អ្នក​ខ្លាំង​ផឹក​​ច្រើន ប្រយ័ត្ន​​កើត​ជំងឺ​ផ្លូវ​ចិត្ត​ម្យ៉ាង​ដោយ​មិន​ដឹង​ខ្លួន
Connect with us
Helistar Cambodia - Helicopter Charter Services

KPT+

អ្នក​ខ្លាំង​ផឹក​​ច្រើន ប្រយ័ត្ន​​កើត​ជំងឺ​ផ្លូវ​ចិត្ត​ម្យ៉ាង​ដោយ​មិន​ដឹង​ខ្លួន

បានផុស

នៅ

រាល់ថ្ងៃ គ្រឿង​ស្រវឹង​ស្ទើរ​តែ​ក្លាយ​ជា​ផ្នែក​មួយ​នៃ​របប​អាហារ​របស់​យើង​ទៅ​ហើយ។ គ្នា​យើង​ខ្លះ មិន​ថា​ប្រុសស្រី សុទ្ធតែ​លើក​ហេតុ​ផល​ផ្សេងៗ​ពេល​ផឹក ហើយ​ហេតុផល​រួម​តែង​ឮ គឺ​បំបាត់​ភាព​ស្មុគស្មាញ រំសាយ​អារម្មណ៍​ខ្លះៗ ក្រោយ​ការងារ។ តែ​ធ្លាប់ដឹងអត់ ក្រៅពី​នាំ​ឲ្យ​មាន​ជំងឺ​កាច​ជា​ច្រើនៗ ជាតិ​អាល់កុល​នៅ​ក្នុង​ស្រា ក៏​ជា​មូលហេតុ​មួយ​នាំ​ឲ្យ​កើត​ជំងឺ​បាក់​ទឹក​ចិត្ដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ឥទ្ធិពលជាតិអាល់កុលលើខួរក្បាល

អាល់កុល​ត្រូវ​គេ​ចាត់​ទុក​ថា​ស្មើ​ជំងឺ​បាក់​ទឹក​ចិត្ត ព្រោះ​រំខាន​ដល់​តុល្យភាព​គីមី​ខួរ​ក្បាល ប៉ះពាល់​ប្រព័ន្ធ​បញ្ជា​សរសៃ​ប្រសាទ។ ក្រោយ​ផឹក​ ប្រតិបត្តិការ​ក្នុង​ខួរ​ក្បាល​យើង​ចាប់​ផ្តើម​ចុះ​ខ្សោយ ជះ​ឥទ្ធិពល​ដល់​សមត្ថភាព​ចាត់​ចែង រក្សា​ទុក និង​រំឭក​ការ​ចងចាំ ជាដើម។

ផឹក​ជាតិ​អាល់កុល​ច្រើន ពិសេស​ក្នុង​ពេល​ខ្លី និង​គ្មាន​អ្វី​ក្នុង​ពោះ អាច​ធ្វើ​ឲ្យ​មុខងារ​ចងចាំ​របស់​ខួរក្បាល​បិទ​ចោល​ទាំង​ស្រុង បាត់បង់​លទ្ធភាព​ប្រមូល​ការ​ចងចាំ​មក​វិញ។ គ្នា​យើង​ស្រវឹង​ស្រា អាច​​ភ្លេច​ខ្លះៗ ឬ​ទាំង​អស់​តែ​ម្តង ជា​មូលហេតុ​គ្នា​យើង​ខ្លះ ភ្ញាក់​ដឹង​ខ្លួន​ពី​ស្រវឹង មិន​ដឹង​ថា​បាន​ទៅ​ណា​ខ្លះ ធ្វើអ្វី​ខ្លះ​នោះ​ឡើយ ហើយ​ផល​ប៉ះពាល់​ធំៗ​ដោយសារ​ជាតិ​អាល់កុល​លើ​ខួ​ក្បាល មាន៖
– ធ្វើចលនាមិនបានល្អ
– ខ្សោយភ្នែក
– និយាយមិនសូវច្បាស់
– ស្ពឹកស្រពន់ ឬប្រតិកម្មយឺត
– បាត់បង់ការចងចាំ។

Alcoholic asian man drinking whisky Free Photo - Nohat - Free for designer

យ៉ាងណា ផល​ប៉ះពាល់​ទាំង​នេះ នឹង​បាត់​ទៅ​វិញ​បន្ទាប់ពី​ឈប់​ផឹក។ ករណី​ខ្លះ ទោះ​ឈប់​ផឹក​ក្តី ក៏​ខួរក្បាល​នៅ​តែ​មាន​សភាព​មិន​ប្រក្រតី​ដូច​គ្នា។ គ្នាយើង​ផឹក​យូរៗ​ទៅ អាច​នឹង​ធ្វើ​ឲ្យ​ខួរក្បាល ផ្លាស់​ប្តូរ​ជា​រៀង​រហូត​តែ​ម្តង។ ផល​ប៉ះពាល់​ផ្សេង​ទៀត បណ្តាល​ឲ្យ​សុខភាព​ចុះ​ខ្សោយ ឬ​កើត​ជំងឺ​ថ្លើម​ធ្ងន់ធ្ងរ។

