសម្រាប់ឆ្អឹង

កាល់ស្បូម ម៉ាញ៉េស្យូ ផូស្វ័រ និង AlA សុទ្ធតែជាសារធាតុល្អៗសម្រាប់បំប៉នសុខភាពឆ្អឹង។

គេទទួលបានលទ្ធផលនេះពីការពិសោធន៍ក្នុងខ្លួនរបស់សត្វ។

ការសិក្សាមួយណែនាំថា គ្រាប់ឈៀមានអត្ថប្រយោជន៍សុខភាពជាច្រើន ចាប់ពីការសម្រកទម្ងន់ រហូតដល់ការកាត់បន្ថយហានិភ័យនៃជំងឺបេះដូង។ ទោះជាយ៉ាងណាក៏ដោយ គេនៅតែបន្តស្រាវជ្រាវបន្ថែមដើម្បីបញ្ជាក់ថាវាពិតជាល្អសម្រាប់មនុស្ស១០០ភាគរយមែន ព្រោះកន្លងមកគេទើបតែពិសោធន៍នៅលើសត្វទេ។ ដូច្នេះបើអ្នកចង់ទទួលអត្ថប្រយោជន៍ខាងលើរបស់វាសូមធ្វើការពិចារណាក្នុងការបញ្ចូលពួកវាទៅក្នុងរបបអាហាររបស់អ្នកដូចជា ទឹកក្រឡុក អង្ករអូត ទឹកដោះគោជូរ នំដុតជាដើម៕

ប្រែសម្រួលដោយ៖ វារី

ចុចអាន៖អត្ថប្រយោជន៍ពីមើមឈូកទឹកកក ជួយកាត់បន្ថយជាតិខ្លាញ់ និងសម្រក់ទម្ងន់

ចុចអាន៖អត្ថប្រយោជន៍ ១២ យ៉ាង ពីផ្លែប័រ ជួយទាំងសុខភាពរាងកាយ និងសម្រស់