KPT+

ទ្រព្យជាប់ខ្លួន៣យ៉ាង ដែលនាំឲ្យធ្វើអ្វីក៏បរាជ័យ

បានផុស

៣ years មុន

នៅ

ថ្ងៃពុធ ៣ មីនា ២០២១

ដោយ

ជោគជ័យ ឬបរាជ័យលើលោកយើងនេះ ភាគច្រើនផ្អែកលើចរិតអ្នកប្រព្រឹត្តិ។ ទោះណាជាចំណេះដឹង និងឱកាសអាចជួយឲ្យគេនោះ បានអនុវត្តិ ប៉ុន្តែចរិតលក្ខណៈនឹងនាំឲ្យគ្រប់យ៉ាងមិនទៀងទាត់ ហើយភាពមិនទៀងទាត់នឹងនាំទៅរកបរាជ័យ។

ចរិតលក្ខណៈទំាងនេះ មានលើអ្នកណា អ្នកនោះនឹងសោកសង្រេងក្នុងវិបត្តិ៖

ទីមួយ ចរិតតក់ក្រហល់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សតក់ក្រហល់គ្មានអំណត់និងគ្មានគោលដៅ។ ពួកគេរមែងមានភាពមិនច្បាស់លាស់ក្នុងសកម្មភាពប្រចាំថ្ងៃដោយសារមិនយល់អំពីទសដៅខាងមុខ ថែមទំាងមិនបានទទួលយកចំណុចខ្លាំងខ្សោយរបស់ខ្លួនមកកែច្នៃ។ តើយើងធ្វើយ៉ាងណាទទួលបានជោគជ័យ ប្រសិនបើយើងមិនដឹងពីគោលដៅពិតហើយតក់ក្រហល់ធ្វើតាមអ្នកនេះបន្តិចអ្នកនោះបន្តិច។ ការសម្រួចសកម្មភាពរបស់យើងឲ្យមានលទ្ធផលពុំមែនជារឿងដែលងាយស្រួលស្រាប់ ហើយបូកផ្សំនិងភាពមិនច្បាស់លាស់ទៀតតើយើងប្រកួតប្រជែងដោយវិធីណា?

ទីពីរ ចរិតមើលស្រាលការងារ

មនុស្សជាច្រើនយល់ថា អ្វីក៏ងាយដែរ។ ការមើលលើអ៊ីធើណេតបន្តិចបន្តួចក៏យល់ថាចេះទំាងស្រុង។ ការសាកជោគជ័យបានខ្លះ ក៏គិតថាជាជំនាញចុងក្រោយគឺការខកចិត្ត។ ការខកចិត្តជាបន្តបន្ទាប់តែងតែនាំមកនូវការធ្លាក់ចុះនៃសន្ទុះចិត្ត។ ការងារណាដែលគ្មានសន្ទុះចិត្ត វាមិនជោគជ័យទេទោះបានក៏មិនយូរដែរ។

ទីបី ប្រើអារម្មណ៍

ការស្មគ្រ័រួមការងារ ជាមួយក្រុមមនុស្សមិនល្អ ដោយសារតែគេនោះត្រូវអារម្មណ៍ខ្លួន ទំាងដឹងថា គេនោះស្ទើរ និងគ្មានលទ្ធភាពឬជំនាញពិត ព្រោះតែដើម្បីបានគ្នា បានបណ្តាញ ចុងក្រោយគឺខាតបង់ពេលវេលា បាត់បង់ធនធាន កេរ៍ឈ្មោះ និងគ្មានទីផ្សារ។ ការជ្រើសរើសមនុស្សមករួមអាជីព ពុំមែនជារឿងលេងសើចដែលអាចធ្វើតាមអារម្មណ៍នឹកឃើញឡើយ ព្រោះមនុស្សជាអាវុធដ៏សំខាន់នៃជោគជ័យឬបរាជ័យ។ ប្រសិនយើងរើសយកនៅក្បែរមនុស្សអវិជ្ជមាន លទ្ធផលគឺអវិជ្ជមាន៕

ប្រែសម្រួល៖Mr Tomorrow

ចុចអាន៖អ្នកអាចបាត់បង់ការងារភ្លាមៗក្នុងរដូវកាលកូវីដ ដោយសារហេតុផលទាំងនេះ