KPT+
អាថ៌កំបាំង ៨ ចំណុចដែលថែសម្រស់នារីជប៉ុនឲ្យក្មេងជាងជាតិសាសន៍នានា
ស្ត្រីមកពីប្រទេសជប៉ុនត្រូវបានគេដឹង មានអាយុច្រើន ប៉ុន្តែសម្រស់ក្មេងជាងវ័យ ពុំគួរឲ្យជឿ ហើយយើងពិតជាមិនអាចប៉ាន់ស្មានដឹងពីអាយុរបស់ពួកគេបានទេ។ តើស្ត្រីទាំងនោះ មានអាថ៌កំបាំងអ្វីខ្លះ នៅពីក្រោយភាពវ័យក្មេងនិងស្រស់ស្អាតបែបនេះ?
តោះ! មកដឹងគន្លឹះថែសម្រស់របស់ស្ត្រីជនជាតិជប៉ុនខាងក្រោមនេះ៖
១. លាងមុខជាមួយទឹកអង្ករ

អង្ករសម្បូរទៅដោយជាតិខនិជ និងសារធាតុប្រឆាំងអុកស៊ីតកម្ម ដែលការពារស្បែកពីភាពចាស់ និងធ្វើឲ្យស្បែកភ្លឺថ្លា។ ស្ត្រីជនជាតិជប៉ុនប្រើទឹកអង្ករដើម្បីលាងមុខ និងសក់តាំងពីយូរយារណាស់មកហើយ ព្រោះងាយស្រួលអាចធ្វើនៅផ្ទះដោយខ្លួនឯងបាន។
២. ប្រើសំណាញ់ជំនួសឲ្យប្រើដៃនៅពេលលាងមុខ
នៅពេលយើងជូតមុខ វាជួយស្បែកឲ្យតឹងណែននិងទន់រលោង។ ដូច្នេះស្ត្រីជប៉ុនប្រើសំណាញ់ធ្វើពីស្នោ ដើម្បីថែរក្សាស្បែករបស់ពួកគេ។ សំណាញ់នេះអាចធ្វើឲ្យមានពពុះក្រាស់ និងអាចសម្អាតមុខបានស្អាតជាងការប្រើដៃ។
៣. ប្រើម៉ាសសារ៉ាយសមុទ្រ
សារ៉ាយសមុទ្រ មានលក្ខណៈសម្បត្តិដល់សុខភាពនិងស្បែកដ៏អស្ចារ្យ។ វាត្រូវបានគេប្រើយ៉ាងទូលំទូលាយនៅក្នុងប្រទេសជប៉ុន។ ក្រៅពីញ៉ាំជាម្ហូប សារ៉ាយសមុទ្រខ្លះក៏អាចប្រើវានៅលើមុខ ដើម្បីធ្វើឲ្យស្បែក រលោងនិងមានសំណើម។
៤. កំណត់របបអាហារបានត្រឹមត្រូវ
របបអាហាររបស់ជប៉ុន គឺស្រស់ៗនិងជាអាហារផ្ដល់សុខភាពល្អដូចជា ត្រី ធញ្ញជាតិ បន្លែ ផ្លែឈើ ត្រីសមុទ្រ ផលិតផលសណ្តែកសៀង និងតែបៃតង។ ស្ត្រីជប៉ុនទទួលទានសាច់ និងអាហារកែច្នៃក្នុងបរិមាណតិចតួចបំផុត។
៥. ព្យាយាមរក្សាកម្រិតខូឡាជែនខ្ពស់
ខូឡាជែនគឺជាប្រូតេអ៊ីនដ៏សំខាន់មួយនៃស្បែក ហើយការបាត់បង់វានឹងធ្វើឲ្យយើងមើលទៅចាស់ជាងមុន។ នៅប្រទេសជប៉ុន គេអាចរកទិញថ្នាំបំប៉នខូឡាជែនគ្រប់ប្រភេទ ដែលត្រូវបានលក់ក្នុងទម្រង់ជាថ្នាំគ្រាប់ ចាហួយ និងភេសជ្ជៈ។ ក្រៅពីនោះ ការបន្ថែមទំពាំងបាយជូរ ឆ្អឹងត្រី សាច់មាន់ ស៊ុតពណ៌ស ស្លឹកឈើ និងផ្លែក្រូចឆ្មារទៅក្នុងរបបអាហារ ក៏អាចជួយឲ្យរាងកាយផលិតខូឡាជែនបានច្រើនដែរ។
៦. ត្រាំក្នុងអាងទឹកក្ដៅឧណ្ឌៗ

ប្រជាជននៅប្រទេសជប៉ុនចូលចិត្តត្រាំក្នុងអាងងូតទឹក មិនថាជាអាងទឹកក្តៅ ឬសូម្បីតែក្នុងរដូវក្តៅក៏ដោយ។ សារធាតុរ៉ែដែលមាននៅក្នុងទឹកក្តៅ ជ្រាបចូលក្នុងខ្លួននិងជួយឲ្យស្ងប់អារម្មណ៍ បំបាត់ស្ថានភាពស្បែកមិនល្អ និងធ្វើឲ្យអ្នកមើលទៅក្មេងជាងវ័យ។ ប៉ុន្តែប្រសិនបើយើងមិនអាចទៅកន្លែងណាមួយទេ យើងក៏អាចងូតទឹកក្តៅនៅផ្ទះបានដែរ។ ការងូតទឹកក្នុងទឹកក្ដៅ គឺជួយកាត់បន្ថយការរលាក ធ្វើឲ្យគេងលក់ស្រួល និងថែមទាំងជួយដុតបំផ្លាញកាឡូរីបានទៀតផង។
៧. ផឹកតែជាប្រចាំ និងយកកាកធ្វើម៉ាសបិទមុខ
តែបៃតងសម្បូរទៅដោយសារធាតុប្រឆាំងអុកស៊ីតកម្ម ដែលអាចយកកាករបស់វាធ្វើម៉ាសបិទមុខ បន្ទាប់ពីឆុងញ៉ាំហើយ ។ ការទទួលទានតែបៃតងជាប្រចាំ អាចលុបបំបាត់ស្នាមជ្រួញតូចៗ រឹតបន្តឹងរន្ធញើស និងជួយព្យាបាលស្បែកខូច។
៨. ការពារស្បែកពីព្រះអាទិត្យ
ស្ត្រីនៅប្រទេសជប៉ុនជៀសវាងការត្រូវពន្លឺព្រះអាទិត្យតាមដែលអាចធ្វើទៅបាន។ កាំរស្មី UVA និងកាំរស្មី UVB ជះឥទ្ធិពលយ៉ាងខ្លាំងដែលធ្វើឲ្យស្បែកខូច បង្កើនភាពចាស់ ស្នាមជ្រួញ និងអាចម៍រុយ។ ដូច្នេះរាល់ពេលចេញទៅខាងក្រៅ ពួកគេលាបឡេឬផលិតផលថែរក្សាស្បែកដទៃទៀតដើម្បីការពារកម្ដៅថ្ងៃ៕
ប្រែសម្រួល៖ សន្យា
ចុចអាន៖ចាប់ផ្តើមថតរូបដើម្បីខ្លួនឯង មិនមែនដើម្បីតែផុសយក Like នោះទេ
ចុចអាន៖ហេតុផល ៥ យ៉ាងដែលកូនក្រមុំសម័យថ្មីសឹងបោះបង់ចោលពិធីមង្គលការតាមបែបបុរាណ

-
ព័ត៌មានអន្ដរជាតិ១៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?