ទីបំផុតអ្នកជួយសង្គ្រោះនៅរដ្ឋផ្លរីដាបានដោះលែងសត្វ Manatee ចំនួន ១២ ក្បាល ចូលទៅក្នុងព្រៃនៅឧទ្យាន Blue Spring State Park ដើម្បីធ្វើកិច្ចខិតខំប្រឹងប្រែងអភិរក្ស និងស្ដារឡើងវិញ ។

បើតាមសេចក្ដីរាយការណ៍ CNN បានឲ្យដឹងថា សត្វ Manatee ១២ ក្បាលត្រូវបានជួយសង្គ្រោះក្នុងសភាពរបួសនិងសេចក្ដីអត់ឃ្លានពីឆ្នេរសមុទ្ររដ្ឋផ្លរីដា ហើយក្នុងចំណោម ១២ ក្បាលនោះមានខ្លះជាកូនកំព្រាទៀតផង ។

ទន្ទឹមនឹងការប្រលែងវាចូលទៅក្នុងព្រៃ ក្រុមអ្នកស្រាវជ្រាវក៏ភ្ជាប់ GPS ជាមួយសត្វដែរដើម្បីងាយស្រួលតាមដានការពារ និងសិក្សាពីរបៀបរស់នៅប្រចាំថ្ងៃរបស់ Manatee ។

យោងតាមអង្គការជួយសង្គ្រោះ Manatee បានឲ្យដឹងថាវាលូតលាស់នៅក្នុងឆ្នេរសមុទ្រ មាត់ទន្លេនិងតំបន់ទឹកសាប ហើយស៊ីត្រីតូចៗនិងរុក្ខជាតិក្នុងតំបន់ជាអាហារ។ មូលហេតុចម្បងបណ្ដាលឲ្យផុតពូជសត្វទឹកខាងលើបណ្ដាលមកពី អន្លង់ទឹកជ្រៅ សំណាញ់នេសាទនិងការប្រែប្រួលនៃអាកាសធាតុ ។

គួរបញ្ជាក់ដែរថា Manatee ស្ថិតក្នុងបញ្ជីប្រភេទសត្វជិតផុតពូជ និងមានច្បាប់ការពារថនិកសត្វសមុទ្រ ។ សព្វថ្ងៃនេះវាមានចំនួនប្រហែល ១៣,០០០ ក្បាលប៉ុណ្ណោះ ដោយមានជាង ៦,៥០០ ក្បាលរស់នៅភាគអាគ្នេយ៍សហរដ្ឋអាមេរិក និងព័រតូរីកូ ៕

ប្រែសម្រួល ៖ វារី

ប្រភព ៖ Nature World News

ចុចអាន ៖ ខ្លា Lynx នៅបារាំង នឹងដាច់ពូជក្នុងរយៈពេល ៣០ ឆ្នាំ បើនៅតែមិនចាត់វិធានការអភិរក្ស