ទម្លាប់ញ៉ាំអាហារ ៣ ប្រភេទ អាចប៉ះពាល់ដល់សុខភាពផ្លូវចិត្តយ៉ាងធ្ងន់ធ្ងរ

បន្ថែមពីលើការញ៉ាំអាហារច្រើនឬតិចដែលអាចប៉ះពាល់ដល់សុខភាពរាងកាយ ក្នុងនោះវាក៏អាចប៉ះពាល់ដល់សុខភាពផ្លូវចិត្តផងដែរ។ ការសិក្សាបានបង្ហាញថា របបអាហារអាចប៉ះពាល់ដល់អារម្មណ៍ និងសុខភាពផ្លូវចិត្តរបស់អ្នក។ នេះគឺជាទម្លាប់នៃការញ៉ាំចំនួន ៣ ដែលអាចប៉ះពាល់ដល់សុខភាពផ្លូវចិត្តរបស់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ការទទួលទានជាតិស្ករច្រើនពេក

អាហារដែលមានជាតិស្ករខ្ពស់ ដូចជាភេសជ្ជៈត្រូវបានផ្សារភ្ជាប់ទៅនឹងការផ្លាស់ប្តូរអារម្មណ៍ និងការធ្លាក់ទឹកចិត្ត។ នេះ​ត្រូវ​បាន​គេ​ស្គាល់​ថា​ជា Sugar Blues ឬ​ការ​ចង់​បាន​បង្អែម។ ប្រសិនបើអ្នកមិនញ៉ាំទេ អ្នកអាចមានអារម្មណ៍ឆាប់ខឹង ឬក្រៀមក្រំជាដើម។

២ បរិភោគអាហារកែច្នៃច្រើនពេក

អាហារកែច្នៃច្រើនពេកគឺមិនល្អសម្រាប់រាងកាយរបស់អ្នកនោះទេ។ ការស្រាវជ្រាវបានបង្ហាញថា ការទទួលទានអាហារកែច្នៃដែលមានជាតិខ្លាញ់ឆ្អែត អាហារកែច្នៃ និងអាហារចម្រាញ់ច្រើនពេក។ វាអាចបង្កើនហានិភ័យនៃជំងឺធ្លាក់ទឹកចិត្តរបស់អ្នក។

៣ ទទួលទាន​បន្លែ ផ្លែឈើ និង​ត្រី​មិន​គ្រប់គ្រាន់

ការជ្រើសរើសអាហារដែលមាន​ប្រយោជន៍ ជួយប្រឆាំងនឹងការរលាកដូចជា បន្លែស្លឹកបៃតង ផ្លែប៊ឺរី ត្រី​សមុទ្រ​ដូចជា ត្រី​សាម៉ុង ត្រី​ធូណា អង្ករ​មិនទាន់ចម្រាញ់។ នោះ​អាច​ជួយ​កាត់​បន្ថយ​ហានិភ័យ​នៃ​ជំងឺធ្លាក់ទឹកចិត្ត។ បើប្រៀបធៀបទៅនឹងការទទួលទានអាហារដែលមានជាតិស្ករ ឬកែច្នៃ រួមទាំងការទទួលទានត្រីមិនគ្រប់គ្រាន់ជាដើម។ វាប៉ះពាល់ទាំងសុខភាពផ្លូវកាយ និងផ្លូវចិត្តដែលសុទ្ធតែយើងមិនដឹងខ្លួន។

ដូច្នេះចូរជ្រើសរើសញ៉ាំអាហារល្អ ញ៉ាំរបស់ដែលមានប្រយោជន៍ដើម្បីឲ្យរាងកាយទទួលបានអត្ថប្រយោជន៍ច្រើនក្នុងពេលតែមួយ៕

ប្រែសម្រួល៖ សាង ស្រីល័ក្ខ

ចុចអាន៖ការយំផ្ដល់អត្ថប្រយោជន៍ដល់ទៅ ៦ ចំណុច ចំពោះសុខភាព

ចុចអាន៖អាហារ ៦ ប្រភេទ ញ៉ាំហើយអាចមានអាការឈឺក្បាលដោយមិនដឹងខ្លួន