KPT+

មកស្គាល់ពីជំងឺប្លែកមួយ ធ្វើឲ្យមនុស្សនៅមិនស្ងៀម

បានផុស

៤ years មុន

នៅ

ថ្ងៃសៅរ៍ ១១ មិថុនា ២០២២

ដោយ

Tourette syndrome គឺជាជំងឺដែលបង្កឲ្យមនុស្សធ្វើកាយវិការ និងមានសំឡេងចម្លែកៗ ហើយពួកគេមិនអាចគ្រប់គ្រងខ្លួនឯងបាននោះទេ។ ចំពោះកាយវិការ និង សំឡេងនោះគេហៅថា ធីក Tic Attack ភាគច្រើនកើតលើក្រុមមនុស្សមានជំងឺ អូទីស្សឹម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំងឺនេះចាប់ផ្ដើមធ្វើទុកនៅវ័យក្មេង ទោះជាយ៉ាងណាវានឹងប្រសើរឡើងទៅតាមអាយុ ប៉ុន្តែអាស្រ័យលើការគ្រប់គ្រងសុខភាពផ្លូវចិត្តខ្លួនឯងដែរ។ តារាចម្រៀង Billie Eilish ក៏ផ្ទុកជំងឹ Tourette នេះដែរ ហើយនាងមិនខ្វល់យកចិត្តទុកដាក់លើវាទេទើបជំងឺនោះមិនសូវធ្វើទុក្ខ។

មូលហេតុដែលបណ្ដាលឲ្យឈឺជំងឺ Tourette គឺមានកត្តាហ្សែន និងបរិស្ថានជុំវិញ គ្មានមេរោគចម្លងទេ។ រោគសញ្ញាជំងឺនេះងាយស្រួលចំណាំណាស់ព្រោះថាអ្នកជំងឺតែង កន្ត្រាក់ខ្លួន ងាកក្បាល ញាក់ស្មា បញ្ចេញសម្លេងប្លែកៗ ញាក់មុខញាក់មាត់ ហើយប៉ះពាល់ដល់សកម្មភាពរស់នៅរបស់អ្នកឈឺដូចជា ពិបាកបរិភោគ ពិបាកធ្វើម្ហូប ជាពិសេសមិនអាចបើកបរដូចមនុស្សទូទៅ។

អ្នកជំងឺអាចកាត់បន្ថយសកម្មភាពប្លែកៗដោយការបន្ធូរអារម្មណ៍ ឬទទួលអារម្មណ៍ថាធម្មតាគ្មានអ្នកសើចចំអក និយាយឲ្យស្រួលយល់គឺ នៅពេលមាននរណាម្នាក់មកចំអក មើលលើមើលក្រោម ស្អប់ខ្ពើមអ្នកជំងឺ រោគសញ្ញានោះនឹងកាន់តែរើឡើងមិនអាចគ្រប់គ្រងបានហេតុមកពីជំងឺនេះក៏ទាក់ទងនឹងផ្លូវចិត្តច្រើនដែរ។

យ៉ាងណាមិញ អ្នកមិនអាចព្យាបាលជំងឺ Tourette ទេ អ្នកគ្រាន់តែអាចធ្វើឲ្យវាធូរស្រាលប៉ុណ្ណោះហើយក៏គ្មានវ៉ាក់ស៊ាំងការពារដែរ សំណាងល្អវាមិនមែនជាជំងឹឆ្លង ដូច្នេះប្រសិនបើអ្នកជួបនរណាម្នាក់ដែលមានជំងឺនេះអ្វីដែលអ្នកអាចជួយបានគឺ អ្នកគប្បីធ្វើឲ្យគាត់មានអារម្មណ៍មិនតឹងតែង មិនធុញថប់ និងស៊ាំខ្លួនជាមួយអ្នកទើបគាត់មិនធ្វើទុក្ខងាយស្រួលគ្រប់គ្រងសកម្មភាព៕

ប្រែសម្រួល៖ វារី

ចុចអាន៖វិធីសាស្ត្របន្ធូរអារម្មណ៍ ទាំង ១០ ជួយអ្នកឱ្យគេងលក់ស្កប់ស្កល់

ចុចអាន៖កុំបណ្ដោយឲ្យហួសពេល គន្លឹះ ៥ នេះ ជួយយកឈ្នះលើការថប់បារម្ភបាន