KPT+

លាឈប់ម្ដងហើយ ហើយគួរចូលកន្លែងចាស់វិញអត់?

បានផុស

៥ years មុន

នៅ

ថ្ងៃសុក្រ ៥ មីនា ២០២១

ដោយ

លើលោកនេះគ្មានអ្វីដែលថា មិនអាចកើតមានឡើងនោះទេ ឲ្យតែមនុស្សចង់ គេតែងតែរកបានហេតុផលសមស្របណាមួយ ដើម្បីគាំទ្រការសម្រេចចិត្តរបស់ខ្លួនឯងជាក់ជាមិនខាន។
ហេតុផលនៃការវិលត្រឡប់ទៅរកកន្លែងធ្វើការចាស់វិញ អាចធ្វើទៅបានប្រសិនបើ៖

១ កាលពីមុនចេញព្រោះគ្មានអ្វីថ្មី

យើងអាចវិលទៅវិញបាន ប្រសិនបើយើងយល់ថា មានកម្មវិធីឬគម្រោងថ្មីមួយណាមួយដែលអាចធ្វើឲ្យយើងសប្បាយ រំភើបចិត្ត។ ប្រការនេះ មានឧទាហរណ៍ ដូចជា ឱកាសសិក្សាអ្វីថ្មីៗ ក៏ដូចជា ទទួលបទពិសោធន៍ឬប្រើបទពិសោធន៍ជាមួយការសាកល្បងតតាំងឧបសគ្គថ្មី។

២ ក្រោយការប្រៀបធៀប

ក្រោយការប្រៀបធៀបជាមួយកន្លែងធ្វើការថ្មីនិងកន្លែងចាស់ឃើញថានៅទីនោះល្អជាង ហេតុអ្វីយើងវិលវិញមិនបាន? ប្រសិនចាកចេញព្រោះគិតខុសថា ទីផ្សេងប្រសើរជាងហើយចុងក្រោយក៏រកឃើញថា នៅកន្លែងចាស់មានគុណសម្បត្តិ ប្រព័ន្ធការងារច្បាស់លាស់ត្រូវចិត្តជាង វិលវិញទៅ នៅចាំអីទៀត?

៣ មេដឹកនាំដែលមិនល្អចាកចេញ

ពាក្យមួយគេថា បុគ្គលិកលាឈប់ព្រោះមេដឹកនាំមិនល្អ មិនមែនព្រោះស្ថាប័នឡើយ។ ប្រសិនបើមេដឹកនាំរូបនោះលែងមានវត្តមានហើយយើងអាចវិលវិញបានប្រសិនបើយើង ចង់។

៤ មានគោលដៅថ្មី

អ្នកខ្លះចាកចេញទៅព្រោះមិនឃើញគោលដៅ មិនឃើញកត្តាជំរុញទឹកចិត្ត។ ក្រុមហ៊ុនខ្លះ មិនមានគោលដៅ ថែមទាំងមិនមានការលើកទឹកចិត្ត ប៉ុន្តែមិនមែនជារៀងរហូតទេ។ ថ្ងៃណាមួយគេអាចនឹងកែប្រែ ពីព្រោះពេលបរាជ័យ មនុស្សនឹងឃើញមូលហេតុដោយខ្លួនឯង៕

ប្រែសម្រួល៖Mr Tomorrow

ចុចអាន៖មនុស្សអវិជ្ជមាន សម្គាល់តាមចរិតរិះគន់និងវិភាគស្វែងរកតែកំហុសអ្នកដទៃ

ចុចអាន៖ចៅហ្វាយរូបណាដែលនិយាយពាក្យទាំងនេះ មិនទាន់សក្ដិសមនឹងតួនាទីនៅឡើយ