KPT+

នឹកស្មានមិនដល់ ទឹកអង្ករមានអត្ថប្រយោជន៍ច្រើនម្ល៉ឹងសោះ

បានផុស

១ year មុន

នៅ

ថ្ងៃអង្គារ ១៣ ធ្នូ ២០២២

ដោយ

ទឹកអង្ករពេញនិយមនៅប្រទេសជប៉ុនសម្រាប់សុខភាពសក់និងស្បែកអស់ជាង១០០០ឆ្នាំមកហើយ មកដល់សព្វថ្ងៃអត្ថប្រយោជន៍របស់វានៅតែបន្តទទួលការគាំទ្រដូចមុនដដែល។ ជាក់ស្ដែងអត្ថប្រយោជន៍ទឹកអង្ករនៅមានច្រើនទៀតសម្រាប់សម្រស់និងសុខភាពរួមមាន៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ធ្វើឲ្យស្បែកស

ផលិតផលធ្វើឲ្យស្បែកសជាច្រើនអះអាងថា ផលិតចេញពីទឹកអង្ករដូចជា សាប៊ូ ថូន័រ គ្រីម សេរ៉ូមជាដើម។

២. ល្អសម្រាប់ស្បែកមុខ

ការសិក្សាក្នុងឆ្នាំ២០០៣ បង្ហាញឲ្យដឹងថា “ស្រាអង្ករ” អាចជួយស្ដារស្បែកដែលខូចដោយសារពន្លឺព្រះអាទិត្យយ៉ាងមានប្រសិទ្ធិភាព។ វាបង្កើនខូឡាជែនក្រោមស្បែក ការពារភាពជ្រីវជ្រួញ និងការពារពន្លឺអាទិត្យទៀតផង។

៣. ល្អសម្រាប់ស្បែកស្ងួត

ទឹកអង្ករជួយប្រឆាំងនឹងការរលាកស្បែកដែលបណ្តាលមកពីសូដ្យូម laurel sulfate (SLS) ជាធាតុផ្សំមាននៅក្នុងផលិតផលថែរក្សាស្បែកជាច្រើន។ ប្រភពគួរឲ្យទុកចិត្តបង្ហាញថា ការប្រើទឹកអង្ករពីរដងក្នុងមួយថ្ងៃជួយស្បែកស្ងួត និងខូចដោយសារធាតុ SLS ឲ្យប្រសើរឡើងវិញ។

៤. ជួសជុលសក់ខូច

សក់ខូចអាចមានជីវិតជីវ៉ាវិញដោយសារ inositol ជាសារជាតិគីមីមួយមាននៅក្នុងទឹកអង្ករ។ វាជួយសង្គ្រោះសក់ខូចពីក្នុងមក ជាពិសេសជួយសក់បែកចុងដូចគ្នា។

៥. សម្រួលប្រព័ន្ធរំលាយអាហារ

មានការណែនាំឲ្យទទួលទានទឹកអង្ករក្នុងករណីពុលអាហារ មានសត្វល្អិតក្នុងពោះវៀន និងរាករូស។ ក្នុងទឹកអង្ករមានសារធាតុអាសេនិច ដូច្នេះការទទួលទានច្រើនពេកនាំឲ្យកើតជំងឺមហារីក ជំងឺសរសៃឈាម ជំងឺលើសឈាម ជំងឺបេះដូង និងជំងឺទឹកនោមផ្អែមប្រភេទទី ២។

៦. បញ្ហាស្បែកដងខ្លួន

មនុស្សជាច្រើនអះអាងថា ការលាបទឹកអង្ករធ្វើឱ្យស្បែកទន់រលោងបំបាត់ស្នាមបណ្ដាលមកពីជំងឺត្រអកនិងជួយឱ្យវាជាសះស្បើយ។

៧. ជំនួយភ្នែក

អ្នកខ្លះទៀតលើកឡើងថា ការទទួលទានទឹកអង្ករអាចជួយដោះស្រាយបញ្ហាភ្នែកឡើងបាយចំពោះមនុស្សចាស់ ដែលអាចបណ្តាលឱ្យងងឹតភ្នែក។