KPT+

ប្រយ័ត្ន! អត់កម្លាំងនឹងការងារ វក់ជាមួយហ្គេម គឺជាជំងឺ

បានផុស

៥ years មុន

នៅ

ថ្ងៃអង្គារ ៧ កញ្ញា ២០២១

ដោយ

Sonya

មិនមែនរឿងលេងសើចទេ! តាមអង្គការសុខភាពពិភពលោក (WHO) ប្រកាសថា អាការអត់កម្លាំងនឹងការងារ (Work Burnout) និងការវក់ជាមួយហ្គេម គឺជាជំងឺ។ ជំងឺ ២មុខនេះ នឹងដាក់បញ្ចូលក្នុងក្រុមជំងឺអន្តរជាតិ (ICD-11) ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាការអត់កម្លាំងនឹងការងារ បានបញ្ចូលក្នុងសៀវភៅស្ដីពីបញ្ហាពាក់ព័ន្ធនឹងការងារហើយ ដោយពេទ្យអាចកំណត់ថា នរណាមានជំងឺនេះ តាមរយៈរោគសញ្ញា ដូចជា មានអារម្មណ៍អស់កម្លាំងនឹងការងារ កើនឡើងគម្លាតផ្លូវចិត្តចេញពីការងារ មានអារម្មណ៍អវិជ្ជមាននឹងការងារ និងធ្លាក់ចុះប្រសិទ្ធភាពវិជ្ជាជីវៈ។ ប៉ុន្ដែមុនធ្វើរោគវិនិច្ឆ័យលើជំងឺនេះ ពេទ្យ គួរកំណត់បញ្ហាស្ត្រេស ការថប់បារម្ភ និងបញ្ហាអារម្មណ៍នានា ជាមុនសិន។

Asian Gay Couple Playing Vdo Game With Happiness Young Asia Friends Gamer Playing Game With Excitement At Sofa In Home Living Room Lgbtqi Friendship Lifestyles High-Res Stock Video Footage - Getty Images

ចំណែកការវក់ជាមួយហ្គេមវិញ ជាបញ្ហាមួយកំណត់ដោយការគ្រប់គ្រងខ្សោយលើការលេងហ្គេម ការកើនឡើងអាទិភាពលើការលេងហ្គេម ជាងសកម្មភាពផ្សេងទៀតប្រចាំថ្ងៃ និងការបន្ដលេងហ្គេម ទោះមានផលវិបាកណាមួយកើតឡើងក៏ដោយ។ អង្គការ WHO កត់សម្គាល់ថា បញ្ហាវក់ជាមួយហ្គេមនេះ ប៉ះពាល់មនុស្សតិចតួចប៉ុណ្ណោះ ដែលពួកគេភ្ជាប់សកម្មភាពជាមួយនឹងហ្គេមឌីជីថល ឬវីដេអូ។

213 Man Playing Mobile Games Stock Videos and Royalty-Free Footage - iStock

ប៉ុន្ដែខាងសមាគមចិត្តសាស្ត្រអាមេរិក (American Psychiatric Association) មិនគាំទ្រការបញ្ចូល ការលេងហ្គេម ជាការញៀននោះទេ។ សមាគម លើកឡើងថា ការស្រាវជ្រាវលើបញ្ហានេះ កំពុងបន្ដ រួមទាំងថាតើការលេងហ្គេម បង្កឲ្យមានជំងឺបាក់ទឹកចិត្ត ឬការថប់បារម្ភផងដែរ។ បើតាមសមាគមកម្មវិធីកម្សាន្តអាមេរិក (Entertainment Software Association) ពលរដ្ឋអាមេរិក ជាង ១៥០លាននាក់ លេងវីដេអូហ្គេម ដោយប្រមាណ ៦០% លេងហ្គេមរាល់ថ្ងៃ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កុំច្រឡំថាបាក់ទឹកចិត្ត សញ្ញាទាំងនេះជាការសោកសៅធម្មតាប៉ុណ្ណោះ

ចុចអាន៖ ទូរសព្ទទំនើប បង្កបញ្ហាសុខភាព និងផលិតភាពការងារចុះខ្សោយ