២- បន្ថែមកង្វល់

គ្នា​យើង​មួយ​ចំនួន​ផឹក​ស្រា សង្ឃឹម​ថា​អាច​ជួយ​បំបាត់​ស្ត្រេស ទុក្ខ​កង្វល់ ប៉ុន្តែការគិត​នេះ​ខុស​ស្រឡះ។ ធាតុ​ពិត ស្រា​ចូលរួម​ចំណែក​ជំរុញ​ឲ្យ​បាក់​ទឹក​ចិត្ត បន្ថែម​កង្វល់​ធ្វើ​ឲ្យ​គ្រប់​យ៉ាង​កាន់​តែ​ពិបាក​ដោះ​ស្រាយ។ ជាតិ​អាល់កុល តែង​នាំ​យើង​ធ្វើអ្វីមួយ​ដែល​ខួរ​ក្បាល​ធ្លាប់​បដិសេធ បង្កើត​ទៅ​ជា​វិប្បដិសារៈ។

៣- អាល់កុល និងការបាក់ទឹកចិត្ត

Alcohol may be 'very damaging' to people with 'Asian glow' | CBC News

ផឹក​ស្​រាញឹកញាប់ បង្កើត​ឲ្យ​មាន​រោគ​សញ្ញា​បាក់​ទឹក​ចិត្ត។ វត្តមាន​ជាតិ​អាល់កុល គឺ​រារាំង​ការ​បញ្ចេញ​អ័រម៉ូន Serotonin (អ័រម៉ូន​ប្រព័ន្ធ​ប្រសាទ)។ គ្នាយើង​មាន​ជំងឺ​បាក់ទឹកចិត្ត យក​ស្រា​មក​ដាក់​មុខ ផឹក​ស្រវឹង​រាល់​ថ្ងៃ តែង​មិន​ខ្វាយខ្វល់​គ្រោះ​ថ្នាក់​ប្រឈម​ធ្ងន់ធ្ងរ​ទាំង​សុខភាព ទាំង​ខួរ​ក្បាល កាន់​តែ​ផឹក កាន់​តែ​បាក់​ទឹកចិត្ត។ លើស​ពី​នេះ ផឹក​ច្រើន​ពេក ទំនាក់ទំនង​ជាមួយ​មនុស្ស​ជុំវិញ​ខ្លួន ក៏​បាត់បង់ អសមត្ថភាព​ការងារ ធ្វើ​ឲ្យ​ជីវិត​កាន់​តែ​វេទនា បង្ក​ទៅ​ជា​ជំងឺ​បាក់​ទឹក​ចិត្ត​តែ​ម្តង។

៤- អត្តឃាត និងវិកលចរិត

Alcoholic asian man drinking whisky with a lot of bottles Free Photo -  Nohat - Free for designer

ពេល​ជាតិ​អាល់កុល​ទៅ​រារាំង​ខួរ​ក្បាល នាំ​ឲ្យ​ខ្វះ​ការ​ពិចារណា ប្រព្រឹត្ត​ទង្វើ​យើង​មិន​ចង់​ធ្វើ មុន​ស្រវឹង អាច​ធ្វើ​បាប​ខ្លួន​ឯង ឬ​ធ្វើ​បាប​អ្នក​ដទៃ។ ផឹក​ហួស​កម្រិត បណ្តាល​ឲ្យ​វិកលចរិត ជា​ពិសេស​ពេល​យើង​កំពុង​ជោកជាំ​ជាមួយ​ស្រា ភ្លាមៗ​ស្រាប់​តែ​ឈប់​ផឹក នឹង​មាន​រោគ​សញ្ញា​អារម្មណ៍​រវើរវាយ វង្វេងវង្វាន់ ភិតភ័យ កើត​ឡើង ដែល​សុទ្ធ​សឹង​រោគ​សញ្ញា​វិកល​ចរិត​តែ​ម្តង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ផឹកស្រាមិនអាចជួយបំបាត់ទុក្ខទេ តែធ្វើឲ្យ​មានវិបត្តិផ្លូវចិត្តកាន់តែធ្ងន់ធ្ងរ

ចុចអាន៖ រឿង ៧ យ៉ាង ហាមធ្វើពេលស្រវឹង ព្រោះប៉ះពាល់សុខភាពធ្ងន់ធ្ងរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

គ្រួសារអតីតយុទ្ធពលី មានដីពុំមានផ្ទះ បានទទួលខ្នងផ្ទះថ្មីទី១៩៩ អំណោយរបស់សម្ដេចតេជោ ហ៊ុន សែន

ព័ត៌មានជាតិ៥ នាទី មុន

រដ្ឋបាលជលផល ផាត់សណ្តាយ បង្ក្រាបបទល្មើសនេសាទក្នុងផ្ទៃបឹងទន្លេសាបខុសច្បាប់

ព័ត៌មានអន្ដរជាតិ២១ នាទី មុន

ម៉ាឡេស៊ី រកឃើញថា វ៉ាក់សាំង Sinovac មានប្រសិទ្ធភាពខ្ពស់ប្រឆាំងការឈឺធ្ងន់

ព័ត៌មានជាតិ២២ នាទី មុន

គម្រោងហិរញ្ញប្បទានឥតសំណងសម្រាប់ការពារទឹកជំនន់ និងការកែលម្អប្រព័ន្ធប្រឡាយ-លូ ភ្នំពេញ ជំហានទី៤ បានបញ្ចប់

ព័ត៌មានជាតិ២២ នាទី មុន

មន្ទីរកសិកម្មខេត្តកំពង់ឆ្នាំងចុះចាក់វ៉ាក់សាំងការពារជំងឺដុំពក​លើស្បែកសត្វគោ ក្របី ចំនួន​៣០០​ក្បាល

Sokha Hotels

ព័ត៌មានពេញនិយម

Helistar Cambodia - Helicopter Charter Services