KPT+
៥ សញ្ញាបង្ហាញថាអ្នកស្ថិតក្រោមភាពតានតឹងខ្លាំងពេកហើយ
ស្ត្រេសពេលខ្លះស្រាល ពេលខ្លះទៀតមានលក្ខណៈធ្ងន់ធ្ងរសម្រាប់យើង ហើយពេលខ្លះសឹងតែមិនអាចទៅមុខទៀតបានដោយសារបញ្ហាដែលជួបប្រទះធ្វើឱ្យមានអារម្មណ៍ថា ពិភពលោកនេះមិនសក្ដិសមនឹងយើងរស់នៅទេ។
កុំបង្អង់យូរ មកស្គាល់សញ្ញាទាំងនេះទាំងអស់គ្នា!
ផ្លូវចិត្ត
ត្រត់ណេះសំដៅទៅលើបញ្ហាដែលទាក់ទងនឹងផ្លូវចិត្តដែលកំពុងប្រឆាំងជាមួយការគិត។ ជាអារម្មណ៍មួយដែលប្រែប្រួលឆាប់រហ័សដោយទប់ចិត្តមិនបានក្នុងការប្រព្រឹត្តិសកម្មភាពមួយ ឬគិតមិនបានវែងឆ្ងាយ។ រោគសញ្ញាទូទៅនៃភាពតានតឹងផ្លូវចិត្តហួសកម្រិតរួមមាន ការធ្លាក់ទឹកចិត្ត ភាពវង្វេងស្មារតី ឆាប់ខឹង និងប្ដូរអារម្មណ៍លឿនខ្លាំង។
រាងកាយ
កាលណាមានភាពតានតឹងជ្រុលពេក រាងកាយក៏ចាប់ផ្ដើមមានបញ្ហាដូចជា ឈឺថ្គាម ឈឺក្បាល ឈឺចាប់ស្មា ត្រគាក និងខ្នង។ ដោយឡែកឥទ្ធិពលលើរាងកាយទាំងនេះអាចបណ្ដាលឱ្យសាច់ដុំផ្សេងទៀតទទួលរងផលប៉ះពាល់រួមមាន បេះដូងលោតលឿន សម្ពាធឈាមថយចុះ រីឯបំពង់រំលាយអាហារនឹងចុះខ្សោយ។
ដំណេក
ទោះបីជាបានធ្វើការពេញមួយថ្ងៃ ហត់នឿយ អស់កម្លាំងយ៉ាងណាក៏ដោយ ប៉ុន្តែពេលយប់បែរជាគេងមិនលក់សោះ។ ុម្យ៉ាងទៀតពេលព្រឹកឡើង ក៏មិនស្រស់ស្រាយ និងមានអារម្មណ៍ថាអស់កម្លាំងជាខ្លាំង។ ជួនយប់ខ្លះ គេងក្ដីសុបិនចម្លែក ឬសុបិនមិនល្អ ដែលនេះនឹងបណ្ដាលឲ្យប្រព័ន្ធភាពស៊ាំចុះខ្សោយខ្លាំង។
ប្រព័ន្ធរំលាយអាហារ
ខួរក្បាលនិងក្រពះរមែងមានទំនាក់ទំនងជាមួយគ្នា ព្រោះថានៅពេលមិនបានញុំាអាហារគ្រប់គ្រាន់ឬមិនទៀងពេល រាងកាយនឹងចាប់ផ្ដើមអស់កម្លាំង ហើយឈឺក្បាល។ ទំនាក់ទំនងផ្ទាល់នេះអាចបណ្ដាលឱ្យប្រព័ន្ធរំលាយអាហារងាយមានប្រតិកម្ម បង្កទៅជាស្ត្រេសយ៉ាងរហ័ស។ រោគសញ្ញាទាំងនេះអាចវិវត្តបន្ថែមទៀតទៅជាជំងឺក្រពះ ពោះវៀន ច្រាលទឹកក្រពះ ដំបៅពោះវៀន និងរលាកពោះវៀន។ល។
អារម្មណ៍
ខួរក្បាលចាប់ផ្ដើមអសកម្មក្នុងការជំរុញទឹកចិត្ត និងលែងទទួលអារម្មណ៍រីករាយដូចមុន។ ទោះបីអ្នកដទៃរីករាយសប្បាយយ៉ាងណាក៏ដោយ តែមនុស្សតានតឹងហួសប្រមាណបែរជាមានអារម្មណ៍ហាក់ធម្មតាៗប៉ុណ្ណោះ៕
ប្រែសម្រួល៖ សន ផានិត
ចុចអាន៖ អត្ថាធិប្បាយ៖ យកឈ្នះកំហឹងបាន គឺឈ្នះការប្រយុទ្ធដែលមនុស្សដទៃពិបាកនឹងយកឈ្នះ
ចុចអាន៖ ទុកស្រ្តេសនៅយូររ៉ាំរ៉ៃបង្កគ្រោះថ្នាក់ទាំងផ្លូវចិត្តនិងរាងកាយ
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស