អ្នកម្ដុំទួលទំពូងពិបាករកកន្លែងលំហែអារម្មណ៍មែនទេ? សាកល្បងទៅកន្លែងទាំងនេះ! – Kampuchea Thmey Daily
Connect with us
Helistar Cambodia - Helicopter Charter Services

KPT+

អ្នកម្ដុំទួលទំពូងពិបាករកកន្លែងលំហែអារម្មណ៍មែនទេ? សាកល្បងទៅកន្លែងទាំងនេះ!

Published

on

នឹកដល់ម្ដុំទួលទំពូង ប្រិយមិត្តប្រហែលជានឹកឃើញដល់អាហារគ្រឿងសមុទ្រ បបរមាន់ បាញ់ឆែវ និងសាច់គោអាំងដែលត្រូវបានគេដាក់លក់នៅម្ដុំជុំវិញផ្សារជាពុំខាន។ ប៉ុន្តែពេលនេះ Kpt Plus សូមមិនលើកយកកន្លែងញ៉ាំអាហារនោះទេ គឺសំដៅទៅលើកន្លែងលំហែអារម្មណ៍ តាមរយៈការញ៉ាំ Cocktail តាមបាតូចៗ និង Skybar ជុំវិញតំបន់មួយនេះ។

ធានាថានឹងប្លែកអារម្មណ៍ពេលបានទៅដល់កន្លែងទាំងអស់នេះ!

១. Long After Dark

បាតូចមួយនេះ មានការរចនាប្លែកពីហាងដទៃ ដោយបញ្ចូលពីលក្ខណៈ Classic និង Mondern លាយឡំគ្នា ហើយមានបម្រើអាហារថ្ងៃត្រង់ និងពេលល្ងាច។ សម្រាប់ភេសជ្ជៈ មានដូចជា Cocktail ស្រាបៀរ និងស្រាមួយចំនួន ដែលប្រិយមិត្តអាចរើសបានតាមចិត្ត ទៅតាមម៉ីនុយដែលបានបង្ហាញ។

Long After Dark ស្ថិតនៅផ្ទះលេខ ៨៦ ផ្លូវលេខ ៤៥០ បើកបម្រើពីម៉ោង ១២ ថ្ងៃត្រង់ ដល់ ១២ យប់។

២. Alchemy Gastropub

ជាហាងល្បីមួយនៅតំបន់ទួលទំពូង Alchemy Gastropub រាល់ចុងសប្ដាហ៍ មិនសូវមានតុទំនេរនោះទេ។ មូលហេតុមានពីរ ដែលនៅទីនោះមានមនុស្សច្រើន។ ទី១ អាហារមានរសជាតិឆ្ងាញ់ ហើយទី ២ មានទីធ្លាទូលាយទាំងក្នុង និងក្រៅ។ សម្រាប់អ្នកចូលចិត្តបរិយាកាសត្រជាក់ មិនចង់បែកញើសអាចចូលអង្គុយខាងក្នុងបានដោយមិនមានអារម្មណ៍ថាទីធ្លាចង្អៀតនោះទេ។ បើនិយាយពីផ្នែកខាងក្រៅវិញ តែងមាន DJ ឬក៏ក្រុមតន្រ្ដីផ្សេងៗមកប្រគំជានិច្ចរាល់ចុងសប្ដាហ៍។

Alchemy Gastropub មានទីតាំងនៅផ្ទះលេខ ៣៥ ផ្លូវ ១២៣ បើកបម្រើពីម៉ោង  ១០ ព្រឹក រហូតដល់យប់ជ្រៅ។

៣. Sundown Social Club

នេះជាទីតាំងល្អបំផុតក្នុងការគយគន់ទេសភាពផ្សារទួលទំពូង មើលគេមើលឯង ពីលើផ្សារទួលទំពូង ត្រូវចិត្តម៉ាច់សម្រាប់អ្នកចូលចិត្តអង្គុយម្នាក់ឯង មុនពេលថ្ងៃលិច។ នេះជាហាងទី ២ របស់ Long After Dark តែគ្រាន់តែដាក់ឈ្មោះផ្សេងគ្នាប៉ុណ្ណោះ។

