KPT+
ប៉ុន្មានចំណុចនេះសំខាន់ណាស់ អាជីវកម្មស្លាប់ឬរស់ ត្រូវស្វែងយល់ឲ្យច្បាស់
ទ្រព្យសម្បត្តិដ៏មានតម្លៃបំផុតសម្រាប់មុខជំនួញគឺ អតិថិជន។ បើសិនជាគ្មានកម្លាំងទិញពីអតិថិជនបានច្រើននោះទេ ជំនួញរមែងទៅមុខមិនរួចនោះឡើយ។ ដូច្នេះការពេញចិត្តពីសំណាក់អតិថិជន គឺជាអ្វីដែលមានភាពចាំបាច់បំផុតសម្រាប់ការធ្វើអាជីវកម្មគ្រប់ប្រភេទ។ រីឯគុណភាពនៃការផ្តល់សេវាកម្មទៅដល់អតិថិជន ក៏ជាបច្ច័យដែលកំណត់ការពេញចិត្តរបស់អតិថិជននោះដែរ។
ក្នុងនោះគោលការណ៍សំខាន់មួយចំនួននៃការបម្រើសេវាកម្មល្អដល់អតិថិជន នឹងត្រូវបានបកស្រាយដូចខាងក្រោម៖
អតិថិជនត្រូវជានិច្ច
ស្ដាប់មើលទៅវាជាពាក្យសម្ដីដដែលៗ ប៉ុន្តែប្រការមួយនេះតែងតែជាមធ្យោបាយល្អបំផុតជានិច្ច។ បើសិនជាអតិថិជនម្នាក់បានមករកអ្នកនឹងសួររកទិញទំនិញ ឬចង់ឲ្យអ្នកបម្រើសេវាអ្វីម៉្យាងដល់គេ អ្នកគួរតែទៅតាមរកវាឲ្យអស់ពីសមត្ថភាព ហើយបើសិនជាអតិថិជនបានទទួលនូវសេវាកម្ម ប៉ុន្តែនៅតែមិនពេញចិត្ត ឬរិះគន់ក្នុងផ្លូវអវិជ្ជមាន អ្នកគួរតែធ្វើការដោះស្រាយជូនអតិថិជន ដោយអាចសុំអភ័យទោស ឬផ្លាស់ប្ដូរទំនិញ ឬក៏អាចប្រគល់ជារបស់លួងចិត្ត។ ខណៈនោះអតិថិជននឹងទទួលនូវអារម្មណ៍ល្អ ហើយក៏បានយល់ពីការដោះស្រាយបញ្ហារបស់យើងយ៉ាងពិតប្រាកដចំពោះពួកគេ។
ឆ្លើយសំនួរយ៉ាងឆាប់រហ័ស
ទោះបីជាសំណួរមើលទៅតូចតាចបំផុត ប៉ុន្តែវាក៏សំខាន់ណាស់ដែរ សម្រាប់អ្នកដែលសួរ។ ដូច្នេះអ្នកគួរព្យាយាមឆ្លើយសំណួរទាំងនោះឲ្យបានឆាប់រហ័សបំផុត និងត្រឹមត្រូវ ហើយសុភាពជាទីបំផុត។ បើសិនជាសំណួរនោះលើសពីអ្វីដែលអ្នកបានដឹង អ្នកអាចសូមឲ្យអតិថិជនរង់ចាំរហូតអ្នកអាចរកចម្លើយឡើងមកបាន។ បើជាការសន្ទនាតាមទូរសព្ទ ចូរប្រាប់ថា សូមឲ្យខាងខ្ញុំទំនាក់ទំនងទៅលោកអ្នកដោយខ្លួនឯង ហើយប្រការដែលល្អមិនគួរផ្ទេរបន្ទុកអតិថិជនរបស់អ្នកទៅឲ្យអ្នកដទៃជាដាច់ខាត។
ស្គាល់អតិថិជនយ៉ាងច្បាស់
ជាម្ចាស់អាជីវកម្មអ្នកគួរស្គាល់អតិថិជនពីអ្វីដែលពួកគេចូលចិត្ត មិនចូលចិត្ត និងអ្វីដែលពួកគេតែងតែរកមើលជាប្រចាំ។ អ្នកត្រូវមានចំណេះដឹងច្បាស់ទាក់ទងជាមួយនឹងទំនិញរបស់អ្នក ដើម្បីណែនាំដល់ភ្ញៀវ។ អត្ថប្រយោជន៍គឺថា មិនត្រឹមតែធ្វើឲ្យពួកគេត្រឡប់មកទិញទំនិញរបស់អ្នកម្តងទៀតនោះទេ ពួកគេថែមទាំងបានណែនាំ និងប្រាប់ដល់បងប្អូន មិត្តភ័ក្ដិរបស់ពួកគេ យ៉ាងច្រើនទៀតផងដែរ។
មានភាពប្រាកដប្រជាជាមួយអតិថិជន
ភាពប្រាកដប្រជាជាមួយអតិថិជននិងអ្នកគឺត្រូវតែមានឲ្យគ្នាទៅវិញទៅមក។ រីឯការប្រញាប់ទាញយកចិត្តអតិថិជនថ្មី ដោយមើលរំលងអតិថិជនចាស់ ក៏ជាហេតុធ្វើឲ្យអ្នកបាត់បង់ម៉ូយចាស់ៗផងដែរ។ គ្មានអតិថិជនម្នាក់ណាដែលមិនសំខាន់ទេ មិនថាជាមនុស្សចាស់ មានក្រ ខ្វាក់ខ្វិន ល្ងង់ឆ្លាត ល្បីឬមិនល្បីក៏ដោយ ដោយអតិថិជនគ្រប់គ្នា គឺជាឱកាសនៃការលក់។ អាជីវកម្មរបស់អ្នក ជាគុណឬក៏ជាទោស គឺសុទ្ធតែស្ថិតនៅលើអតិថិជនពេញចិត្តមកលើរាល់ការបម្រើសេវាកម្មដែលពួកគេបានទទួល៕
ប្រែសម្រួល៖ សន្យា
ប្រភព៖ EF
ចុចអាន៖មកស្គាល់កំពូលអ្នកតស៊ូមតិបង្កើតសមភាពយេនឌ័រលោកស្រី Ruth Bader Ginsburg
ចុចអាន៖សម្រង់សំដីដ៏មានឥទ្ធិពលរបស់ស្ត្រីជនជាតិអាស៊ីខ្លាំងៗក្នុងពិភពជំនួញ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត