KPT+

បុរសមានប្រតិកម្មដូចម្តេច នៅពេលពួកគេទាក់ទងជាមួយស្ត្រីឆ្លាតជាងខ្លួន

បានផុស

៥ years មុន

នៅ

ថ្ងៃចន្ទ ១៩ មេសា ២០២១

ដោយ

មនុស្សជាច្រើនតែងនិយាយថា ភាពឆ្លាតវៃនឹងក្លាយជារឿងសំខាន់មួយ ដែលបុរសច្រើនមានទំនោរទៅរកស្ត្រី។ បុរសជាច្រើននិយាយថា ពួកគេចូលចិត្តមានទំនាក់ទំនងជាមួយនារីដែលវ៉ៃឆ្លាត។ ប៉ុន្តែនៅពេលដែលស្ត្រីឆ្លាតបង្ហាញភាពម្ចាស់ការលើបុរស ពួកគេប្រែជាមានអារម្មណ៍មិនសូវស្រួលចិត្តទៅវិញ។

ការសិក្សានាពេលថ្មីៗនេះត្រូវបានធ្វើឡើង ដើម្បីរកមើលអ្វីដែលបុរសមានអារម្មណ៍ នៅពេលពួកគេនៅជុំវិញស្ត្រីឆ្លាត។ ការសិក្សាបញ្ជាក់ថា ចំណង់ចំណូលចិត្តអាចផ្លាស់ប្ដូរបាន អាស្រ័យលើចម្ងាយផ្លូវចិត្ត។ នៅពេលណាដែលយើងព្យាយាមវិភាគមនុស្សម្នាក់ដែលយើងមានអារម្មណ៍ថា គេមិនបាននៅជិតយើង ឬឃើញមួយភ្លែត យើងតែងមានទំនោរក្នុងការយកចិត្តទុកដាក់យ៉ាងខ្លាំង ទៅនឹងលក្ខណៈនៃការទាក់ទាញរបស់មនុស្សម្នាក់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាទូទៅគ្រប់គ្នាតែងចូលចិត្តមនុស្សដែលមានចរិតល្អជាងខ្លួនឯង។ ប៉ុន្តែអ្វីៗប្រែជាខុសគ្នាទាំងស្រុងនៅពេលដែលមនុស្សពីរនាក់នៅក្បែរគ្នា។ នៅពេលណាដែលយើងនៅក្បែរមនុស្សម្នាក់ ការយល់ឃើញរបស់យើងចំពោះបុគ្គលនោះអាចនឹងផ្លាស់ប្ដូរយ៉ាងខ្លាំង។

ការស្រាវជ្រាវបានសន្និដ្ឋានថា បុរសមានការចាប់អារម្មណ៍ចំពោះស្ត្រីដែលមានភាពឆ្លាតវៃ នៅពេលពួកគេកំពុងវិភាគនាងពីចម្ងាយ។ ប៉ុន្តែការយល់ឃើញដែលពួកគេមានចំពោះស្ត្រី អាចផ្លាស់ប្ដូរ នៅពេលពួកគេមានវត្តមានក្បែរស្ត្រីទាំងនេះ។

ការស្រាវជ្រាវនេះគឺជាការច្របាច់បញ្ចូលគ្នានៃការសិក្សាចំនួន ៦ ផ្សេងគ្នា ដែលមានប្រធានបទបុរសចំនួន ៦៥០ ផ្សេងៗគ្នា។ ផ្អែកលើការវាយតម្លៃវិជ្ជាជីវៈរបស់អ្នកនិពន្ធវេជ្ជបណ្ឌិត Lora Park បុរសដែលមានទំនាក់ទំនងជាមួយស្ត្រីដែលមានចម្ងាយរាងកាយរវាងពួកគេ ច្រើនតែមានប្រតិកម្មវិជ្ជមានចំពោះអ្នកដែលពួកគេយល់ថា ឆ្លាតជាងពួកគេប៉ុណ្ណោះ។ បុរសជាធម្មតាកាន់តែមានការចាប់អារម្មណ៍ចំពោះស្ត្រីដែលពួកគេដឹងថា អាចធ្វើឲ្យគេប្រសើរជាងមុន។

ប៉ុន្តែនៅពេលដែលបុរសទាំងនេះទាក់ទងជាមួយស្ត្រីឆ្លាតទល់មុខគ្នា ពួកគេមានប្រតិកម្មនិងការឆ្លើយតបខុសគ្នាទាំងស្រុង។ ពួកគេមានការចាប់អារម្មណ៍តិចទៅលើស្ត្រីឆ្លាតជាងខ្លួន នៅពេលបានរកឃើញថា ពួកគេមិនអាចធ្វើបានល្អជាងស្ត្រីទាំងនេះ ទាក់ទងនឹងបញ្ញានិងចំណេះដឹង។

ផ្អែកលើជំនាញវិជ្ជាជីវៈរបស់វេជ្ជបណ្ឌិត Park បញ្ជាក់ថា បុរសជួបប្រទះនូវការផ្លាស់ប្ដូរភ្លាមៗ ក្នុងការវាយតម្លៃខ្លួនឯង។ និយាយឲ្យសាមញ្ញ បុរសមានអារម្មណ៍នៃភាពទាក់ទាញបានតែពីដំបូង បន្ទាប់មកពួកគេក៏មានអារម្មណ៍ថា មានការគំរាមកំហែងច្រើនជាងការទាក់ទាញទៅវិញ។

ជាទូទៅ មនុស្សម្នាក់អាចផ្លាស់ប្ដូរ នៅពេលណាដែលពួកគេមានទំនាក់ទំនងជិតស្និទ្ធជាមួយមនុស្សម្នាក់ទៀត ដែលមានចរិតលក្ខណៈខុសពីពួកគេ៕

ប្រែសម្រួល៖ សាង ស្រីល័ក្ខ

ប្រភព៖relrule

ចុចអាន៖ហេតុផលតូចៗដែលបុរសចូលចិត្តនារីមានអត្តចរិតល្អនាំសុភមង្គលជូនគ្រួសារសងខាង

ចុចអាន៖អាថ៌កំបាំងទាំង ៩ របស់ប្រុសៗ ស្រីៗគួរដឹង