ខណៈជោគជ័យក្នុងបច្ចុប្បន្ន តែក្រុមហ៊ុនល្បីៗទាំងនេះ ធ្លាប់ជួបបញ្ហាធំក្នុងអំឡុងឆ្នាំ ២០១៧

ជាការពិត ដែលថាក្រុមហ៊ុនល្បីៗដូចជា Facebook, Toyota និង Amazon ធ្លាប់បានទទួលរងនូវ​ការ​ធ្លាក់​ចុះ​យ៉ាងខ្លាំង ​ក្នុងពិភពជំនួញរបស់ពួកគេ។ តែក៏មិនមែនជារឿងសម្ងាត់ទេថា តើអាជីវកម្មធំៗទាំងនេះ បានត្រលប់មកវិញ ហើយកាន់តែជោគជ័យ ដោយ​គ្រាន់តែជម្នះឧបសគ្គ​និងភាពលំបាកប៉ុណ្ណឹងឯង។

១ Toyota

នៅចុងឆ្នាំ ២០១៧ Toyota បានប្រមូលរថយន្តមកវិញនូវរថយន្តជាច្រើនគ្រឿង ។ នេះ​ឆ្លុះ​បញ្ចាំង​ពី​ការ​គ្រប់គ្រង​មិន​ល្អ និង​កង្វះ​ការ​ចាប់​អារម្មណ៍​ពី​ភាគី​ក្រុមហ៊ុន​ល្បីៗ។ ការ​មិន​យក​បញ្ហា​នេះ​ឲ្យ​បាន​ហ្មត់ចត់ គឺ​ជា​ការ​អសមត្ថភាព​របស់​ពួកគេ។ Toyota បានចាប់ផ្ដើមបង្កើន​ការលក់​របស់​ខ្លួន​ ​នៅទូទាំងពិភពលោក ដើម្បីព្យាយាមស្តារមុខមាត់ក្រុមហ៊ុនឡើងវិញ។

២ ក្រុមហ៊ុន General Electric

នេះ​គឺ​ជា​ក្រុមហ៊ុន​ដ៏​ល្បី​មួយ ​ដែល​ឈាន​មុខ​គេ​ក្នុង​ពិភពលោក។ ប៉ុន្តែ អ្វី​ដែលមនុស្សភាគច្រើន​មិន​ដឹង​នោះ​គឺថា វាកំពុងប្រឈមនឹង​វិបត្តិហិរញ្ញវត្ថុ​ សម្រាប់ការវិនិយោគ​ច្រើន​ពេក នៅក្នុងដៃ​ហិរញ្ញវត្ថុរបស់ខ្លួន។ ក្រុមហ៊ុននេះបានផ្ទុក​បំណុល​ដ៏ច្រើន​នៅ​លើ​ស្មារបស់ខ្លួន ប៉ុន្តែពួកគេ​នៅ​តែ​ព្យាយាម​កសាង​មូលដ្ឋាន​ឡើងវិញ​ នៅក្នុងការផលិតឧស្សាហកម្ម​តាម​រយៈ​ការ​ទិញ​យក​យុទ្ធសាស្ត្រ​ថ្មី។

៣ British Petroleum

ការកំពប់ប្រេងដ៏​ច្រើន​សន្ធឹក​ឆ្នាំ ២០១០ បាន​បំផ្លាញ​កេរ្តិ៍ឈ្មោះ​ក្រុមហ៊ុន​ល្បីៗ​ ដែល​ជា​ម៉ាក​យីហោ​ស្នូល។ ទោះបីជាមានស្ថានភាព​មហន្តរាយ​ក៏ដោយ តែ​ក្រុមហ៊ុន​នេះនៅតែ​​ដំណើរការ​បាន​ល្អ។ ជំហានមួយចំនួនដែលបានជួយក្រុមហ៊ុន ឲ្យ​រស់រានមានជីវិត​នៅក្នុងទីផ្សារ​ប្រកបដោយ​និរន្តរភាព ​គឺការបន្តទំនាក់ទំនងចក្ខុវិស័យ​ទៅ​កាន់​អតិថិជន​ពួកគេ។ ពួកគេ​ក៏​ត្រូវ​អភិវឌ្ឍ​ឧបករណ៍​ទីផ្សារ និង​ការ​ផ្សាយ​ពាណិជ្ជកម្ម​ថ្មី ដែល​ជួយ​ក្នុង​ការ​ក្លាយ​ជា​អ្នក​ដឹកនាំ​នៅ​ក្នុង​ឧស្សាហកម្ម​ប្រេង។

៤ Best Buy

ក្រុមហ៊ុននេះបានប្រឈមនឹងបញ្ហា ក្នុងការថែរក្សាអតិថិជនរបស់ពួកគេ។ យីហោត្រូវប្រើ​បច្ចេកទេសទីផ្សារថ្មី ដើម្បី​ទាក់ទាញ​ទស្សនិកជន​​។ តម្លៃភាគហ៊ុនរបស់ក្រុមហ៊ុនបានធ្លាក់ចុះពី ៥០% ចាប់តាំងពីឆ្នាំ២០១៦ ហើយក៏កំពុងប្រឈមមុខ​នឹង​ការ​ប្រកួតប្រជែង​ដ៏​ស្វិតស្វាញ ​ពី​អាជីវកម្ម​ដូចជា Apple និង Samsung ផងដែរ។

