សុខភាព
ទោះរវល់ធ្វើការច្រើនមិនសូវចម្អិនម្ហូប តែអាហារប្រភេទនេះគួរកាត់បន្ថយខ្លះ
អាហារប៉ះពាល់សុខភាពមានអ្វីខ្លះ? អាហារពេញនិយមសម្រាប់អ្នកធ្វើការក្នុងការិយាល័យ គឺសាំងវិច នំបុ័ងសាច់ នំប្រៃ នំខូឃី ឬម្ជូរជាដើម។ ដោយសាររវល់ធ្វើការ មានពេលសម្រាកខ្លី គ្មានពេលវេលាគ្រប់គ្រាន់ក្នុងការចម្អិន ឬញុំាអាហារ ជាពិសេសអាហារពេលព្រឹកនិងអាហារសម្រន់ នៅជិតកន្លែងធ្វើការមានលក់អីក៏ទិញហ្នឹងញុំាទៅ។ មួយវិញទៀត អាហារទំាងនេះមានមានភាពងាយស្រួលក្នុងការញុំា ដោយអាចញុំាបណ្តើរធ្វើការបណ្តើរក៏បាន មិនចំណាយពេលយូរក្នុងការញុំា។ យ៉ាងណាមិញ យើងគួរកាត់បន្ថយអាហារទាំងនេះ ព្រោះប៉ះពាល់សុខភាពច្រើនដែរ។
១. អាហារ Fast Food
អាហារហ្វាសហ្វូតរួមមាន ដំឡូងបំពង ភីហ្សា បឺហ្គឺ សាំងវិច នំបុ័ងទួគី នំបុ័ងហតដក នំបុ័ងសាច់ នំដូណាត់ ភ្លៅមាន់បំពង និងស្លាបមាន់ក្រឡុកជាដើមដែលសម្បូរទៅដោយម្សៅកែច្នៃ ផ្ទុកខ្លាញ់ អំបិល ស្ករ និងកាឡូរីខ្ពស់។ ការញុំាអាហារហ្វាសហ្វូតច្រើនបង្កើនហានិភ័យធាត់ កើតជំងឺលើសសម្ពាធឈាម ជំងឺបេះដូង មហារីកពោះវៀនធំ ទឹកនោមផ្អែម និងបាក់ទឹកចិត្ត។
២. អាហារកែច្នៃ
ការញុំាអាហារកែច្នៃដូចជា មីកំប៉ុង ប្រហិត សាច់ប៉ាត់តេ នំកញ្ចប់ ឬអាហារកំប៉ុងច្រើនអាចធ្វើឱ្យយើងធាត់ ប្រឈមបញ្ហាលើសសម្ពាធឈាម កើតជំងឺបេះដូង និងជំងឺទឹកនោមផ្អែមដោយសារក្នុងអាហារកែច្នៃមានសារធាតុចិញ្ចឹមតិចតួច តែផ្ទុកកាបូអ៊ីដ្រាតកៃច្នៃ ជាតិស្ករ អំបិល និងខ្លាញ់ខ្ពស់។
មួយវិញទៀត ក្នុងអាហារកែច្នៃមានផ្ទុកសារធាតុរក្សាទុក ជាតិពណ៌ (ល័ក្ត) ក្លិន រសជាតិ និងជាតិស្ករសប្បនិម្មិតដែលអាចបណ្តាលឱ្យយើងមានបញ្ហាអាលែកហ្ស៊ី និងប៉ះពាល់សុខភាពក្រពះពោះវៀន។ ជាងនេះទៅទៀត តាមការសិក្សាបានឱ្យដឹងថា ការញុំាសាច់កែច្នៃច្រើនបង្កើនហានិភ័យកើតជំងឺមហារីក។
៣. អាហារផ្អាប់
ជាធម្មតាក្រោយពេលបាយថ្ងៃរួច ម្ជួរដែលរួមមានទាំងផ្លែឈើត្រាំដែរគឺជាអាហារសម្រន់ដ៏ពេញនិយមសម្រាប់អ្នកធ្វើការក្នុងការិយាល័យមួយចំនួន ជាពិសេសស្រីៗ។ ដើម្បីបំបាត់ជាតិជូរ និងដើម្បីរក្សាផ្លែឈើឱ្យទុកបានយូរ អ្នកលក់យកផ្លែឈើទៅត្រាំផ្អាប់ជាមួយអំបិលក្នុងបរិមាណដ៏ច្រើនដែលធ្វើឱ្យជាតិអំបិលជា្របចូលសព្វសាច់ផ្លែឈើ។ ការញុំាជាតិប្រៃច្រើនអាចធ្វើឲ្យរាងកាយយើងឡើងជាតិប្រៃ ចាល់ជាតិទឹក បណ្តាលឱ្យកើតជំងឺលើសសម្ពាធឈាម ជំងឺបេះដូង ពុកឆ្អឹង និងមហារីកក្រពះ។
អាហារហ្វាសហ្វូត អាហារកែច្នៃ អាហារផ្អាប់ផ្តល់ផលប៉ះពាល់សុខភាពច្រើន ហេតុនេះហើយយើងគួរកាត់បន្ថយការញ៉ាំអាហារទាំងនេះ។ មួយវិញទៀត ទោះរវល់យ៉ាងណាក៏យើងគួរងាកមកញុំាអាហារដែលសម្បូរទៅដោយត្រី សាច់ បន្លែ និងផ្លែឈើស្រស់ជំនួយវិញ ព្រោះអាហារទាំងនេះសម្បូរទៅដោយប្រូតេអ៊ីន វីតាមីន និងសារធាតុរ៉ែ ពិសេសរ៉ែដែក។ ជាពិសេស ពពួកបន្លែ និងសាច់សម្បូរជាតិដែក ជួយរាងកាយផលិតកោសិកាឈាមក្រហម ដើម្បីដឹកនាំអុកស៊ីសែនទៅកាន់រាងកាយទាំងមូល និងជួយពង្រឹងប្រព័ន្ធភាពស៊ាំ។ អាហារសម្បូរជាតិដែកមានដូចជាសាច់ ស៊ុត ប៉េងប៉ោះ ខាត់ណាខៀវ ដំឡូងបារាំង ម្ទេសប្លោក និងពពួកសណ្តែក៕
ចុចអាន៖គួរដឹង! សាច់ដែលយើងញ៉ាំប្រចាំថ្ងៃបីប្រភេទ សម្បូរដោយជាតិដែក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង