KPT+

ប្រើគន្លឹះនេះ ធានាថាជួយដោះស្រាយភាពខ្ជិលច្រអូស នៅកន្លែងធ្វើការបានយ៉ាងល្អ

បានផុស

៦ ខែ មុន

នៅ

ថ្ងៃអង្គារ ១១ មករា ២០២២

ដោយ

បន្ទាប់ពីសម្រាកជាច្រើនថ្ងៃ មានមនុស្សមួយចំនួនតូច ដែលមានបញ្ហាក្នុងការគ្រប់គ្រងជីវិតរបស់ខ្លួន។ ព្រោះនៅមានអារម្មណ៍សម្រាក ដោយភាពសប្បាយរីករាយ បើទោះបីបានឈប់យូរហើយក៏ដោយ។ លើសពីនេះទៀត អ្នកអាចធ្វើដំណើរតាមដែលអ្នកចង់បាន។ ប៉ុន្តែហេតុអ្វីបានជាអ្នកនៅតែនឿយហត់ ខ្ជិលច្រអូសក្នុងការភ្ញាក់ពីដំណេកទៅធ្វើការធម្មតា?

នេះគេហៅថា Post Vacation Blues Syndrome គឺជាស្ថានភាពនៃជំងឺធ្លាក់ទឹកចិត្ត។ ភាពក្រៀមក្រំដែលកើតឡើង បន្ទាប់ពីយើងបានចំណាយពេលចុងសប្តាហ៍ដ៏រីករាយ និងសប្បាយរីករាយ។

យ៉ាងណាមិញ យើងក៏អាចដោះស្រាយបានដោយងាយ គ្រាន់តែអនុវត្តតាមវិធីខាងក្រោមនេះ៖

១ ចាប់ផ្តើមធ្វើការក្នុងសប្តាហ៍ដំបូងជាមួយនឹងការងារណាស្រាលៗ

ពេលគ្មានការផ្លាស់ប្ដូរចិត្តទៅធ្វើការ ខ្វះការចាប់អារម្មណ៍ ខ្វះការផ្តោតអារម្មណ៍ ងងុយដេក និងឯកោពេញមួយថ្ងៃបែបនេះ ការងារធំ ការងារលំបាក ការងារដែលទាមទារការផ្តោតអារម្មណ៍ច្រើន ឬការងារដែលទាមទារឲ្យផ្ដោតខ្លាំង មិនអាចយកវាបាន កុំបង្ខំវា។

បើមិនដូច្នោះទេ វានឹងដំណើរការដោយគ្មានប្រសិទ្ធភាព។ គ្មានគុណភាព ដូច្នេះក្នុងសប្តាហ៍ដំបូង ជាពិសេសនៅថ្ងៃដំបូង កុំគ្រាន់តែធ្វើការងារពេញលេញ។ បើអាចជ្រើសរើសបាន ជ្រើសរើសការងារស្រាលៗ មិនពិបាកខ្លាំង មិនចាំបាច់តានតឹងខួរក្បាល។ អ្នកអាចជ្រើសរើសកិច្ចការដែលបញ្ចប់នៅថ្ងៃនោះ ដើម្បីធ្វើជាមុនសិន។ កិច្ចការធំៗ និងធ្ងន់ត្រូវបានរក្សាទុកសម្រាប់ថ្ងៃដែលអ្នកត្រៀមខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ប្រើបញ្ជីដែលអ្នកបានធ្វើមុនពេលសម្រាកយូរ

ចងចាំបញ្ជីការងារដែលអ្នកបានធ្វើមុនថ្ងៃចុងសប្តាហ៍ នេះបានជួយយ៉ាងច្រើន។ ព្រោះវាជាបញ្ជីដែលយើងធ្វើ ដើម្បីបំបែកកិច្ចការនីមួយៗ។ តើមានភារកិច្ចអ្វីខ្លះ ដែលអ្នកត្រូវត្រឡប់មកវិញបន្ទាប់ពីថ្ងៃឈប់សម្រាក? បញ្ជីនេះ នឹងជួយយើងជ្រើសរើសការងារដែលសមស្រប នឹងអារម្មណ៍ដែលមិនទាន់រួចរាល់ដើម្បីធ្វើការ។

ប្រសិនបើគ្មានការងារណាដែលបន្ទាន់ ឬសំខាន់ជាងនេះទេ។ ជ្រើសរើសការងារសាមញ្ញ ការងារស្រាលៗ ត្រូវធ្វើមុនគេ ហើយក៏ជួយកាត់បន្ថយបញ្ហាភ្លេចភ្លាំង ក្នុងពេលដែលអារម្មណ៍មិនទាន់រួចរាល់ក្នុងការងារបែបនេះ។ ដូច្នេះបញ្ជីនេះ គឺជាជំនួយដ៏ល្អក្នុងការដោះស្រាយរោគសញ្ញា នៃភាពខ្ចិល ដោយសារតែវិស្សមកាលយូររបស់យើងកន្លងមក។

៣ ស្វែងរកមិត្តរួមការងារដើម្បីនិយាយអំពីថ្ងៃឈប់សម្រាកកន្លងមក

ដោយសារអារម្មណ៍សប្បាយរីករាយក្នុងឱកាសបុណ្យដ៏យូរនេះ វាពោរពេញដោយភាពរីករាយ។ សូម្បីតែឈប់ហើយ ត្រឡប់មកធ្វើការដូចធម្មតាវិញហើយ នៅតែមានអារម្មណ៍ជាប់គាំងដដែល។ ដូច្នេះ ចូរស្វែងរកមិត្តរួមការងារដែលអាចទុកចិត្តបាន ដើម្បីនិយាយជាមួយ ឬចែករំលែក។

៤ កែប្រែរចនាប័ទ្មការងារមួយចំនួន

នេះប្រហែលជាមូលហេតុដែលធ្វើឲ្យយើងមានអារម្មណ៍តានតឹង បាក់ទឹកចិត្ត សុំឈប់សម្រាកបន្ថែមទៀត។ ពេលត្រូវត្រឡប់មកធ្វើការវិញ បន្ទាប់ពីឈប់សម្រាកយូរ គឺយើងត្រូវត្រលប់មកបរិយាកាសការងារដដែល លំនាំការងារដដែល។ អតីតសហសេវិក ទម្លាប់ប្រចាំថ្ងៃចាស់ ដែលមិនអាចប្រៀបផ្ទឹមបាន ទៅនឹងភាពថ្មីថ្មោង ដែលយើងជួបប្រទះនៅពេលវិស្សមកាល បានរកឃើញអ្វីដែលថ្មី និងរីករាយ។ ប៉ុន្មានថ្ងៃក្រោយមក វាត្រលប់ទៅបរិយាកាសចាស់ម្តងទៀត។

នៅពេលដែលគ្មានអ្វីគួរឲ្យរំភើប វាជារឿងធម្មតាទេ ដែលមានអារម្មណ៍ធុញទ្រាន់។ ដូច្នេះសូមព្យាយាមធ្វើការកែប្រែខ្លះនៅក្នុងការងាររបស់អ្នក។ សូមឲ្យមានអ្វីដែលគួរឲ្យរំភើប ទើបជីវិតមានន័យ៕

ប្រែសម្រួល៖ សាង ស្រីល័ក្ខ

ចុចអាន៖ចូលវ័យជ្រេហើយ គួរដឹងតិចនិកថែទាំភ្នែកឲ្យនៅភ្លឺ មានសុខភាពល្អ