Best Buy បានបាត់បង់ការលក់ និងអតិថិជន ដោយសារតែពួកគេមិនអាចរក្សាកន្លែង​ប្រកបដោយនិរន្តរភាពនៅក្នុងទីផ្សារ។

៥ American International Group

AIG គឺជាក្រុមហ៊ុនដ៏ល្បីល្បាញមួយ ក្នុងចំនោមក្រុមហ៊ុនល្បីៗជាច្រើន ដែលប្រឈមនឹងការដួល​រលំនៅឆ្នាំ ២០០៨។ រតនាគារសហរដ្ឋអាមេរិកបានបង់ប្រាក់ចំនួន ១៨២ ពាន់លានដុល្លារ​ សម្រាប់ការធានាពីក្រុមហ៊ុន​ធានារ៉ាប់រងនេះ។ ក្រុមហ៊ុន​ត្រូវ​លក់​ទ្រព្យ​សកម្ម​របស់​ពួក​គេ​ចេញ​ ដើម្បី​សង​បំណុល​ដែល​កំពុង​កកកុញ។ ក្រុមហ៊ុនធានារ៉ាប់រងនេះ ត្រូវបានដាក់ក្នុងសំណុំរឿងក្លែងបន្លំដោយគណៈកម្មការសន្តិសុខ និងកា​រផ្លាស់ប្តូរ និងក្រសួងយុត្តិធម៌សហរដ្ឋអាមេរិក ដែលពួកគេត្រូវបង់ប្រាក់ពិន័យចំនួន១.៦ ពាន់លានដុល្លារ រួមជាមួយនឹងការចោទប្រកាន់ព្រហ្មទណ្ឌផ្សេង​ទៀតប្រឆាំងនឹងឈ្មោះ​របស់ពួកគេ។

ដើម្បីលុបស្នាមប្រឡាក់ចេញពីឈ្មោះនេះទាំងស្រុង ក្រុមហ៊ុនធានារ៉ាប់រងល្បីៗ​នៅតែត្រូវឈានទៅដល់ទស្សនិកជនកាន់តែទូលំទូលាយ និងប្រើប្រាស់បច្ចេកទេសទីផ្សារថ្មី ដើម្បីទទួលបាន​ជោគជ័យបន្ថែមទៀត។

៦ Amazon

ហាងលក់រាយដែលរីកលូតលាស់លឿនបំផុតរបស់ពិភពលោក បានបង្ហាញពីរូបភាពមិនល្អដល់អតិថិរបស់ខ្លួន នៅពេលដែលគោលនយោបាយរបស់ខ្លួន បានបង្ខំ​ឲ្យ​បុគ្គលិកឃ្លាំងធ្វើការថែមម៉ោង ដោយគ្មានប្រាក់ឈ្នួល ។

Amazon ត្រូវការរក្សាទំនាក់ទំនងរបស់ពួកគេជាមួយអតិថិជន អ្នកលក់រាយ និងជាពិសេសក្រុម PR ដែលកាន់អំណាចនៅក្នុងប៊ិចរបស់ពួកគេ។ ពួកគេ​ត្រូវ​បណ្ដុះបណ្ដាល​អ្នក​គ្រប់​គ្រង​របស់​ពួកគេ​ ដើម្បី​សហការ​ជាមួយ​ក្រុម​ប្រព័ន្ធ​ផ្សព្វផ្សាយ។

៧ Facebook

នាយកប្រតិបត្តិ Facebook លោក Mark Zuckerberg ជឿជាក់ថាឆ្នាំ ២០១៨ នឹងក្លាយជាឆ្នាំសម្រាប់ការផ្លាស់ប្តូរ ហើយសង្ឃឹមថា នឹងផ្តោតលើបញ្ហាចម្បងទាក់ទងនឹង Facebook ហើយសង្ឃឹមថា នឹងធ្វើឲ្យវាកាន់តែមានសុវត្ថិភាព និងធ្វើឲ្យប្រសើរឡើងនូវភាពឯកជន ដើម្បីជៀសវាងការរំលោភបំពាន។ លោកក៏និយាយផងដែរថា លោកនឹងបង្វែរការផ្តោតអារម្មណ៍ទៅការជជែកដេញដោលពីមជ្ឈិមនីយកម្ម និងវិមជ្ឈការ ដែលកំពុងតែក្តៅគគុកនៅក្នុងពិភពបច្ចេកវិទ្យា ហើយនឹងនាំអ្នកជំនាញរួមគ្នាដែលនឹងព្យាយាម “ផ្តល់អំណាចមកវិញដល់ប្រជាជន” ដូចគោលបំណងដំបូងរបស់ facebooks ៕

ប្រែសម្រួល៖ សាង ស្រីល័ក្ខ

ចុចអាន៖មុនឆ្នាំ ២០៥០ រឿងដ៏អស្ចារ្យទាំងនេះ នឹងកើតឡើងលើពិភពលោក

ចុចអាន៖ស្គាល់ឬនៅ ធនាគារដែលមានវ័យចំណាស់ជាងគេលើពិភពលោក បច្ចុប្បន្ននៅតែដំណើរការដូចដើម

ចុចអាន៖កំពូលមេដឹកនាំទាំង ១០ រូប មាន​ប្រជាប្រិយភាព​និង​ឥទ្ធិពលខ្លាំង ​លើពិភពលោក