Connect with us

សុខភាព

អ្នកចូលចិត្តច្រៀងលេងកម្សាន្ត នឹងទទួលបានអត្ថប្រយោជន៍ ១០ យ៉ាងនេះក្នុងរាងកាយ

បានផុស

នៅ

នរណាថាមិនចូលចិត្តច្រៀងគ្រាន់តែច្រៀងមិនពិរោះ ទោះបីជាច្រៀងមិនពិរោះពួកយើងនៅតែអាចទទួលយកអត្ថប្រយោជន៍ពីការច្រៀងដដែលមិនខុសគ្នាឡើយ។

កន្លងមកច្រៀងមិនគិតពីអត្ថប្រយោជន៍អ្វីទេ​ គឺច្រៀងយកតែសប្បាយមួយមុខគត់ ថាមិនត្រូវថ្ងៃនេះជាថ្ងៃដែលអ្នកទើបនឹងដឹងថាការច្រៀងមានអត្ថប្រយោជន៍ច្រើនយ៉ាងនេះសោះ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កាត់បន្ថយភាពតានតឹង

គេធ្វើការវាស់អរម៉ូនស្ត្រេសនៅក្នុងទឹកមាត់របស់មនុស្សមុននិងក្រោយពេលច្រៀងក្នុងឆ្នាំ២០១៧។ អ្នកស្រាវជ្រាវរកឃើញថាអរម៉ូននោះថយចុះបន្ទាប់ពីច្រៀងរួច មានន័យថាមនុស្សមានអារម្មណ៍ធូរស្រាលកាន់តែច្រើនបន្ទាប់ពីបញ្ចេញសម្លេងហើយ ប៉ុន្តែអរម៉ូននោះថយចុះតែពេលច្រៀងដោយគ្មានសម្ពាធប៉ុណ្ណោះ។

២. រំញោចការឆ្លើយតបនៃប្រព័ន្ធភាពស៊ាំ

អ្នកច្រៀងបង្ហាញនូវកម្រិត immunoglobulin A ខ្ពស់ វាជាប្រព័ន្ធភាពស៊ាំនៅក្នុងរាងកាយជួយដល់ការប្រឆាំងនឹងជំងឺ។ បើអ្នកគ្រាន់តែស្ដាប់ចម្រៀងមិនច្រៀងតាមទេនោះ អ្នកបានត្រឹមកាត់បន្ថយស្ត្រេសមិនមានពង្រឹងប្រព័ន្ធភាពស៊ាំជាមួយទេ។

៣. បង្កើនកម្រិតការទ្រាំនឹងភាពឈឺចាប់

ការច្រៀងជាក្រុមជួយឲ្យរាងកាយមនុស្សបញ្ចេញ “អរម៉ូនអង់ដូហ្វីន” ដែលជាអរម៉ូនជួយបង្កើនអារម្មណ៍វិជ្ជមាននិងផ្លាស់ប្ដូឬកម្រិតនៃការឈឺចាប់ឲ្យធូរជាងមុន។

៤. ជួយបំបាត់ស្រមុក

សកម្មភាពច្រៀងធម្មតាអាចផ្លាស់ប្ដូររបៀបដកដង្ហើមរបស់យើង សូម្បីតែការលេងឧបករណ៍តន្ត្រីក៏ជួយកាត់បន្ថយការស្រម៉ុកដែរ។

៥. ជួយពង្រឹងមុខងាររបស់សួត

ដោយសារការច្រៀងវាពាក់ព័ន្ធនឹងការគ្រប់គ្រងបញ្ជាទៅកាន់សាច់ដុំទើបវាមានប្រយោជន៍ចំណោះសួតនិងស្ថានភាពដង្ហើមរបស់យើង។ ការសិក្សាបង្ហាញថាតិចនិកដកដង្ហើមប្រើជាមួយរបៀបច្រៀងផ្ដល់អត្ថប្រយោជន៍ល្អៗដល់អ្នកជំងឺខាងក្រោម៖

_ ជំងឺស្ទះសួតរ៉ាំរ៉ៃ

_ ហឺត

_ ជំងឺសរសៃប្រសាទ

_ មហារីក

_ ជំងឺ​ក្រិន​ច្រើន​កន្លែង…

លើសពីនេះវាថែមទាំងបង្កើនអុកស៊ីសែននៅក្នុងឈាមទៀតផង។

៦. ជួយឲ្យការប្រាស្រ័យទាក់ទងនឹងអ្នកដទៃប្រសើរឡើង

ចំណុចនេះកើតឡើងនៅពេលយើងច្រៀងជុំគ្នានឹងអ្នកផ្សេងៗទៀតដូចជាក្នុង ខារ៉ាអូខេ ជប់លៀង ឬការប្រគុំតន្ត្រីជាដើម។

៧. ជំនួយការចងចាំសម្រាប់អ្នកមានជំងឺវង្វេង

មានករណីខ្លះអ្នកជំងឺចងចាំលើសពីពាក្យច្រៀងទៀតគឺ ពួកគាត់អាចនឹកឃើញនូវរឿងរ៉ាវដែលភ្លេចកន្លងមកយ៉ាងគួរឲ្យភ្ញាក់ផ្អើល។

៨. រំសាយទុក្ខកង្វល់

អ្នកស្រាវជ្រាវរកឃើញថាអ្នកច្រៀងជាក្រុម រោគសញ្ញានៃជំងឺធ្លាក់ទឹកចិត្តមិនមានការវិវត្តទេ ហើយអារម្មណ៍នៃសុខុមាលភាពរបស់ពួកគេនៅតែមានស្ថេរភាពជានិច្ច។ 

៩. ជួយសុខភាពផ្លូវចិត្ត និងសតិអារម្មណ៍ឲ្យប្រសើរឡើង

អ្នកស្រាវជ្រាវបង្ហាញថា អ្នកចូលរួមការពិសោធន៍រាយការណ៍ពីភាពប្រសើរឡើងនៃសុខភាពផ្លូវចិត្ត អារម្មណ៍ និងអារម្មណ៍សុខុមាលភាពរបស់ពួកគេដែលជាលទ្ធផលនៃការច្រៀងសុទ្ធសាធ។

១០. ពង្រឹងសមត្ថភាពនៃការនិយាយស្ដី

ជាច្រើនទស្សវត្សរ៍មុន អ្នកវិទ្យាសាស្ត្រចាប់ផ្តើមស្រាវជ្រាវពីឥទ្ធិពលនៃការច្រៀងចំពោះមនុស្សដែលពិបាកក្នុងការនិយាយដោយសារតែស្ថានភាពសរសៃប្រសាទដូចជា អូទីស្សឹម ជំងឺផាកឃីនសុន ជំងឺបន្ទាប់ពីដាច់សរសៃឈាមខួរក្បាល… លទ្ធផលបង្ហាញថាការច្រៀងជាវិធីល្អមួយដើម្បីជួយពួកគាត់ឲ្យនិយាយស្ដីប្រសើរជាងមុន៕

ប្រែសម្រួលដោយ៖ វារី

ចុចអាន៖កុំមើលស្រាល ៥ ហេតុផលនេះ អាចជះឥទ្ធិពល​ដល់ជនរងគ្រោះខ្លាំង

ចុចអាន៖មកស្គាល់ពីជំងឺប្លែកមួយ ធ្វើឲ្យមនុស្សនៅមិនស្ងៀម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ វិនាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

Sokha Hotels

ព័ត៌មានពេញនិយម