KPT+

នាវាកម្សាន្តរបស់ពូទីន តម្លៃ ៧០០ លានដុល្លារ ភាគច្រើនសុទ្ធតែបិទមាស មិនលើកលែងសូម្បីក្រដាសបង្គន់

បានផុស

៤ years មុន

នៅ

ថ្ងៃពុធ ២១ ធ្នូ ២០២២

ដោយ

ប្រធានាធិបតីរុស្ស៊ីលោក វ្ល៉ាឌីមៀ ពូទីន បានចំណាយប្រាក់យ៉ាងច្រើនចាយលើនាវាទំនើបដែលឈ្មោះថា The Scheherazade តាមតួអង្គរបស់មហាក្សត្រី Persian ក្នុងរឿងព្រេងនិទានមជ្ឈិមបូព៌ា ខណៈវាមានតម្លៃ ៧០០ លានដុល្លារឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ កម្មករសុំមិនបញ្ចេញឈ្មោះម្នាក់បានរាយការណ៍ថាជាប់ពាក់ព័ន្ធនឹងការសាងសង់នាវាទំនើបនេះបានប្រាប់សារព័ត៌មាន The Sun ថា នាវាប្រណិតនេះមានប្រវែង១៤០ម៉ែត្រ និងកំពស់៦ជាន់ ចតនៅ Marina di Carrara ក្នុងប្រទេសអ៊ីតាលី។ វាប្រៀបដូចជាទីក្រុងតូចមួយរបស់ពូទីន ដោយក្នុងនោះមានអាងហែលទឹកជាច្រើន បន្ទប់ទឹកធ្វើពីថ្មម៉ាប កន្លែងស្ប៉ា សូណា រោងកុន កន្លែងហាត់ប្រាណ ឧទ្ធម្ភាគចក្រចំនួន២លើនាវានោះផងដែរ។

លើសពីនេះលក្ខណៈពិសេសផ្សេងទៀតនៃនាវាកម្សាន្ត៦ជាន់នេះ ផ្ទុកទៅដោយនៃគ្រឿងបរិក្ខារ អស្ចារ្យនិងទំនើបគ្រប់ជាន់ រួមទាំងអាងចិញ្ចឹមត្រី១៦ហ្វីត ទូរទស្សន៍១៥ ហ្វីតដែលលាតសន្ធឹងលើជញ្ជាំងទាំងមូល និងតុដ៏ធំដែលមានអាចធ្វើចលនាដោយខ្លួនឯង ដើម្បីឲ្យភ្ញៀវអង្គុយលេងឬដាក់របស់ផ្សេងៗ បើទោះបីជាសមុទ្រមានសភាពរលកធំៗក៏ដោយ។

ជាងនេះទៅទៀត ក្នុងបន្ទប់ទឹករបស់នាវា The Scheherazade បានបំពាក់ដោយម៉ាស៊ីនទឹកមាស King Midas និងឧបករណ៍ដាក់ក្រដាសបង្គន់ធ្វើពីមាសសុទ្ធ បូករួមទាំងកម្រាលឥដ្ឋដែលបម្លែងទៅជាអាងទឹក ដូចនៅលើសមុទ្រផ្ទាល់ ខណៈគ្រប់ផ្ទៃទាំងអស់សុទ្ធតែជាថ្មម៉ាប ឬមាស។ The Scheherazade ក៏មានប្រព័ន្ធសន្តិសុខ “រដ្ឋនៃសិល្បៈ” ជាមួយនឹងឧបករណ៍ចាប់រ៉ាដាចំនួនបួន ត្រូវបានដាក់បញ្ចូលនៅលើនាវា ដោយធានាថាមិនមានសកម្មភាពគួរឲ្យសង្ស័យកើតឡើងនៅលើនាវាដ៏ប្រណិត។

ទោះយ៉ាងណា The Scheherazade ដ៏ទំនើប នៅតែមានភាពស្រពិចស្រពិលនូវឡើយ ខណៈមានពាក្យចចាមអារ៉ាមខ្លះថា វាមានផ្ទុកទៅដោយឧបករណ៍ទំនើបៗដែលអាចលាក់កំបាំងមិនឲ្យអ្នកណាដឹងឡើយ។ ជាពិសេសនោះគឺ គ្មានអ្នកណាដឹងទេថា ពូទីននឹងវិលមកកាន់កាប់នាវាកម្សាន្តនេះបន្តឬយ៉ាងណានោះទេ៕