ទីតាំងលើផ្លូវ ៤៤០ ផ្ទះលេខ ៨៦ បើកបម្រើពីម៉ោង ១២ ថ្ងៃ ដល់ ១២ យប់។

៤. TINI Cafe & Bar

ហាងតូចមួយនេះ ល្អបំផុតសម្រាប់ប្រិយមិត្តដែលមិនចូលចិត្តញ៉ាំគ្រឿងស្រវឹងផ្សេងៗ ព្រោះមនុស្សភាគច្រើនដឹងថាទីនេះ លក់កាហ្វេ តែក៏មានភេសជ្ជៈផ្សេង និងគ្រឿងស្រវឹងផងដែរ។ ទីនេះ មានបម្រើកាហ្វេពីម៉ោង ៩ ព្រឹក ដល់ ៩ យប់ មានទីតាំងស្ថិតនៅ ផ្លូវ ៤៥០ ផ្ទះលេខ ១៧។

៥. LA. CHRONIQUE

ថ្វីត្បិតតែស្ដាប់ឈ្មោះមើលទៅហាក់បីដូចជាឈ្មោះបារាំង តែធាតុពិតនេះជាគំនិតថ្មីរបស់កូនខ្មែរមួយរូប ដែលនាំមកនូវរសជាតិកាហ្វេថ្មី ដែលធ្វើឲ្យយុវវ័យជំនាន់ក្រោយ និងជនបរទេសដែលនៅម្ដុំទួលទំពូងនេះ ស្គាល់ច្បាស់ពីរសជាតិកាហ្វេ និងបរិកាសប្លែកក្នុងហាងកាហ្វេមួយនេះ។ ហាងនេះ បើកបម្រើអាហារ ៣ ពេល គឺពេលព្រឹក ថ្ងៃ និងល្ងាច ចាប់ពីម៉ោង ៩ ព្រឹក ដល់ ១០ យប់៕

អត្ថបទ៖ តុងឡុង

ចុចអាន៖ Yakmob យក្សសម័យថ្មីពីវិចិត្រការិនីវ័យក្មេង ហេន វឌ្ឍនាស្ថាពរ

ចុចអាន៖ រដ្ឋ​អ្នកមានទាំង ៦ ដែល​​មានមហាសេដ្ឋី​រស់នៅ​ច្រើន​ជាង​គេ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា5 hours ago

កិច្ច​ពិគ្រោះ​យោបល់​លើ​សេចក្ដី​សេចក្ដីព្រាងច្បាប់​ស្ដីពី​ការគ្រប់គ្រង​វិស័យ​អប់រំ​កាយ និង​កីឡា

កីឡា5 hours ago

ក្រុមកីឡា​បាល់បោះ Yuetai Mekongers គ្រង​តំណែង​ជើងឯក​លី​ក “league” ឆ្នាំ​២០២០

ព័ត៌មានជាតិ5 hours ago

ព្រះសង្ឃ​មួយអង្គ​ យក​ខ្សែ​ភ្លើង​ចង.ក​បញ្ចប់ជីវិត​ ក្នុង​កុដិ​

ព័ត៌មានជាតិ5 hours ago

រដ្ឋមន្ត្រី​កសិកម្ម​ជំរុញ​ឲ្យ​សហគមន៍​ព្រៃឈើ​បង្កើន​ការចិញ្ចឹម​សត្វ ត្រី និង​ដាំ​បន្លែ​បន្ថែម​ដើម្បី​បង្កើន​ប្រភព​ចំណូល

ព័ត៌មានជាតិ6 hours ago

លោក​ចម ប្រសិទ្ធ អំពាវនាវ​ឲ្យ​អ្នក​វិនិយោគ​ឥណ្ឌា​មក​បណ្តាក់​ទុន​នៅ​កម្ពុជា​លើ​វិស័យ​អាទិភាព​ជាច្រើន​កំពុងតែ​រង់ចាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services